الحب الأبدي

توبليرون · 05-01-2015, 04:47 PM

** الحب الأبدي**

الله يديمه بين البلدين

عنوان تقريري اليوم لأن علاقة الحب قوية بين البلدين

السلام عليكم

نبدي تقريرنا لرحلة البحرين بعيد الأضحى المبارك

قررنا انا والوالدة وعايلة خواتي ثنتين

ان نقضي العيد بالبحرين

وكانت رحله ممتعه

وطبعا رحلتنا كانت بالسيارة بيوم الاحد قبل وقفة عرفات

صلينا الفجر واتصلنا على ربعنا وطلعنا

ومدام ربعنا تأخروا في الطلعة...ومع شروق الشمس

وقفنا نتريق عند

حياكم ههههههه

لازم بيبسي والا ما يصير

منظر الشروق وايد حلووووو

وحركنا بأتجاه منفذ النويصيب

بداية المخيمات

السفرة كانت برعاية نادي تشيلسي هههههههههه

يعني اللي معاي حسين

وبناتي ثنتين بس

وصلنا المنفذ ......كم سيارة جدامنا وما طولنا نص ساعه واحنا بره

ودخلنا المنطقه الحدودية

المنفذ للمملكة العربية السعودية

وهني عبينا بنزين ووقفنا ننتظر اصحابنا

وأخذنا كرك

بأنتظار الأهل......شوفو الوقت من الفاتورة

قعدنا ننتظر وايد وتأخروا الأهل لأن معاهم

شغالات والفيزا عاملينها بس اللي يطبق للفيزا للحين ما وصل

الساعه 8 صارت

قلنا لهم احنا ماشين قبلكم

وحركنا

من الطريق

قربنا من البحرين

وصلنا الجسر

مافي زحمة

الا زحمة شوي

خلصنا بعد ساعه تقريبا مو وايد

دخلنا البحرين

الى ضاحية السيف

وهذا فندقنا بين

انتظروني في الجزء الثاني عن الفندق

رامي جراند السيف

Turki1407معجبون بهذا.

توبليرون · 05-01-2015, 04:49 PM

نكمل معاكم

الجزء الثاني

واللي بيكون عن فندق

رامي جراند السيف

واحنا حجزنا من موقع هوتيلز وكان ارخص من موقع بوكينغ

http://ar.hotels.com/ho437662/ramee-grand-hotel-%26-spa-%D8%A7%D9%84%D9%85%D9%86%D8%A7%D9%85%D8%A9-%D8%A7%D9%84%D8%A8%D8%AD%D8%B1%D9%8A%D9%86/

