السلام عليكم ورحمة الله

بإذن الله رحلتي يوم الجمعه القادم
حطيت الجدول واتمنى تعدلولي لو فيه اشكاليات


الوصول يوم الجمعه لطرابزون راح يكون راحه من السفر
السبت ميتشكا و كوشندرا و همسي كوي وزيقانا وكراجا
الاحد حيدر نبي و كاياباشي ومغارة تشال وروزكوي
الاثنين بوزتبه وبحيرة سيراقول والميدان الروسي وايا صوفيا طرابزون

الثلاثاء السفر لأوزونقول
الاربعاء بحيرة السمك وشيكرسو
الخميس السلطان مراد

الجمعه السفر لايدر والمرور على ريزا ونهر فارتينا وقلعة زيل كالي
السبت قرية بوكت يالاسي وقمة جبال كاشكار

الاحد التوجه لمطار طرابزون والسفر لاسطنبول
الاثنين القسم الاسيوي تلة العرائس و قصر بيلاربيه وشارع بغداد وبرج البنت وجلسات اسكودار
الثلاثاء منطقة السلطان ايوب ملاهي فيالاند ومرتفع بيرلوتي وميني تورك
الاربعاء ( اقترحولي جدول )
الخميس (اقترحولي جدول )
الجمعه العوده للوطن الرحله الساعه 4 ونص العصر


ملاحظات
شمال تركيا راح يكون سياره بسايق الجوله يوميا 9 ساعات فهل الجدول المقترح يكفيه 9 ساعات ؟
اذا لا ، ياليت تعلموني وش اللي ما يستاهل تضيع الوقت عليه من الاماكن

اسطنبول الجوله 12 ساعه

احترت وش احط في ايام اسطنبول خيارتها كثير ولا عرفة وش اللي يستاهل
اول يومين مناطق جذبتني واليومين الثانيه اتمنى تقترحونها علي

رحلة البسفور المكتب عطاني سعر 70 دولار للشخص وانا اقرء ان في مكاتب اسعارها رخيص كيف الطريقه ؟ وهل تستحق التجربه ؟

سكني في السلطان احمد قرب الجامع الازرق عشان كذا ما حطيت جوله للجامع وايا صوفيا وقصر توب كابي والسوق المسقوف قلت كل يوم نروح لوحده فيهم مشي او يوم الوصول لاسطنبول اروحها

رحلتي راح تكون الساعه 5 من طرابزون لاسطنبول واخر يوم بكون بايدر ، قبل الرحله بكم ساعه المفروض اطلع من ايدر ؟

نصيحه تعطيني اياها ع السريع قبل السفر او اثناء السفر

شكرا للجميع ع مساعدتكم لي في معرفة الكثير عن تركيا

وعليكم السلام
يوم الاربعاء اورتاكوي ومقهى اولوس بارك واذا حاب قصر دولما باشا
الخميس شارع الاستقلال وشارع نيشانتاشي ومول جواهر
رحلة البسفور بدون مكتب تروح لميناء امينونو او ارتاكوي
وتأخذ التذكرة مباشرة من عند العبارة وتركب ب 11 ليرة تقريباً ولمدة ساعة ونصف
السوق المسقوف اسعاره جداً غالية اشتري من البياعين الي خارج السوق اسعارهم ارخص من السوق نفسه
واسعار محلات الاواني في السلطان احمد ارخص من السوق المسقوف وبعد السوق المصري رخيص بس اغلب محلاته حلقوم وبهارات

ما قصرت كالعاده خبيرتنا زهرة نيسان مشكوره ..

رحلة البسفور المكتب عطاني سعر 70 دولار للشخص وانا اقرء ان في مكاتب اسعارها رخيص كيف الطريقه ؟ وهل تستحق التجربه ؟

بس حبيبت انبهكم بخصوص رحله البسفور بو ٧٠ دولار
هالرحله الي ب٧٠ دولار مو نفسها الرحله بو ساعه ونص الي تاخذونها من ميناء امينونو او اورتاكوي بو ١٠ ليرات لا غير ..
هالرحله مدتها ٤ ساعات تقريبا ع الاغلب تكون في الليل تقدر اتقولون سهره ليليه يقدمون فيها بوفيه وو عروض بالمختصر ( دق وو رقص وو سكاره وو مسخره )
رحنالها ع اساس واحد قالنا انها سهره تناسب العوايل
ولمن مشينا انقلبت السفينه بااار وو قامو الناس يرقصون وو سكاره وو يابو رقاصه بلبس رقص شرقي
طبعا مو بس احنا كلينا المقلب لا كان معانا عوايل خليجيه ثانيه معاهم عيالهم طبعا اضطرينا نصعد ع سطح السفينه ما كان فيها شي غير كافيه
وو استانسنا بمنظر البسفور بليل معنه ما كان يبين شي غير الجسر ..

Olga الله يعطيك العافيه ع التنبيه عشان ما افكر فيها ابد

زهرة نيسان
طيب او بضيف رحلة البسفور راح تكون ضمن اي يوم ؟؟

بخصوص السوق المسقوف انا بغيته عشان الاواني وش السوق اللي ارخص منه وهل هو قريب من الجامع الازرق ؟؟

يوم الاربعاء اورتاكوي ومقهى اولوس بارك واذا حاب قصر دولما باشا
تقدر بهاليوم من اورتاكوي تاخذون رحله بالبسفور ،،

اما ع الاواني مثل ما قالت زهرة النيسان في عند سوق المصري يبيعون رخيص وو في خلف السوق المصري وو محلات بسلطان احمد
وو محلات الي خارج سوق مسقف ارخص من داخل السوق

نصيحة اخي جنرال لا تقرب السوق المسقوف لان اسعاره مبالغ فيها جدا

وبخصوص رحلة البسفور اجعلها في اي وقت لانها قريبة جدا من مكان سكنك وومكن لو بتزور السوق المصري تجعلها قبله مباشرة لانه مقابل السوق المصري

وبخصوص الشمال لماذا تتفق مع مكتب استاجر سيارة افضل بكثير

رحلة ممتعة ان شاء الله تروح وترجع بالسلامة

شارع الاستقلال هو نفسه التقسيم ؟

Olga اقتراحك حلو ع اضافتها مع الاربعاء لكن هل الاماكن حول بعض

بخصوص استأجار السياره دورة سياره طلع الموجود اغلى من مع سايق

صحيح استأجار سياره افضل الحلول في الشمال شغل الجارمن وتوكل على الله كل شي بيكون واضح والطرق مافيها زحمه ومحطات البنزين كل وحده تقول الزود عندي من كثرهم بس انتبه حق البنزين غالي نااار استأجر سياره ديزل احسن 40 ليره تعبيها من طرابزون توصلك ايدر حدود 160 كيلو اذا تحب تسوق قير عادي يكون احسن عشان الطلعات نيسان جيب دفع رباعي 250 ليره باليوم فيات 4 سلندر قير عادي 140 ليره الديزل 3.9 ليره لتر واحد البنزين 4.8 ليره لتر واحد وأغلب المكاتب يتعاملون بالفيزا ولايقبلون الكاش

انا محتاج سياره عائليه والمواقع قليلة توفير للسيارات الكبيره وسعرها اعلى من اللي لقيته

بخصوص الديزل كم تقريبا احتاج اعبي يوميا بالليره ؟