الله يعافيج ان شاء الله

بالنسبة لانسي .. احتفالات يوم السبت خلصت لانه تقام او يوم سبت من شهر اغسطس واللي كان 1 اغسطس
واليوم الاول ممكن تتمشون بعد الوصول في حديقة مارس والحديقة الاوروبية اللي مقابلها وكلاهما موجودتين على البحيرة
وخلف فندق Hotel de Ville
وفيهم تلقون استئجار القوارب والجولات البحرية

اليوم الثاني .. ممكن بدايته تركبون القوارب والجولات البحرية ثم تروحون شاموني اذا اردتوا

يوم الاحد جميع الاماكن اللي ذكرتها بتكون مفتوحة وبالنسبة للاسعار ممكن تدخلون على مواقعهم وتتاكدون منها
والمواقع موجودة في تقرير هذا احداثيات ومواقع الاماكن السياحية في سويسرا وما حولها

وهذا موقع مصنع الشوكلاته Cailler - Pur chocolat, pure emotion
وهذا موقع ميلسون www.moleson.ch : une montagne de loisirs -

الفندق اللي بزيورخ مكانه ممتاز وكل شي قريب عليكم من مطاعم وسوبرماركت وشوارع التسوق
وشوفوا الجزء الخامس من تقرير الاحداثيات واختاروا ما يناسبكم من اماكن
وهذي خرائط من نفس التقرير

زيورخ


اماكن حول زيورخ







افضل القمم الثلجية في سويسرا قمة تتلس اللي قرب لوزيرن وقمة جونغفرو اللي قرب انترلاكن
وقمة تتلس ارخص من قمة جونغفرو وسعر قمة تتلس تقريبا 90 فرتك اما قمة جونغفرو تقريبا 180 فرنك

بالنسبة لاماكن التسوق فافضل مكان هو شارع البانهوف ستراسا شارع رائع للتسوق وفيه مجموعه من المطاعم الكوفيات
بالاضافة الى وجود مجمعات وبوتيكات للتسوق .. اما مراكز التسوق في سويسرا من وجهة نظري انها عادية جدا