السلام عليكم ورحمة الله وبركاته

طبعا قبل كم يوم كتبت موضوع في قسم تركيا على اساس كنا بنسافر لتركيا
بس غيرنا الوجهه وقررنا نروح ايطاليا ان شاءالله
حجزنا التذاكر خلاص على الاتحاد بتكون الرحله فجر الاربعا بنوصل روما الخميس يعني طبعا
قسمت الايام كالتالي وبغيت نصيحتكم والسفره بس انا وزوجتي ان شاءالله
السفر تاريخ 17-9
خططنا نقعد في روما من يوم الوصول الى تاريخ 20
وعقب الى ميلان الي تاريخ 22
وبعدين كومو الى تاريخ 24
واخر شي فينيسا الى تاريخ 25 ومنها بنرجع للامارات
بغيت رايكم ومشورتكم فالمخطط هل هو متعب ولا لا
وبغيت اعرف كيف بتكون طريقه التنقلات بين هالمدن لاني مب ناوي استأجر سياره
فهل اروح فقطار او تكسي ولا كيف؟؟
وبغيت اسامي فنادق في كل مدينه لو سمحتوا
وبغيت اعرف بعد شو الاماكن اللي ممكن ازورها في كل منطقهه

وجزاكم الله خيير..❤️

وعليكم السلام ورحمة الله وبركاته

مخططكم جيد
وكومو الافضل تزورونها من ميلان
وجدولكم يصير 3 ايام روما - 4 ميلان - يوم البندقية
طبعا اذا كان رجوعكم من مطار البندقية

وجدول ميلان ممكن اقترح عليكم التالي
يوم الوصول ويوم كمل لميلان واسواقها
ويوم لكومو ويوم ممكن تزورون فيه اوت لت سيرفالي

الفنادق انصحكم بموقع بوكنج وتختارون منه اللي ينايسبكم ويناسب ميزانيتكم

وفي روما ممكن تسكنون قرب الدرج الاسباني
وفي ميلان قرب ساحة الدومو
والبندقية قرب ساحة سان ماركو

مشكور اخووي

بس يعني مايحتاج نقعد ف كومو ولا كيف مافهمت؟؟
ومافي اماكن فيها ملاهي او اشياء فيها مغامرات غير التاريخ والمولات،؟

حصلت فنادق روما وميلان
بغيت فندق فالبندقيه يكون حلو وقريب من كل شي
وفندق في كومو

خلضت حجوزات الفنادق الحمدلله

بس بقى لي فندق في البندقية ياليت اللي يعرف فندق زين ومريح ويكون ثلاث نجوم لاني اباه
للنوم فقط.. ياليت تشورون علي لاني الصبح بحجز

كومو يكفيها نصف يوم لزيارتها وممكن تزورون معاها لوجانو في نفس اليوم وترجعون ميلان

مدن الالعاب موجوده وافضلها ملاهي جاردا لاند وتبعد عن ميلان ساعه ونص

فنادق البندقية غالية والافضل انك تبحث وتختار اللي يناسبك فيها لأننا ما نعرف ميزانيتك لليلة كم

اوكي مشكور اخوي جزاك الله خيير