السلام عليكم
احتاج استشاره ورائي اصحاب خبرة السياحه في تركيا
انا اختي معاقه حركيا وحلمها تسافر تركيا
اللي ابي اعرفه هل الاماكن ميسره لعربيات المعاقين
وابي تعطوني اماكن ميسره لهم
واحتاج سياره خاصه للعربيه الكهربائيه
والله يسعد كل من يحاول يساعدني بهالنقطه لاني اتمنى انفذ حلم اختي ولكن جهلي ب تركيا عائق لي اتمنى يكون هالموضوع ميسر ومساعد لسفرتنا

و عليكم السلام

أهنيك على مشاعرك الطيبة و الله يحقق لها امنيتها

ما يقصرون معكم المشرفين و الخبراء ان شاء الله

حبيت ارحب فيك بيننا

حياك ربي يا غالي

وشرفتنا ربي يطول عمرك



بصراحة عجبني إهتمامك بإختك الله يسعدك

والجواب نعم


معظم الاماكن تقدر تزورها بكل يسر وسهولة

الاهم المواصلات


حين طلبت سيارة خاصة

هل بغمكان اختك النزول والركوب بكرسي السيارة وبعدين العربة تركب في الخلف

ولا كيف

يعني ممكن تشرح لي وضع اختك بالتفصيل

من شان نرسل طلبك لمجموعة من الأصدقاء هناك ونسألهم بوضوح


وحياك ربي يا غالي

الله يسعدك مثل ما بتسعد اختج يارب ..
ممكن في كثير اماكن في اسطنبول ميسره وو سهله
اما المدن برا اسطنبول بالاخص الريفيه او الجبليه برايي صعبه شوي .. والله يسهل عليكم

مرحبا فيك اخي الكريم
اخوي ربي يخليك ويحفظ لاختك ويحفظها لك ويشافيها

اخوي امي زارت تركيا على كرسي الوييل شير
كل مكان في مخارج للكراسي وحتى الفنادق والمطاعم

امي راحت بورصه واسطنبول
سيارة مع السايق بس مافي لها مصعد
بس ممكن تتفق معاه يحط لكم لوح لوقت
صعود الكرسي ويخليه بالسيارة دايما لكم

والله يسهل وديها وخلها تستانس ربي يسعدك ويهنيك

وعليكم السلام ورحمة الله وبركاته
مرحبا بك أخي الكريم في منتديات العرب المسافرون
نقدر جدا مشاعرك وحرصك على إسعاد أختك
أكثر الله من أمثالك

ما قصروا معك خبراء تركيا ولن يقصرون أكثر بإذن الله