قرية كوخيم الالمانيه وماحواليها - الصفحة 5

اوروبا عشقي · 12-01-2015, 12:02 AM

.

غلاتي · 12-01-2015, 03:33 AM

اهلا اهلا حي ذا الشوف
اشتقنالك واشتقنا لتقاريرك ولمتنا الحلوة
ان شاءالله اكون متابعة معاك

|القحطاني| · 12-01-2015, 08:53 AM

التقرير في غاية الروعة

ما شاء الله

الصور روووعة

الله يعطيك العافية

مقدام · 15-01-2015, 11:22 AM

تقرير رائع
وجولات حلوة

اوت لت ريموند حلو لكن اسعارهم غالية شوي

وتقبلي تحياتي

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

هداوه · 16-01-2015, 07:52 PM

اقتباس:

المشاركة الأصلية كتبت بواسطة فارس من خيال
رائعه يام عيسى تسلم الايادي ع هالصوره الحلوه
نترياااااااااااااااك

ههههههههههههههههههههههههههه
حلوه المظله
الله يسلمك يارب

اقتباس:
المشاركة الأصلية كتبت بواسطة FuNnY GIRL
روووووعه ياام عيسى لكسمبورغ في الكريسماس شنو حلوه حبيتها اجواء واحسها شتويه اكثر اجواء الشتا اتجنن فيهاا مت على شكل المطر وانتو في الباص مشاءالله روعه وشعبها يعتبر اكثره غني ظروفهم الماديه زينه ،، وقلت لج في الاسنتقرام ان سوقهم مافيه تاكس افري يعني تسوقي وانتي مستانسه احنا كنا جاينها من بروكسيل شوي درنا فيها وعقب اذا ماخاب ظني رحنا ليل الفرنسيه كلهم حلوووين واحلى من بروكسيل اللي ماكان فيها ولا ليت كريسماس وانا ررايحه تاريخ 18/12 يحطون زينتهم من تاريخ 20 علشان خساره صرف كهرب

فديت حبيبتي وغاليتي فني جيرل
ياسلام الصراحه انا عجبتني بعد وحبيت الاكسمبورغ
تصدقين نسيت انج قلتيلي عن التاكس فري وما استغليت الفرصه
واصلا الاجواء المطريه ماكانت تشجع ع التسوق
فعلا الكريسماس في باريس يجنن
مره سرت الكريسماس في سويسرا وقضينا النيويير فيها وثاني يوم من السنه اليديده سرنا باريس ولقيناها تجنن وتندمنا انه كنا في سويسرا اللي كانت ممله ومافيها شي ونص شعبها مختفي ، يامسافرين ، ياطالعين فوق الجبال وفي المنتجعات الشتويه يتزحلون
ومن هاي السفره كرهت سويسرا في الشتاء

اقتباس:
المشاركة الأصلية كتبت بواسطة غلاتي
اهلا اهلا حي ذا الشوف
اشتقنالك واشتقنا لتقاريرك ولمتنا الحلوة
ان شاءالله اكون متابعة معاك

وفديت شوفتج في تقريري
وأنا وايد فرحانه بوجودكم وبلمتنا
ومن حظي الحلو انكم تتابعوني

اقتباس:
المشاركة الأصلية كتبت بواسطة |القحطاني|
التقرير في غاية الروعة

ما شاء الله

الصور روووعة

الله يعطيك العافية

الله يعافيج يارب
وياهلا وسهلا فيك

اقتباس:

المشاركة الأصلية كتبت بواسطة مقدام
تقرير رائع
وجولات حلوة

اوت لت ريموند حلو لكن اسعارهم غالية شوي

وتقبلي تحياتي

الصراحه ماأدري اذا اسعارهم غاليه
نحن من ندخل الاوت ليت فاهمين انه الاسعار تكون مميزه عشان جيه ماندقق

