السلام عليكم
يوم الأحد كان موعدي في مكتب الموحد الساعة 8 وربع
ولأول مرة أمسك أنا وأختي الإجراءات بدون اللجوء الى المكاتب كان في شيء كنت خايفه منه وهو صورة من جواز الوالد هو متكفل في سفرتنا
جينا أنا وأهلي قبل وقت الدوام بشوي صفينا طابور كان فيه 10 أشخاص قبلنا على شنغن واخذنا رقم 2
على 8:45 تقريبا اتجهت للكاونتر تبع فرنسا طحت على واحد من جنسية اجنبية طبعا الي كنت خايفه منه فعلا صار سألنا وين توقيع المتكفل بسفرتكم ليش الجواز بدون توقيعه
وقال لنا ان صورتي وصورة اختي وامي خطاء ولازم ننزل تحت في المكتب الي تحت علشان نصور
( صح انا هنا في المنتدى هذا قريت ان الشعر لازم يطلع لكن مرتين فيزت على المانيا ( من طريق المكتب )بدون ما اطلع شعري )
وبعد ما صورنا وجينا له اشر على ورقة الموعد ان نجية الساعة 2 الظهر حجته ان صورة جواز الوالد لازم يكون في توقيع ( رحت للمدير خالد مسؤول عن جوازات فرنسا ) جدا جدا متعاون
وقال فعلا لازم توقيع الوالد قلت له التوقيع مهم اذا كان عندي طفل اصغر من 18 سنة ( لاني سالت موظف قبل ما ادخل على المدير وقالي هالمعلومة )
وقلت له باي حق يغير موعدي وخليه 2 ظهر قال خلاص روحوا خذوا رقم من جديد طبعا المكتب زحممممة وانا ابي اخلص قبل الساعة 12 عشان ابي جوازي يروح للسفارة اليوم يعني كنا بصراع مع الوقت
رحت اخذت رقم لكن رقم بعيد شوي واختي تنتظر الكاونتر الي كانت فيه يخلص من الي معه وتكلمه وقت ما اختي تنتظر كلمها واحد أتوقع من جنسية الجزائرية وهو الي مشى لنا اوراقنا
اخذ بس تعريف من عمل الوالد
صور من كل جواز مع الجواز الأصلي
تأمين طبي
أبليكيشن
صورة شمسية وحدة
صورة اخر فيزا طلعت لنا من شنغن
الصراحة استغربت من اختلاف الطلبات توقعت انه موحد
بعدها رحنا ننتظر ساعة تقريبا عشان نبصم والحمد لله على 11 خلصنا وراحت الجواز نفس اليوم
وكان يرسلون لي كل مسج منه 5 مسجات عشان الجوزاتنا كانت 5
لكن يوم الثلاثاء ارسلوا انها جاهزة الحمد لله لكن 4 مسجات يعني في جواز ما خلص ولما اتتبع الجوازات القى 4 مخلصة والخامسة لا
الين اليوم الظهر ولما جاء العصر راح السواق اخذها وكانوا 5 الحمد لله يعني كامله



كنا أول نخصر على الجواز الواحد في المكاتب 1000 الف وفوق على أساس vip لكن هذا المرة خسرنا 575 ريال على كل جواز
أبلكيشن = 60 ريال للواحد
حجز الموعد = 121 ريال
التأمين شهر = 140 ريال
الجواز = 254 ريال
الجوازات جلست 3 أيام فقط


أشكر كل من ساعدني برد على أسالتي والله يجزاكم خير