المهم كان الحجز لاربع ليالي ب 640 دينار بحريني

شقة من غرفتين نوم

وعند عمل الشيك ان قال لي الموظف ان السعر مع الضريبة يصير 760 دينار بحريني

قلت له هذا السعر مع الضريبة والافطار لاربع اشخاص من موقع هوتيلز

والفاوتشر عندي

قال لا

انا الصراحة سكت وقلت اوكي لأن اللي حاجز أختي وهي بعدها ما وصلت

دفعت بالكرت...........تابعو بعدين شنو راح يصير

وقعدنا ننتظر لحد ما يجهزون الشقة قال لنا ان شاءالله بعد ساعة تكون خالصة

قلت له استعيلهم الله يخليك .... قال اوكي

قعدنا باللوبي

وهذه الصور

هذا الفندق بان لنا واحنا بالشارع

وهذا الأستقبال

وشايفين أغصان او سيقان الأشجار

هو رمز الفندق او شعارهم

قعدنا باللوبي واستغليت الوقت بالتصوير لكم

واول شي صورت لكم

كافيه

حديقة الشاي

من الصور او الديكور المعروض باللوبي

جلسة رايقة

مطعم الأفطار اليومي

مجانا

واذا غير مشمول الشخص ب12 دينار بحريني

وسألنا عن الغداء قالو البوفيه ب 15 دينار للشخص

جلسات متفرقة باللوبي

بنتي وهي شابكة انترنت مجاني باللوبي وبالغرف

الباسورد رقم الغرفة

وباللوبي كلمة ثانية

انتبهووو لعلامة دورة المياه باللوبي

نكمل الجلسات

فاصل بين المطعم وجلسات اللوبي

وهذه علامة دورة المياه

نساء ورجال

هههههههه

مدخل واحد ولكن داخل ثلاث ابواب

للرجال والنساء ولذوي الاحتياجات الخاصة

وهذا من حمام النساء

3 غرف للمرحاض

مع شطاف

المغاسل جميله

طاولة من اللوبي

ونقشتها كأنها جذع لشجرة

ديكور من اللوبي

شايفين الرسوم والديكورات

والتحف والأثاث كلها تمثل جذع الشجرة

وبين فترات التصوير......طلبنا عصير

لان ما قدموا لنا ضيافة بس قدموا لأمي وخواتي ...هههه

عصيري ليمون بالنعناع

لذييييييذ وبارد .........وانا على فكرة كنت هني مريضة

رايحة الطبيب وماخذة ابرة قوية وادويه علشان اصحى للسفرة

عصير بنتي عصير رقي

وعصيري مرة ثانية

وهذا حسابنا

ونرجع لجلسة اللوبي بالأضاءة

وهذا السقف للوبي......ثاني يوم قام يخر ماء

اخيرااااا انتهينا من اللوبي وقال لنا الموظف الشقة جاهزة

ورحنا لها

Turki1407معجبون بهذا.

توبليرون · 05-01-2015, 04:50 PM

نكمل الفندق

ونروح للشقة...وهي نوع سويت امباسادور

عبارة عن غرفتين وصالة

وثلاث حمامات

رقم الشقة

الرقم يطلع من ظل اللوحة

اول ما دخلت الشقة رحت للغرفة الكبيرة اللي بياخذها

حسين قبل لا ينام اصورها لكم

شاشة التلفزيون

قنوات مختلفة

تكرمون دورة المياه

في ستارة تنزل

الجاكوزي يطل على الغرفة من خلال الزجاج وممكن انزال الستارة

مقابله تلفزيون

غرفة الشاور

غرفة شسمه

بدون شطاف

المغاسل

ادوات النظافه الشخصية كلها من بولغري

ترتيب متقن

غرفة الملابس

مطل الغرفة على السيف مول

وتحتنا حمام السباحة

بالدور الثالث

الصور السابقة كلها للغرفة الرئسية

وهذه طاولة الطعام في الصالة

المطبخ التحضيري

تكرمون حمام الصالة

في شطاف

والحين ننتقل للاسبريسو

والثلاجة ومافيها من شراب.......انا قلت له شيييييل

كل اللي بالثلاجة

ولا في ثلاجة ثانية فاضية بالمطبخ التحضيري

كبايات لكل انواع الشراب

الحلويات عجبني شكلهم قلت باخذهم اخر يوم

ونسيتهم مع ان سعرهم كلهم يطلع 35 دينار ......بس نسيتهم

وهذه اسعارهم

الحين نشوف جزء من الصالة ويبين الباب الرئيسي

وعلى يمينه كيبل الكهرباء وقسم ماكينة الاسبريسو والثلاجة

وعلى يساره تكرمون الحمام

والكرسي المفرد للصالة مع الطاولة اللي تمثل جذع الشجرة

وهذا التلفزيون بالصالة

قنوات منوعه

جلسة الصالة الرئيسية

بوجهكم تشوفون باب الغرفة الرئيسية

مطل الصاله او الشقه كلها على مول السيف

شوفو الزحمة الناس بتشتري للعيد

وكمان حمامات السباحة والجاكوزي

توبليرون · 05-01-2015, 04:53 PM

الغرفة الثانية

السراير

شاشة التلفاز

*مكان المرايا يعني *ميز التواليت

الخزنة

السليبر...ومستلزمات الأحذيه

داخل الخزانة

اسعار اللاوندراي

تكرمون حمام الغرفة الثانية

في شفاط

الشور بوكس

المغسلة والادوات كلها من بولغري

بانيو مو جاكوزي

واحد هنيه وواحد بالخزانه

لا تنسون

يقول لي يمممه أرحميني

شوفوه منخش هههههههه

الحمدلله شطبت لكم على الغرفة

نسسيت اقول لكم ان في استشوار.....طاولة كوي وأوتي

كل الادوات المتوفرة لأربع أشخاص بالغين

قناني الماي متوفرة بكثرة وما طلبنا والا اشترينا من بره وجبنا معانا

وصلوووو الأهل وقلت لهم تعالوا عندي خل ترتاح الوالدة وبنت اختي البيبي

على ما تجهز شقتهم

وعلشان الوالدة تعبانه من الطريق ومريضة بعد......وعندي بعد اختي الثانية كمان مريضة