محبة الاسفار · 16-01-2015, 08:13 PM

كمية المعلومات جميلة ومشاركتنا بكل التفاصيل

باختصار اتعب واقول فخامه

هداوه · 16-01-2015, 11:40 PM

اقتباس:

المشاركة الأصلية كتبت بواسطة محبة الاسفار
كمية المعلومات جميلة ومشاركتنا بكل التفاصيل

باختصار اتعب واقول فخامه

تسلمين حبيبتي هذا من ذوقج

هداوه · 17-01-2015, 12:40 AM

موفي وورلد
Movie World

عنوانها

Movie World

Warner Allee 1, 46244 Bottrop

تبعد ساعتين ونص وهي بعد مدينة ايسن

موقعهم ع النت

http://movieparkgermany.de/en

صور من النت لمدينة الالعاب

تفاصيل رحلتنا

في رحلتنا هاي كنا 5 عوائل ، وبعض رحلاتنا تكون وياالقروب
وبعضها بروحنا

وفي هاي الرحله أغلب الكبار اللي في القروب رافضين يسيرون مدينة الالعاب

وقالوا نحن سرنا فانتازيا وكفايه

والشباب والبنات اللي في القروب في خاطرهم

عيالي يبون يسيرون ومن حقهم اني ابسطهم وأوديهم الاماكن

اللي تسعدهم فقررنا انه نحن نسير

وجمعت شباب العيله وخذيتهم ويايي

وسرنا سيارتين

أنا وياعيالي وابوهم في سياره والشباب ( أولاد وبنات ) في السياره الثانيه

صارتلي مشكله ماتوقعتها

قبل بيوم حسيت اني محسسه وجان آخذ دواء الحساسيه

وظل مفعولها لين ثاني يوم ، تميت مسطله

وزاد الطين بله انه هاليوم الجو حار وشمس

وعشت يوم سيئ وخصوصا اني مابلعب

وحاولت في البدايه اني استانس بس دواء الحساسيه كان هو الاقوى

أول مادخلنا االشباب ساروا بروحهم يلعبون

والصبايا عطيتهم عبادي وانطلقوا وتمينا انا بوعيسى بروحنا

في البدايه تميت أدور العروض وأحضرها

وساعات نيلس في كوفي ومره يلسنا في المطعم وتغدينا

وكنا نتلاقى وياعيالنا في بعض الفترات وكان بيننا الفون

وبدينا انا وبوعيسى نمل وبديت أحس بالخمول والتعب واحس أبا أرقد
لين صارلي موقف محرج أوي

دخلنا أنا وبوعيسى كوفي شوب

وسار هو يطلب كوفي عشان نصحصح

وانا أخترت طاوله ويلست

وأنا أترياه توسدت ايدي وحطيت راسي ع الطاوله وماحسيت

بعمري ورحت في سبات عميق
وفجأه

حسيت حد يمسك جتفي ويحاول يوعيني

نقزت ورفعت راسي

شفت وحده اماراتيه ، تقوللي

انتي بخير

أقولها : شو

وانا مسطله ع الآخر

تقوللي انتي بخير

قلتلها هييه بس أنا كنت راقده

قالت سامحيني اني وعيتج بس أنا وريلي من فتره نراقبج وخفنا انه مغمى عليج

قلتلها : لاحبيبتي انا راقده

بس الله يهديها جان صبرت شويه عليه وخلتني راقده شويه بعد

عقب ياني بوعيسى وشربني كوفي وخبرته شو صار وياي وضحك عليه
صحصحت شويه ورديت سطلت
والله ماكنت قادره حتى أيلس ، أبا أطيح وأرقد بس
واتصل في العيال وهم بعدهم مب شبعانين وأنا ما أبا أخرب عليهم ، في الاخير قلتلهم

