انا بالنسبة لي كنت في الليل اقضيه في الساحة المحيطة بالمسجد الازرق والمقاهي اللي حول المسجد
وفيه بعد الحديقة اللي مقابل ايا صوفيا رايقة وتصلح للجلسة والروقان ^^

وان كان قصدك فرفرة
فانا بالنسبة لي من بعد صلاة المغرب احاول اقضي وقتي في مقهى وسوالف وتصفح انترنت
بالنسبة للتقسيم ماجيته ولا احب ازورها

الاماكن السياحيه تسكر بليل وو المولات وو محلات تسكر تقريبا 10 او 11
في بعض المطاعم وو كافيهات تبطل لي بداية الفجر اما حياة الليليه باسطنبول فهي البارات الي تفتح لي الصبح ( المزعجيين )
بس مثل ما قال اخوي طفل الرضيع ممكن تقضيه بالحدايق في سلطان احمد ..

مثل ما قالوا الاخوان بالليل المقاهي والمطاعم اغلبها تفتح لحد الساعة 11
والبعض يفتح لحد الفجر مقهى فقط سواء في تقسيم او السلطان احمد
وساحة السلطان احمد ممتعه بالليل
وهذا واحد من المقاهي الي تفتح لوقت متأخر قريب من حديقة جولهانه



وهذا موضوع عن منطقة السلطان احمد فيه كذا مقهى ومطعم
http://www.arabtrvl.com/vb/t7394.html

تسلمو حبايبي عالرد السريع

طيب ممكن اروح أيوب او ميناء امينو واجلس بالجلسات هناك واتعشى ؟؟؟

خاصة اني اول يوم بتركيا أوصل الفندق بالسلطان احمد الساعة 4 العصر وودي مايروح باقي اليوم عالفاضي

العفو وأتمنى لك رحلة موفقة
وبخصوص انك توصل الساعة 4 العصر لسلطان أحمد فأنا من وجهة نظري ونصيحتي لك
تقضي هذا اليوم كله في السلطان احمد الحدايق اللي فيه وفي ساحة المسجد الأزرق وساحة ايا صوفيا
وبالنسبة للسلطان احمد مكان ماتطفش وانت فيه << من وجهة نظري الخاصة

وبخصوص انك تقدر تروح لمينا امنينو فأقولك اي تقدر تروح وتجلس في مقاهي البسفور وعلى البحر الجلسات هناك تسرق وقتك من حلاوتها
والمسافة بين السلطان احمد وأمنينو يمكن 5 دقايق لأنهم قريبين من بعض

الله يسعدك يااااااااااااااااااااارب يا الطفل الرضيع

خمس دقايق مشي ل بسيارة ؟؟؟

ويسعدك ان شاء الله
5 دقايق بالسيارة ولو تمشي رجل قريبة بس لازم تدخل من بين الحواري وهذاالشي يمكن يتوهك
فخلك بالمترو 2 ليرة وتوصلها