حايشتنا انفلونزا.....هي خذت الابرة مثلي....المهم

طلبنا للوالدة غدا اهي وشغالتها

برياني خضار للوالدة.....وبرياني دجاج للشغالة

طلع الحساب 16 دينار بحريني........تستاهل الوالدة ربي يطول بعمرها

ريحته تهبل

الجرسون يفتح الخبزة

وهني بعد ما فتحهم

الروب الزبادي

وهني نخلص من الشقة وكل مافيها

يبقى بعد في صور لمرافق الفندق..........نشوفها بالجزء القادم

يمكن اتأخر عليكم بعدين اقولكم ليش

توبليرون · 05-01-2015, 04:56 PM

بدون مقدمات

كتبت نص هالجزء وبعدين طلعت على اني متأكدة اني مسيفة التقرير

ببجيييييي

مافي شي ابداااااا

الممهم بهالجزء بكمل بعض مرافق الفندق

وان شاءالله اقدر اكتبه كله اليوم

بس قبل لا اكتب بقول لكم عن سعر الشقة

بعد ما وصلت اختي قلت لها عن اللي صار وهي بعد سألتني

المهم قالت لا كلامنا هو الصح وحجزهم اوكي وانا نفس الحجز

رحت راجعت الرسيبشن والا يقول لي المسئول صح انتي

شنو سوى الموظف الاول قام ورجع الفلوس بالبطاقه كل الفلوس الغبي

مفروض يرجع بس الزايد

المهم الحين ما يوصلون بالبطاقه بنفس الوقت علشان يسحب

فطلب البطاقه الثانية اللي رفضها اول ......يعني لو ماعندي بطاقة ثانية كان علووم

اورم عينه ههههههه

المهم اخذ المبلغ 640 دينار بحريني

بس شنووو خرب الميزانية ههههههه لا الحمدلله كان عندي

تصدقون امس بس رجع المبلغ بالبطاقة

الحمدلله على كل حال تنفع للسفرة اليوم

حمام السباحة

طلعوا عيالنا من الحمام يقولون بارد الماي

الجاكوزي

المطل

مواقف خارجية لغير نزلاء الفندق

كان في حفلة وديسكو ايام العيد كانوا يخلونهم يوقفون هنا

وحسين سأل موظف خدمة ايقاف السيارات قال له ليش ديسكوو مو زين

قال له بعد في ديسكو بس للسيدات ههههههه

ما عرفنا اي يوم خخخخخخ

حمادة يتشمس

دوش .....مروش

جلسة عائلية

من الغرفة المظلات

وهني تحت

السبا والصالون النسائي ورجالي

مواعيدهم مافي او موعد بعد كم ساعة يتصلون عليك وتروح لهم

للمسافرين ما ينفع

لقلة العاملين بعدهم يبيلهم

بنات خواتي صغار سوو استشوار يوم العيد

طولوا اكثر من ساعه ونص لان اللي تشتغل وحدة بس

اختي هونت كانت تبي بعد البنات

بس لغت الفكرة

استقبال السبا

موعدها ما يناسب اختي

مكتب ثاني

من جهة المصاعد اللي توصل للغرف

المصاعد دايما تتأخر

الممرات للغرف

شقتنا

التلفزيون ترحيب دائم ....وفيه كذا قناة

بس طبعا احنا مالنا فيها حاجة بالسفر

الطاولة ام جذع

نكمل معاكم الفندق

الأفطار الصباحي

مجانا مع الغرفة لأربع أشخاص

سعر الشخص 12 دينار بحريني مبالغ فيه

والغداء سألناهم 15 دينار بحريني

اول ناس ننزل للفطور انا وغنومة

شفت المكان فاضي استأذنتهم للنصوير

وساعدوني في رفع الاغطية

أكيد واضح ما تبون تعليق

