السلام عليكم ورحمة الله وبركاته


كل عام وأنتم بألف خير


أخواني في البداية أنا عبيت نموذج الفيزا البريطانية (سياحة 6 شهور) عن طريق النت وسددت الرسوم بالفيزا وبعدها عطوني موعد ورحت للموعد ومعي الأوراق التالية:


1- النموذج مطبوع
2- أربع صور 3*4
3- كشف حساب بالانجليزي 6 شهور
4- شهادة بنكية موجهه للسفاره
5- اصل الجواز

بعد ما اعطيت الموظف الاوراق وخلاني اوقع على نوذجين سألني وقال: تبي فيزا عادية والا مستعجلة وبحكم ان السفرة قريبة اظطريت آخذ الفيزا المستعجلة ودفعت رسوم اضافية 738 ريال

المهم بعد بصمت عندهم وعطوني موعد بعد اسبوعين ومشيت سألني واحد من الشباب عن الاوراق المطلوبة وقال ليش ما عطيتهم تأمين طبي وبعد اذا كان جوازك ماعليه توقيع لك يمكن يكنسلون طلبك !!

وش الحل يا اخوان

و عليكم السلام

من العايدين

امورك تمام ما تحتاج تامين لانه فقط لفيزا الدراسة اكثر من 6 شهور

فقط انتظر لين يبلغوك بانتهاء االجواز او راجعهم لان المستعجل خلال

اسبوع يكون جاهز

مثل ما أجاب أبو غسان
التأمين الطبي غير مطلوب في التاشيرات السياحيه البريطانيه
فلا تقلق

أتمنى لك التوفيق ورحلة سعيده

جزاكم الله خير
طمنتوني بكلامكم الله يسعدكم كنت شايل همه


طيب وش سالفة الجواز اللي لازم يكون عليه توقيعك مدري ايش؟!

في اسفل صفحه 3 من الجـواز خانه " توقيع صاحب الجواز"
يفضل انك اول ما تستلم الجواز توقع في هذه الخانه ،
لكن اكثر الناس يغفلون عن التوقيع و لن تخسر شئ إذا وقعت
ففي بعض الدول يتشككون في الجواز حينما يجدوه بدون توقيع
ولكن أحرص أن يكون توقيعك مطابق لما وقعت به في إستمارة طلب التأشيره