أنا بسير السياره أبا أرقد وانتوا خلصوا وتعالوا

سرنا انا وبوعيسى السياره

هو انشغل بجواله وانا سدحت نفسي ع الكراسي ارقد وانش لين

خلصوا العيال ورجعنا وأنا في الطريج كملت رقاد

كان يومي كله رقاد

وقلت توبه آخذ دواء الحساسيه اذا ورايه طلعه شرات هاي فيها نشاط وترفيه

الحين استانسوا بالصور

ونحن قريبين من مدينة الالعاب شفنا مزارع في الطريق وممكن زيارتها

وقلت لبوعيسى خلينا نطلع من مدينة الالعاب ونتمشى في ايسن

بس هو قال دامنه دخلنا خلاص خلينا نتم

ياليت أصريت وطلعنا ولا الحاله اللي عشتها يمكن تنشطت أكثر

كان ازدحام غير طبيعي قبل مدينة الالعاب يمكن تمينا نص ساعه

ونحن نمشي شوي شوي

وعقب وصلنا وبركنا وكانت المفاجأه

بركنا ونزلنا ومشينا

ومشينا ومشينا ومشينا

حشا استهلكوا طاقتنا قبل لاندخل المدينه

وأخيرا دخلنا مدينة الالعاب

الاسعار بتحصلونها في موقعهم ، لأني ما أتذكر كم دفعنا

وعندهم عروض وهاي مهمه تعرفونها من تدخلون عشان

تعرفون الوقت والمكان لكل عرض

وفيه عندهم تذكره سبيد باس اللي تدخلكم الالعاب بسهوله أكثر
وأسرع وتتجنبون الوقوف في الطوابير الطويله

وفيه منها بكجات حسب الالعاب اللي تبونها وعيالنا طبعا خذوها

هاي وأنا أشوفهم دوختني ، تخيلوا لو ركبتها
جان صارت علوم

طلعت جبودهم وهي تدور

تدور وتتمريح

ولاهاي

من العروض الحلوه اللي حضرناها

بوليس أكاديمي

والأحلى انه فجأه غيمت الدنيا وطاح علينا مطر

وعقب عادي رجعت الشمس منورتنا

أخيرا طلعنا من مدينة الالعاب بعد يوم شاق عليه

وقبل ما أرقد وأروح في عالمي

شفت هالمنظر الجميل وصورته

أول مره نرجع منتجعنا متأخر أظن وصلنا ع الساعه 12 أو أكثر

وكان الطريج للمنتجع يخوف

حلبس ظلاااام

ونلتقي ان شاءالله في الجزء الياي في ...

في فيسبادن

هدوء العالم · 17-01-2015, 06:28 AM

ماشاءالله كنتم برحلة أوروبية اجل
لا احنا ما طلعنا كانت رحلة علاجية
وماشاءالله جزئين ولا اروووووع
متااابعين

اوروبا عشقي · 17-01-2015, 12:17 PM

هههههههههههههههههههههههههههههههاي ليش يراقبونج خربوا عليج نومتج وزين سويتي كملتي نومتج في السياره خايسه هالحبوب ،، حسيت فيج انا تو كلت حبة حساسيه طول اليوم مسطله ودايخه وماتشبعين رقاد امي اتقولي لاتاكلينها وقت النوم اكليها مثلا الساعه 8 علشان الصبح مفعولها يخف اتقولي غلط تاكلينها وقت النوم اتمين دايخه طول اليوم والالعاب حلووووه تنفع للي قلوبهم قويه مب الخوافين مثلي

متابعين معاج يااحلى ام عيسى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أماكن سياحيه قريبه من أنترلاكن وماحواليها	هداوه	بوابة سويسرا	73	12-08-2019 06:04 PM
( new) منتجع يديد في قرية كوخيم cochem الالمانيه .. لايفوتكم	هداوه	بوابة المانيا	29	11-08-2018 12:14 PM
تجربتي في الفيزا الالمانيه اليوم 29/4/2015	الشهري	فيزا	20	08-05-2015 04:14 PM
هوكسي قرية صينية جميع سكانها أثرياء بالصور , هوكسي افخم قرية صينية بالصور	عامر	بوابة الصين وهونج كونج	15	25-04-2015 07:23 PM