قصتي الحزينه بعد رفضي في السفاره طبعا اول حاجه لازم تعرفو القصه من بدايتها
قبل شهرين صاحبي قدم على فيزا السياحه b2 ودخل السفاره وبعد ساعه خرج زعلان خير يا ابني اشبك قلي طردوني ههههههه رفضوه قلت كيف قلي قابلت قنصل وحده مزه وكانت المقابله كالتالي
اول ما دخل عليها رطنت انجليزي قلها ممكن عربي قالت ليش رايح أمريكا قال سياحه
عندك احد هناك قال لا والحقيقه انه في واحد من الشباب هناك بس احنا خفنا نقول كدا عشان لا تفكر انو بيشرد
اعطيني اوراقك أعطاها خطاب التعريف والشهاده البنكيه شفتها قالت له اطلع بره يا يا نصاب ما بنعطيك الفيزا ههههههه قالت له اسفه انت ما عندك احد في أمريكا وما تتكلام انجليزي كيف طالع سياحه طبعا صعق وجلس يبكي من يوم خرج وانا جالس اشربو عصير ليمون الين هدي قلت له ما عليك المره الجايه نروح انا وانت عشان اتفاهم معاها ههههه قلك اني واسطه
المهم ونقدم المره الثانيه بس انا معاه طبعا اول مره انا ادخل السفاره الامريكية ونصف في الطابور ونعدي على جهاز كشف المعادن واخذو اوراقنا ورتبوها ودخلنا ونحصل زحمه الكلام هذا كان في 21 /6 الشهر الي راح في رمضان
المهم هو كان رقمه 36 وانا 37 وكان في قدامنا 10 المهم واحنا جالسين والا صاحبي يقول شوف هذه الي رفضتني
وفعلا كل ما احد يدخل عندها يخرج بالورقه البيضة مرفوض وربي جاني رعب وتوتر وجالس أقول يا رب ما اروح عندها وصاحبي بيموت ما يبغي بروح عشان رفضتو قبل كدا المهم الين وصل رقم 35 راح صاحب الرقم عند وحده طيبه وهنا الكارث دورنا والا بعدها تم إيقاف المقابلات بسبب عطل في النظام والله اني فرحت وقلت لازم الموعد الجاي أكون جاهز لها احفظ لي كم كلمه انجليزي عشان لا اتورط
المهم رحنا وكان موعدي انا لحالي طبعا في 8/7 الشهر الي راح برضو في رمضان واجهز نفسي واروح وعدينا على نفس الفيلم الين وصلت للأنتظار واحصل الشريره موجوده وقلت يا رب لا اروح عندها المهم وبعدها جا رقمي عند وحده مره طيبة دخلت عليها قالت اول مره تروح أمريكا قلت ايه قالت ليش قلت سياحه قالت بصم كل دا عربي بصمه قالت انتظر مقابلتك صدمتني افكرها تعطي فيزا طلعت من جمبها بس حق التبصيم طلع مين الي يسوي المقابله الشريره الي كنت خايف منها و3 غيرها
المهم واوقف في الطابور كان في 4 شبابيك وانا وراهم يعني الي يخرج انا راح ادخل مكانه وجالس أقول يا رب ما اروح عندها ولكن للأسف يشاء القدر ان الناس الي كانو عندها يخرجو وادخل انا عندها المقابله

1 / ليش رايح أمريكا انا سياحه بالانجليزي
2 / كم لك في السعودية / ما فهمت عليها تتكلم بسرعه الله لا يوفقها عادت السوال كذا مره الين قالته بالعربي قلت انا مواليد
3 / متي اخر مره سافرت مصر قلت في 2006
4 / اعطني خطاب التعريف شافته ووجهها مقلوب
5/ هات كشف اعطيتها شهادة بنكية كان فيها 150000 الف يعني 40 الف دولار
قامت اعطتني ورقة بيضه رفضتني بس حسبي الله عليها
وبعدها رحت دفعت الرسوم ثاني وخايف اسوي المقابله في جده ايش تنصحوني

مع العلم انا في اخر 3 اشهر حركة حسابي البنكي جيده وراتبي يصل في الشهر الي 20 الف
لكن راتبي 5000 الاساسي والعمولات تصل 10000الاف هل اذكر ان راتبي 5000 الاف واذكر العمولات ام اذكر الراتب فقط ايضا الان لا يوجد في حسابي مبلغ هل اضع مبلغ ولا ما احط
وبعدين هل ينفع اغير الفيزا من b2 الي f1 الدراسية واخاف اسوي كدا يرفضوني يقولو هذا يبغي سياحه ولا دراسه بسبب الرفض الأول وارجوكم ايش مشورتكم ليه

اعانك الله اخي..

طيب يوم رفضتك.. ما قالت ايش سبب الرفض

وصاحبك وش صار عليه ؟

الله يوفقك في التقديم الجديد باذن الله

التقديم هل تم عن طريق الاون لاين ؟!

بعدين لما تنزفض الفيزا بعد المقابلة يعطوك ورقة فيها جميع اسباب الرفض اللي ممكن تكون تنرفضت بسببها فيزتك

خليك واضح وصريح معهم بما انك رايح سياحة عبي نموذج الفيزا السياحية واجب على كل الأسئلة بوضوح وتوكل على الله


أرسلت بواسطة iPhone بإستخدام Tapatalk

الله يوفقك
بس ترى انت كاتب الموضوع في منتدى يدخله جميع العرب
يعني كنت اتمنى انك استبدلت بعض العبارات عن وصف اللي قابلتك بكلمات ارقى من كلمة مزة وغيرها

ع العموم الله يوفقك وان شاء الله تلاقي لك طريق

سؤال انت كان موعدك في القنصلية في الظهران