انا حاليا في تركيا - الصفحة 2

النمسا · 23-07-2015, 01:50 PM

اقتباس : المشاركة الأصلية كتبت بواسطة يزيد الراوي

نعم نبغى علومك يالحبيب كيف الاجواء وهل الشوارع مزدحمه؟ الأسعار هذه الايام فنادق سيارات اجره مطاعم مقاهي والاماكن السياحيه ,اسعار دخولها..هل كل شي على مايرام أم هناك مايعكر الاجواء وهل الاتراك مازالوا يتعاملون مع السائح العربي بكبر وعنجهيه ( وجوه عليها غبره ترهقها قتره ) أم تغيروا وأصبحوا ودودين ( تعرف في وجوههم نظرة النعيم ) ... هات اخبارك ولو بشكل مبسط ونعلم انك مشغول وفقك الله وترجع بالسلامه....
الاخ الغالي النمسا اشكرك على ردك الجميل واقدر مجهودك الرائع كما اشكر اختنا عناقيد على تفاعلها مع الجميع ومعلوماتها القيمه الليب انا شخصيا استفدت منها كثيرا , ويبدو اني سابحث عن سائق خاص افضل من استخدام المواصلات العامه ولكن كيف اجد سائق هذه الايام واسطنبول تعج بالسياح وان وجدته هل من الممكن اتفاوض معه على السعر وكم سيكون السعر المناسب؟

سعر السائق الخاص ليوم واحد يكلفك من 120 دولار إلى 150 دولار

hama1357 · 23-07-2015, 02:33 PM

رحله سعيده و كيف الجو في اسطنبول و الوضع الامني

عناقيد الربيع · 23-07-2015, 02:59 PM

العفو اخوي وهذا واجبنا و اسمح لنا ع القصور ...

بخصوص السائق لما قررت اني اروح الشمال تواصلت مع شركة سياحية

قالي باليوم 200 دولار .. بالاماراتي 736 درهم

و بعد مشاورة الخبراء اخذت برايهم و استأجرنا سيارة وكان خيار موفق جدا نروح ونيجي ع كيفنا

و باليوم كله ان عبينا ديزل يطلع شي بسيط لا يذكر ... توكل ع الله وسوق بنفسك

kanari212 · 23-07-2015, 10:54 PM

الجو في اسطنبول بالنهار حار والشمس كبيره لكن بالليل الجو ولا اروع تنقلاتي كلها بالتاكسي افضل واريح لي واغلبهم يشغلون العداد ف ماكو اي مشكله لكن التكاسي النصابين تحصلهم عند تقسيم والغراند بازار ف احذر منهم
عموما المشكله الثانيه الي تواجها مع التكاسي اللغه ما يفهمون وراح تتعب عشان توصف لهم وجهتك الي رايح لها سواء كانت الفندق او اي وجهه تحتاج تروحها
المطاعم هذه طامه كبرى والله من وصلت كل ما اروح مطعم واطلب يا يطلع ناقص او يطلع زايد بالاكل او او
القصد انه راح تتعب في التعامل معاهم
والمصيبه الاخرى انه التكاسي بينهم وبين التكييف بالسيارة عداوه ولا يشغلون التكييف واذا طلبت منه يشغله يقولك التكييف خربان ولا يسوي روحه ما يفهم
المهم انا بالنسبه لي الديره كلش ما عجبتني

النمسا · 24-07-2015, 02:22 AM

اقتباس : المشاركة الأصلية كتبت بواسطة kanari212

الجو في اسطنبول بالنهار حار والشمس كبيره لكن بالليل الجو ولا اروع تنقلاتي كلها بالتاكسي افضل واريح لي واغلبهم يشغلون العداد ف ماكو اي مشكله لكن التكاسي النصابين تحصلهم عند تقسيم والغراند بازار ف احذر منهم
عموما المشكله الثانيه الي تواجها مع التكاسي اللغه ما يفهمون وراح تتعب عشان توصف لهم وجهتك الي رايح لها سواء كانت الفندق او اي وجهه تحتاج تروحها
المطاعم هذه طامه كبرى والله من وصلت كل ما اروح مطعم واطلب يا يطلع ناقص او يطلع زايد بالاكل او او
القصد انه راح تتعب في التعامل معاهم
والمصيبه الاخرى انه التكاسي بينهم وبين التكييف بالسيارة عداوه ولا يشغلون التكييف واذا طلبت منه يشغله يقولك التكييف خربان ولا يسوي روحه ما يفهم
المهم انا بالنسبه لي الديره كلش ما عجبتني

أبي أعقب على بعض الملاحظات :
1- فعلاً أغلب التكاسي في منطقة اللي عند تقسيم + قراند بازار + سلطان أحمد + أورتاكوي متعب التعامل معاهم لك أتفق معه على سعر معين قبل ما تركب
2- عشان تتغلب على اللغة للوصف يا أخي أكتب للتكسي المكان اللي بتروحه في ورقه أو في الجوال ( أو خلي الفندق يكتب لك أسم المكان بلغتهم التركية ) أبداًما كانت اللغة عائق لي .
3- المطاعم أنا ما أدفع ألا وأنا مشيك على كل الطلبات وهذا لازم ,,, وما يمنع تعطيهم إكراميه بالمعقول
4- ماراح يشغل المكيف عشان ما يطير الديزل فيسوي روحة ميت إذا قلت له شغل المكيف

عناقيد الربيع · 24-07-2015, 02:28 AM

التاكسي قصة ثانية ههههههههههههه الله يهديهم بس

اللغة ماهي اشكالية

ممكن يحتفظ بصورة لكل مكان وده يزوره بالجوال اذا ما فهموا عليه طلعها لهم ... انا سويتها و مشت معاي ولله الحمد

يزيد الراوي · 24-07-2015, 02:36 AM

اخوي الكناري شلون حصلت على الفيزا وهل بالامكان الدفع في المطار؟

النمسا · 24-07-2015, 03:21 AM

اقتباس : المشاركة الأصلية كتبت بواسطة يزيد الراوي

اخوي الكناري شلون حصلت على الفيزا وهل بالامكان الدفع في المطار؟

أخوي الفيزا عن طريق موقعهم :

https://www.evisa.gov.tr/ar/apply/

kanari212 · 24-07-2015, 08:39 AM

الفيزا عن طريق الموقع تعبي الطلب ويرسلون لك الفيزا عن طريق الايميل واطبعها
بالنسبه لنا الكويتيين من غير رسووم .

kanari212 · 24-07-2015, 08:42 AM

خبراء تركيا سااعدوني لليوم الثاني
مول اوف اسطنبول هل يستحق الزياره ؟ وكم يبعد عن تقسيم
المدينه المائيه للاطفال هل تستحق الزياره ؟ وكم تبعد عن تقسيم
3- جزيره الاميرات ينفع اروحها لحالي من غير شركه سياحيه لانه احس اسعارهم مبالغ فيها وشلون تكون الكريقه الذهاب والاياب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا تركيا ، لا مزيد من الإنتظار ... حاليا باللغة العربية ...	ماجد الفهد	تركيا	21	23-08-2015 04:37 PM
أنا في البوسنة حاليا، وعندي استفسار عاجل جدا جدا	بو تميم	بوابة البوسنة	1	08-05-2015 11:18 AM
حاليا في ماليزيا	دودي باشا	ماليزيا	31	25-04-2015 05:15 AM
فندق المنزه داليا ( مكناس )	ساري أحمد	بوابة المغرب	11	07-03-2015 05:28 AM