المشروم

هني الشيف ضاف عليها بقدونس علشان تطلع أحل بالصورة

من المحرمات وسجق الدجاج

صلصات للحوم

شيف العجة

الوايفل والبان كيك والكريب

توابعهم

السوشي

المخبوزات .....وفي مخبز للخبز اللبناني

السلطات

وزيوتهم

الفواكه والحلوو

توبليرون · 05-01-2015, 04:58 PM

ورجعت مكاني .....لقيتهم يايبين طلبي من الحليب

والشاي..........اي مو زين البيبسي ههههه

شايفين للحين محد نزل من ربعنا

ولا من الفندق بعد الساعة اعتقد 7,30

عاد بعدبن رحت حطيت لي ريوق

الخبز الطازج من الفرن

الكورن الفليكس

غنومه

أختيارات غنيمة .....واللي ياكل مو أنا

غنومة تحلي

وانا أحلي

ودانة توها توصل تتريق

والدواء لازم يوميا

ريوقنا بايام ثانيه

وكل يوم طاولة غير

الجريدة يوميا بهالكيس الانيق

جرس الشقه وفيه مصباح لخدمة الغرف اذا احتجت ينظفون الغرفة

وانت بالخارج

البوصله ما شفتها الا بعد ما نزلت برنامج القبله

بالايباد

ان شاءالله بعد بحط لكم صور عن الفندق

بس لان بعد ساعة بروح المطار وبطير لدبي

ان شاءالله اشوفكم يوم الاحد بالتقرير

توبليرون · 05-01-2015, 05:02 PM

السلام عليكم

نرجع معاكم بعد غيبة

ومع تكملة موضوع الفندق.... رامي جراند السيف

كانت سفرتنا بالعيد مثل ما تعرفون .....وفي العيد كانت هناك عروض وفعاليات للأطفال

ما نلحق عليهم لأنا احنا جايين نطلع مو نجلس بالفندق

بس عيالنا اول ناس يستفتحون الفعاليات

وهذا اول يوم بالعيد وثالث يوم بالسفرة لنا

تجهيز لعرض ساحر وتشكيل بالونات واعمال فنية

وتغيير مكان هالجلسة يوميا

واللوبي

وكانو يقدمون بوفيه خفيف لهم

والمهرج والبالونات

المهرج ونقاشة الحنة

ونقشو حنة بناتنا

ويوميا تقدرون تتابعون الطقس من خلال شاشة التلفاز بالغرفة

دليل قنوات التلفزيون

وهذا بروشر للسبا في الغرفة

فتحت ملف الخدمات الفندقية

المطاعم في الفندق

الخدمة

خدمات هاتفية

مركز رجال الاعمال والمؤتمرات

خدمات صحية وجمالية

هذا كل ما صورته لكم عن فندق رامي جراند السيف

وان شاءالله راق لكم

اتابع معاكم تقريري بالجزء القادم

توبليرون · 05-01-2015, 05:04 PM

نتابع معاكم رحلتنا

والحب الابدي للبحرين

في اول يوم وصولنا وبالتحديد في

يوم اللذي يسبق يوم عرفة

بعد ما عملنا تشيك ان وغدينا الوالدة وخليناها ترتاح بالفندق

على حسب طلبها.....طلعنا نروح نتغدى والاعتماد على

الخبيرة ام حسين في ايجاد مطعم من نوع جديد

وطبعا ام حسين استعانت قبل السفر بأحبابنا من أعضاء البوابة البحرينيه

وبدأت معهم بالاستفسارات مع اني اعرف

اماكن كثيرة في البحرين بس اظل محدودة الاماكن

.....

المهم الغدا قلت لحسين يلا نرجع جهة الجسر

ونروح بورجر لاند نلاقي عنده مطعم هندي ...

