العرب المسافرون
الابتعاث واللغات

السلام عليكم ورحمة الله وبركاته
يعتبر التسجيل في الشرطة شيء اساسي ومهم للمبتعث ويتم وضع هذه الملاحظه على فيزة الطالب عند اصدارها



وكذلك يتم التنبيه والتأكيد من قبل موظف الجوازات عن الوصول لاحد المطارات البريطانية ، وأن الطالب يتحمل المسئولية في حال عدم تسجيله او تأخره في ذلك .
- الفئة المستهدفة :
1- General Student- طالب عام
2- Tier 4
3- Student vistor - طالب زائر في حال مكوثة أكثر من ستة أشهر

- طريقة التسجيل :
الذهاب لأقرب مركز شرطة مصطحبا معك الاتي :
1- جواز السفر ( يفضل صورة للصفحة الاولى و صفحة التأشيرة )
2- صورتين شخصيتين 4×6
3- مبلغ 34 باوند لكل جواز ( لازم كاش مافيه شبكة )
4- التسجيل للبالغين والاطفال مالهم تسجيل
5 - عقد الايجار <<<< الغالبية بيكون عندهم معضلة فيه لان صعب تحصل سكن وتاخذه في سبعة ايام
- في الغالب الزيارة الاولى لمركز الشرطة ستكون لاخذ موعد للحضور للتسجيل .
- التسجيل سهل في حال توفر المطلوب في النقاط السابقة ولايستغرق اكثر من 30 دقيقة لكل جواز وربما اقل ( ياخذون الجواز ويجلسون يشتغلون عليه ويدخلون معلومات بعدين توقع على ورقة ويعطونك شهادة تسجيل )
- عند تغيير العنوان يلزمك الذهاب للشرطة مصطحبا معك الاستمارة لتسجيل الغنوان الجديد .

- مشكلة السكن وانهم ماراح يسجلونك الا بسكن او تجيب معك واحد عنده سكن ( معه بطاقة بنك ) لان اول ماوصلت تأخرت في التسجيل وكنت ساكن بأوتيل ثم انتقلت لشقة طالب استأجرتها منه في اجازته ، ورحت للشرطة في اليوم السابع احسب الدعوى سجل وتوكل على الله ، وموقع الملحقة مانبه على موضوع السكن ، والشرطة سوو لي موعد بعده بأسبوع بس الحمد لله طلعنا من مسئولية التأخير ،وهنا توهقت مع الشرطه لان لازم عنوان سكن ، وقلت اني ساكن مع صديقي ، قالوا جب صديقك ، وكنا تقريبا محصلين بيت بس اجراءات تخليص السكن تاخذ على اقل تقدير من 4 الى 5 ايام عشان يخلص عقدك واللي بدونه ماتقدر تسوي أي شي ( فعلا انت بدون سكن كأنك متخلف ومحد يستقبلك ) ...
**** اللي يوصل يحرص يسجل بسرعه اذا كان ماخذ فندق لان ممكن يقبلونه ويسكت الين يلقى سكن ، بس مايأخر التسجيل ، مع ان بعضهم يقولون تأخرنا في التسجيل وعادي محد قال لنا شي ...

اذا احد عنده اضافة او تجربة ياليت عشان يستفيدون الباقين

معلومات رائعه يابو عبد الله
وستفيد الكثيريين من الطلبه المبتعثين حتى لا يعتبرون مخالفين لشروط التأشيره

يديك العافيه على مجهوداتك المميزه

شكرا لك مشرفنا الرائع على حضورك ودعمك
* ملاحظة : الفئة المستهدفه ( 1 و 2 ) هي فئة وحده

وعليكم السلام ورحمه الله وبركاته
مهم جدا التسجيل ويحمي الطالب
شكرا لك

قواك الله بوعبدالله على التذكير والتنبية
وفعلا من اهم الاشياء اللي يسويها الطالب انه يسجل عند الشرطة والتأمين الصحي NHS بصراحه هذيل اهم اول شيين يسونهم ..

موضوع هام جداً في كل البلاد لمن يقيم فترة طويلة
مع إبلاغ السفارة دوماً وخصوصاً في حالة تغير العنوان

بارك الله فيك

وعليكم السلام ورحمه الله وبركاته
ما قصرت على التنبيه ليستفيد منه من يقراءه
شكراً لك

الله يسعدك يا بو عبدالله

معلومات هامة لكل مبتعث أو طالب

أحس شرط السكن يتناقض مع منطقية الانجليز
كان ممكن يخلوها خلال شهر من وصولك أما أسبوع اشوفه قليل
بعدين مرجعي هو المعهد و عندكم كافة بياناته فـ ليش التعقيد

معلومات مهمة لاحرمك ربي الاجر ياغالي

هولمز