السلام عليكم ورحمة الله وبركاته

رحلتنا انا وزوجي لشهر العسل بتكون لاوربا باذن الله بعد شهر من الان

باقي ما حجزنا ولاقدمنا ع الفيزا
حايا اخذ فكره عن بعض الاشياء وعندي مجموعه من الاستفسارات وان شاء الله مابتقصروا

سفرتنا باذن الله بتكون ل فرنسا و سويسرا والنمسا بتكون اقامتنا متساويه بعدد للايام بكل دوله الوصول ل باريس والمغادره من فيينا فقررنا نقدم ع الشنغن الفرنسيه

هل التقديم من الخبر ياخذ وقت اكثر من التقديم بالرياض؟ لان حسب ما قرأت في موقع ال VFS ان الفايل يرسل للرياض حتى لو قدمنا بالخبر. بس اللي اشوفه بالمواعيد المتاحه ان اقرب موعد بالرياض ما بيكون قبل 11 اوقست اما الخبر ب 3 اوقست هذا اذا باقي ماتغير لاني شيكت البارح.


الاستفسار الثاني هل حجز الفندق اللي اقدمه لازم يكون يغطي كل فتره تواجدنا ب اوربا وبكل بلد بنجلس فيه يعني بباريس وسويسرا والنمسا؟؟

شيكت الشيك ليست للريكوايرمنتز للتقديم من السفاره الفرنسيه من ضمنها كابي من حجز الطيران, هل لازم يكون عندي حجز وقت التقديم؟ لان قرأت بعض الاعضاء قالوا ان ما اخذوه منهم وبرضو لما رحنا انا وزوجي لمكاتب التأشيرات قالوا لنا مو لازم حجز طيران هل فعلا مو لازم والا قالوا كذا لان لو مكتب بيتكفل بهالامور و بيعمل حجز وهمي؟

وقت حجز الموعد ...بعد تحديد عدد الاشخاص والمكان وبعد اختيار اليوم هل الدفع يكون لشخصين او لشخص واحد بنا انهم بيكونو بنفس الموعد لان كذا نظام الفيزا الامريكيه. وهنا كيف؟؟

ايش الفرق بالمواعيد بين النورمال وال VIP؟

زوجي قد راح باريس قبل حوالي سنتين, حسب ما قرأت بال VFS ان 97% من اللي عندهم شنقن سابق ما يحتاجوا يروحوا للمركز.... هل هذا يعني انه مايحتاج ياخذ موعد معي او كيف؟؟
علما بان فيزته انتهت لانها كانت لمده شهر فقط ف ايش هي الاجراءات المتبعه لوضع زوجي؟؟

حاولت اعبي الابلكيشن الخاص بفرنسا بعد ما حفظته ع الجهاز عندي من موقع ل VFS بصيغه PDF... حاولت الكتابه عليه ولكن شفته ما ينكتب؟ هل في طريقه عشان اقدر اكتب فيه؟ او انه يتعبى بالهاند رايتنق؟؟

حاليا هذي الاستفسارات اللي جت ببالي مع اني احس ان باقي فيه
اتمنى انكم تفيدوني من خبراتكم
يعطيكم العافيه