((يوم انكم تبون هندي ليش ما أكلتوا مع الوالدة هههههههه ))

تول القيادة حسين والجارمن بالايفون هههههههه ما نفعه

لانه طوف اللفة وكمل سيدااا

ما سمع الجارمن ابن بطوطة اللي قاعدة جنبه

انا

سماني النسيب بابن بطوطة هههههههه

كمل حسين سيدا والربع سيارتهم ورانا ....والا اشوف مدينة سار عل لوحة

قلت له لف

لفينا وقلت له ودينا السينما .....مشينا ما حصلنا الا سوبر ماركت

سألنا محد يدل السينما

والا نوقف واحد والا يطلع بحريني

وطلبنا منه انه يوصلنا للمطعم قال ما اعرفه

قلنا السينما قام يوصف لنا قال له حسين ميخالف تمشي واحنا نلحقكك

وقبل الرجل مع انه شكله مشغول

ووصلنا للسينما والا اشارة المطعم موجودة

قال الرجل لحظة وينزل من سيارته ويقعد يعزم علينا

لما عرف اننا كويتين من اللوحة وقال ما تروحون امشوا تغدوا عندنا

فلنا له ما يصير اخوي واحنا اهل ماله داعي

والله انه قعد يطلب مني ومن حسين وويترجانا قلت له اخووي

راح نجييكم وبنجيب الوالدة معانا يوم ثاني

وعطى حسين رقم تلفونه

وقال ضروري تجوون طبعا ما قدرنا نروح فشلة

اما مطعمنا أكيد عرفتوه وهو

فيلا ماماز

وهذا الرابط للمطعم

Bahrainipreneur هني في البحرين: New in Bahrain : Villa Mamas

صار قريب المغرب

وصلنا مقابل السينما لافته تدليكم المطعم

هذا اهو في مشروع للمطاعم ومافي الا مطعمين او ثلاثة فاتحين بس

برة من اليووع ما صورت الا هالصورة لحظة الوصول

طاولة العيال

عجبنا من الديكورات

تم توزيع الصحون والملاعق

والمنيووو وصل .....في منيو عربي

وردينا نصور السيارة الصفرا

اللي هني

وصل اول طبق

ملاحظة .....الاطباق مو كلها لي ههههههههههه

في تجمعاتنا على غدا او عشا يطلبون مني عيالي اني انشب لهم ....وعلى ما انشب لهم ))

اقعد اخر الناس على الأكل الا في ناس خالصة بعد ما ملت بطونها

ويقعدون يطالعون فيني يعني انتي للحين تاكلين .......ما يدرون اني توني قايلة بسم الله ...مراقبة دايمة هههه

ما يخلوني اتهنى بأكلي مع انه صار بارد ههههههه((

نرجع لأول طبق شوربة قرع ...يقطين بمناسبة الهلوين ..لا لا اقص عليكم

من الديكورات .....اتسلى وانا بمكاني

ياجميل يا جميل على حبك بان لي دليل. وانا خايف قلبي يميل. يا مـحير قلبي معاك يا مجري الفكر وراك. خايف لاالروح تهواك.

تشغلني وتـحيرني مالقاش اللي يصبرني

سلطة من المجموعه

أطباق جميلة شكلا ولذيذة طعما

بشهادة من أكل ومن ذاق ههههه مو أنا

لا تدققون على ربيانات حمادة هههههه

طبق حمادة ولد اختي

طبق حسين ولدي

فيليه هامور مع الرز والكريمة البيضاء

بس قاعد حسين ويقول لذيذ لذيذ لذيذ

هذه وحدة من وجبات البنات

طبقي.....أخر طبق ههههههه

توني باكل الناس خلصت ....بس الحمدلله ان اللي يراقبوني

مو معانا بالسفرة الرائعة

اي صح اعرفكم على طبقي

السيد شيش برك

والسيدة حرمه هههههه

لا لا

الرز اللي معاه

شفنا هالعصير وايد يطلبونه

قال حسين بجربه

وهذ السفن وشرب هذا

يقول هو ونسيبي الثاني ان طعمه عجيب

بعد ما خلصت قمت اصور لكم بعض الديكورات

والمطعم خف من زحمة الناس

الكيكة تشوق

شايفين المخبز الخارجي

تابع للمطعم

]

