العرب المسافرون الشنغن

السلام عليكم


تجربتي في الفيزا الفرنسية من الرياض

بدينا في الاجراءات قبل السفر بشهر
ولكن انصدمنا انه مافيه موعد في المكتب الموحد إلا قبل السفر ب 10 ايام
وقلنا نمسكها مكتب اضمن انها تخلص
رحنا مكتب مجرب من احد معارفنا لكن بكل أمانه قال ما اضمن اطلعها لكم في الوقت المحدد
ونصحنا بمكتب ثاني وفعلاً رحنا له
وكان موعدنا في المكتب الموحد الثلاثاء الظهر بتاريخ 2015/5/26
الي هو قبل الاجازة بإسبوع تقريباً
والفيزا ولله الحمد خلصت يوم الخميس الظهر بتاريخ 2015/5/28
يعني يوم عمل واحد فقط
بالرغم ان المكتب زحمة زحمة
لكن احنا ما جلسنا في المكتب إلا ساعة وحدة بس
ومدة الفيزا سنة الي هي مدة نهاية صلاحية الجواز

طلبات المكتب:
الجوازات وهم صوروها
تعريف بالراتب انجليزي مختوم
صور شخصية والنساء لازم ظاهرة منابت الشعر

رسوم المكتب (شامل كل شي) 750 ريال للشخص