المملكة المتحدة

مسافرة جدية · 30-07-2015, 10:45 PM

السلام عليكم يارواد المنتدى الكرام

بعد مساعدتكم لي ف سفرة ايطاليا جايتكم ف طلب مساعدة سفرة 5 أشخاص لمدة 10 ايام سكوتلند
شنو أفضل مطار للهبوط .. وأفضل أماكن السكن والاماكن الي تستحق الزياره

وللي عنده خبره هل الفيزة الاليكترونية للمملكة المتحدة تنفع ندخل فيها ايرلندا حتى لو كان السفر دايركت

ولكم جزيل الشكر

MOHANAD · 31-07-2015, 12:22 AM

وعليكم السلام ورحمة الله
فيه قسم استفسارات فوق

على حسب وجهتكم
فيه عندكم مطار ادنبره وهذا ما عمري جيته
وفيه مطار جلاسجو وهذا جيته برحله دايركت من دبي الى جلاسجو على الاماراتيه ومطار كويس

و 10 ايام كثير على اسكتلندا اذا كانت وجهتكم فقط لافضل مدينتين
وافضل مدينتين فسكوتلندا جلاسجو تعتبر العاصمه و ادنبره
واذا حابين تتوسعون عندكم الشمال الاسكتلندي مناطق جبليه جميله وهذا احلى شي فسكوتلندا ارضها جبليه و بحيرات من ظمن المناطق انفرنس وابردين و دندي

والفيزا الالكترونيه نفس العاديه
الفيزا البريطانيه تقدرين تدخلين فيها بريطانيا و جنوب ايرلندا فقط (بلفاست )
واكيد ما فيه رحلات دايركت لايرلندا
الا عن طريق طيران داخلي فالمملكة المتحده

تحياتي

توبليرون · 31-07-2015, 01:47 AM

مميزنا جاوبك ماقصر
وان شاءالله بتلاقين الاجابه بعد في قسم الاستفسارات
ولذلك سيتم نقل الموضوع للقسم المعني
تحياتي

وجهات أوروبية · 01-08-2015, 04:55 AM

عليكم السلام ورحمه الله وبركاته

ياهلا ومرحبا اختي

بخصوص افضل مكان للهبوط
طبعا مطار ادنبره
يازينه سريع وصغير

وبالنسبه ايضا لمطار النزول انتي الي ترغبين فيه

جلاسكو فقط للتسووووق ممتاوه جدا جدا
ولكن للأماكن الحلوه والسياحيه والناس وايضا تسوق ادنبره الجميله

الافضل تنزلون في مطار ادنبره وتسكنون كم يوم فيها وبعدها تروحون لمده ساعه بالسياره الى جلاسكو
واذا عندكم اطفال روحو ثيم بارك m&ds وتطلعون لها من جلاسكو
عقب بعطيج التفاصيل

انتي قرري وين بتروحين ولاتحاتين الفنادق او الاماكن السياحيه

بالنسبه للفيزا الالكتروني امواطني عمان والامارات وقطر
تسمح لك بالدخول جميع دول المملكه المتحده

بريطانيا واسكتلندا وايرلندا و ويلز

يعني الفيزا الالكتروني تكفي للدخول الى اسكتلندا

مسافرة جدية · 05-08-2015, 06:34 AM

يعطيكم العافيه ماتقصرون حجزنا ع ادنبره والحمدلله

المده ١٠ ايام الحين ابي منكم السكن والمواصلات والجدول الترفيهي

والله يعطيكم العافيه يارب

وجهات أوروبية · 12-08-2015, 07:03 PM

ياهلا ومرحبا اختي

زين ما اخترتو من احلى الاماكن الحلوه والجميله جدا جدا

اخترتو فندق او للحين !! عشان اشوف المكان حلو وقريب من كل شي او لا
وتبغونها كلها في ادنبره او خاطركم بكم يوم جلاسكو للتسوق بينهم مسافه ساعه
متى وقت السفر

وان شاء الله ابشري بالجدول اختي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المطاعم المشهورة في الولايات المتحدة الامريكية	منيرة	بوابة امريكا	22	18-07-2019 07:15 AM
مجلس لندني : ملتقى المسافرين الى المملكة المتحدة	وجهات أوروبية	بوابة بريطانيا	494	01-09-2018 11:14 PM
كشف حساب 3 شهور فيزا المملكة المتحدة	ريلاكس مان	فيزا بريطانيا	13	25-03-2018 04:21 AM
نبارك للميز المبدع الأخ MOHANAD بوابة المملكة المتحدة	وجهات أوروبية	أخبار واعلانات الأعضاء	20	16-05-2015 08:29 PM