والفولكس

مو واضحة صح

شنو هاللوحة

تكرمون دورات مياه

وهذا

حماااااام للحرييييييم

وايد عجبتني

الحساب ليوم الحساب

هذا حسابنا انا وعيالي بس

كل واحد يدفع لعايلته

هني قمت اصور عاد ونااااسه

بعد ما شبعت

فيلا ماماز غذي حواسك

صح مية بالمية

وهذا رأي المجموعه كلها

وهذا رقم الفيلا

وهذه من بره

ارجو انكم استمتعتو معنا بهذا الجزء

والمطعم الجميل جدااا اعجبنا

تابعووني عندي المزيد

خبير البحرين

تابعوووووني بعد عندي

توبليرون · 05-01-2015, 05:06 PM

نكمل معاكم

تقرير البحرين

بعد عشوة او غدا فيلا ماماز اصريت الا اروح السيف ليش؟؟؟

سمعوا القصة

دانه بنتي الله يحفظها .....يوم افتحت جنطة ملابسها بتحطهم

بالخزانه ههههههههههههه ما لقت الا البنطلونات ههههههههههه

القمصان والفساتين التوب مافي؟؟؟؟؟

وينههم يا بنتي ليش اعتمدتي على الشغالة

قالت انا معاها نحط وطلعت لها القمصان بس اهي ما دري عنها

قلت لها بكل بروود طبعا ما تنرفزت ولا عصبت ولا شي ههههههه

بس قلت لها خلاص بالليل اشتري لك من فلوسك ملابس

وهذا اللي حصل

وبلغت ابو حسين يزف الشغالة بدالي ........لا لا ما عصبت

علشان ما اخرب السفرة

فرحنا السوق وسبقونا خواتي والوالدة وصرنا قسمين

انا ويناتي بصوب وهم بصوب

مو مشكلة

شريت لبنتي قطعتين او ثلاث وتشروا بعد اشياء ثانية

بس بعدين قعدنا نلف السيف بشوف ربعي ماكووو

قلت حق بناتي يلا انا تعبت تعشوو وخل نروح الفندق

روحتنا للسيف هني انا وبناتي اخذنا تاكسي

رحنا ب3 دنانير لان على العداد طبعا

وما يبدون الا ب3

وبالرجعة كمان بتاكسي بس طلع طماع ههههه

اخذ 4 دنانير وانتو شايفين يعني مشي خمس دقايق بس

نوو واكينغ مدام s

لانه هني حسين راح لربعه......لحد يقول للبابا تراه ما يدري خخخخخ

في ثاني يوم قعدنا الصبح

تريقنا كالعادة ونقعد بالريوق وايد لان على ما يتجمعون الأهل

والسوالف ما تحلى الا على طاولة الاكل

وبعدها قالو عيال خواتي وبناتي بنسبح بحمام السباحة

خليناهم يتسبحون واحنا نصورهم

بعدين قررنا نروح السيف لان بعد عشوة فيلا ماماز رحنا السيف بعد

بس ما فتروه كله قالو خواتي نبي نروح ونلعب العيال هناك

هني طلعنا انا وعيالي ورحنا صوب شارع المعارض

نتمشى.....على ما يجهزون الربع

تهنئة بمناسبة العيد لسمو الملك الأمير سلمان

وتهنئة لولي العهد والقادة في البلاد

المهم رحنا ونزلنا هناك وقت الغدا لان الوالدة اصرت انها تصلي وبعدبن تطلع

وعلى ما تجهزوو العيال صار الظهر

دحلنا وقررنا نتغدى بالاول

فقلت لهم تبون بوفيه والا المطاعم العادية

قالو بوفيه

صعدنا ممن جهة بابا دوم وعجبهم الجلسات فيه وقالو يلا هذا

انا بغيت اوديهم رنديفوو .....بس ما صار

وتغدينا بوفيه بابا دوم

ووناسة القعدة والسوالف

شوفو الصور

للبوفيه مع اني مصورته في تقرير

سفرتي **نحشة البحرين**

السلطات

الشوربات

شوربتي

سلطتي

وطلبنا الكولا مو من ظمن البوفيه

ولا العصير

عصير الوالدة ربي يحفظها ويقومها بالسلامة من مرضها اللي هي فيه

بعض الاطباق المعروضة

كباب دجاج

دجاج بعد

الشيبس

البرياني اللذيذ

الدجاج بالكاري

مادري شنو مو واضحه خخخخخخ

صلصات البرياني

ادري مو واضحة الصور

بس خذوا فكرة

جنها حلويات صح خخخخخخ

علشان تفرقون بين الصور الزينة والصور الاحترافية مثل الاخيرة هههههه

وهذا طبقي

بعدها راحوو اليهال للالعاب

واحنا اخذنا ركن من الكافيهات وقعدنا نشرب قهوتنا

وكابوتشينوتنا

وبعدها نزلنا للدور الاول وشفنا قطار

وسألناه وين تروح قال للجديد

قلت لأختي ركبوو ......والوالدة رجعت تريح بالفندق

ورحنا بالقطار وما شاءالله مشانا وعطانا بريد بعد هههههه

ووصلنا ونزلنا بعد ما اخذ جولة حلووة بالمول

وهذه العاب اطفال

XOXO

لعبة السلم والثعبان

مسرح مصور ما ادري شنوو

تمشينا بهالمنطقة انا واختي

ودخلنا محلات

وهذا محل لمصممة كويتيه

وهذه السيارة على اساس ان بتوصل المتسوقين بين اروقة المول

بس بذمتكم مو حلوة كلمة اروقة خخخخخ

طلع الحجي طللللع

حلوة السيارة بس محبوووسة

هي والبيانووو

لعبوا اليهال بالحيوانات المتحركة

والبنات خلصووا محل 21

وانا تعبت قعدت بكاريبو كافيه وشربت عصير

وبعدين طلعنا رحنا الفندق وعلشان بعد ناخذ الوالدة

والباقي ونطلع للعشا

تابع....

توبليرون · 05-01-2015, 05:36 PM

وين رحنا ......رحنا شارع الشباب

الصغار راحو بعضهم ناندوز ....مو بناتي لا هههه

والباقي ب؟؟؟ نسيت اسمه المهم هو للبرغر

واحنا الكبار نلعب على الكبير

واصفهاني

والصراحة زعلت عليهم ضيافة شوربة العدس

كانت ناس وناس ......مع انا كنا على نفس الطاولة هههههههه

حسين والوالدة

وهذه طلباتنا

انا واختي مقبلات بسس مانبي شي

خبز ايراني وحمص باللحمة

ورق عنب

ما عجبنا كأنه معلب

حمص باللحمة كان اووكي

الخبزة

ميرزا قاسمي لذيذ لأنه بيديان

وطبقنا الرئيسي

عرايس

عصير حسين

طبق حسين

والحين مع طبق الوالدة والنسيب

وحمادة والسياكل

وسيارات السباق غرامه

وأحلى استكانة شاي بالنعنع

قند مالي ايران

وهذه الفاتورة

رحنا سوبر ماركت

اوجمعية جواد .....بس ما ادري شنو شرينا منها هههههه

يمكن بس ماي

بعدين شايفين بنفس شارع الفندق محل كب كيك

ما صورت من بره لان قلنا بنروح له انا وخواتي بدون عيال

يوم ثاني .......بس ما رحنا

ولما رحت هالمرة انا وعيالي بس

لقيناه بيسسكر وقال بس تشترون مافي قعدة لان الساعة 11 يسكر

وباقي 20 دقيقة

نزلنا وصورنا هالصور الحلوة

شرينا بس اربع حبات

لان لا تنسون بنجي مرة ثانية وما صارت

مالتي انا وغنيمة

والحين خلصنا الجزء الخاص باليوم الثاني

واعذرونا على الصور الغير واضحة

والجاي احسن ان شاءالله

تابعووووني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من خبرتي في دوحة الحب	Ebrahim Alhalal	بوابة قطر	13	06-09-2016 06:45 AM
بكل الحب نجتمع مرة ثانيه في .. العرب المسافرون ..مبروك علينا جميعا	هداوه	أخبار واعلانات الأعضاء	34	04-06-2015 10:59 PM
تحذير ( عدم تأجير الجت سكي )	BKK	بوابة تايلند	22	07-04-2015 10:13 PM
~إن كان في الحب جنوناً..فأجمل مافي الجنون تركيا~ #عشاق_تركيا	~MaRcH~	تركيا	11	17-03-2015 07:15 AM