صبحكم الله بالخير يا أهل الامارات

اليوم ان شاءالله بكتبلكم تقريرنا الخفيف والسريع الى الى الجميلة ابوظبي [emoji173]
طبعا انا افضلها اكثر من دبي لأَنِّي اشوف اهل الامارات اكثر من المقيمين وهذا شي مهم عندي [emoji3]

المهم نبع الحنان قالت ابي اسافر بالعيد قلت خوش امشي معانا ابوظبي وقالت يالله معاكم ..
المفتش كونان اللي اهي انا چود مفتشه وشايفه جم فندق للسكن ..
ما لكم بالطويلة تم الحجز على طيران ألجزيره
كويت - دبي - كويت [emoji574]
سعر التذكرة [emoji383] للشخص د.ك
مرتفعه وايد لان وقت عيد الفطر وصيف ..
وتم تأجير سياره [emoji594] من سايت ثريفتي بسعر د.ك لمده ايام..
تاريخ الرحلة كان من / الى // .. خمس ايام ب ليالي ..

طيارتنا كانت المغرب حزة الفطور فطرنا بالطيارة وطرنا وصلنا مطار ال مكتوم على : م ..

رحت استلم السياره ولا المحقق كونان ليسنه منتهي [emoji23][emoji23] قلت ماكو الا ليسن نبع الحنان وتم التسجيل في ليسنها وليسن اختي ..

المفروض السياره هوندا بس عطونا باسات وكانت حلوه وممتازة في الاستعمال ..

ضبطنا شغلنا ولا الحبيب الجي بي آس مو راضي يودينا ابوظبي ونعابل فيه يمين يسار كلش ماكو تمينا تقريبا نص ساعه ملينا قلنا نمشي يمكن بالطريج يلقط وخصوصا انه المطار في بر غير عن مطار دبي .. بس الامانه وايد حبيناه لان حجمه حلو ومافي ازدحاااام [emoji108]
المهم لما الحين الجي بي آس معاند معانا وخطوط تليفوناتنا مافيهم نت لان السستم كان داون عندهم والله تمينا نمشي على الإشارات .. شفنا سياره لوحاتهم بوظبي وقفناهم وقلنالهم رايحين بوظبي قالوا اي قلنا بنلحقكم وافقوا ولحقناهم والحمدلله بدت أتبين ملامحها عاد تشكرنا منهم وكملنا طريجنا الى سكنا...

سكنا في سانت ريجيس - جزيرة السعديات يأحلوها من جزيرة [emoji108][emoji108][emoji544] St. Regis saadiyat

St. Regis Saadiyat Island Resort, Abu Dhabi | Official Site | Hotels Saadiyat Island

سعر السويت 5 ايام ب 4 ليالي 350 د.ك

سامحوني ما صورت كل شي لان الرحلة كانت للراحه [emoji138]

هذيل بعض الصور ..
صور الفندق وهذيل صور اول يوم العيد

السويت بصراحه من احلى مايكون











الحمام عزكم الله مكون من حنفيتين ودش بالنص وبانيو والتويلت..
البانيو المنظر اللي يطل عليه شحلوه [emoji7]











وبعدها صور من البلكونة







الأحواض السباحه في للكبار وفي للعوايل [emoji474]
هذيل للعوايل واطفال في جهة اليسار راح يبينون في الفيديو..









هذيل فيديوين للسويت











Sent from my iPhone using Tapatalk

من بعد ما صورت وتجهزنا للعيد رحنا نتغدا في ياس مول .. المول حلوو ومرتب ومافي زحمه [emoji108][emoji108]
وهذيل صور غدانا

تغدينا في بي اف تشانغز
المنيو



المقبلات - سلطه لذيذه[emoji39]



كلاماري و داينمت شريمب [emoji108][emoji108][emoji486][emoji39]





الاطباق ( عيش خضره - ربيان حار - منغوليان بيف)









الفاتوره



بعد الغدا الطيب ردينا فندقنا

فيديو منظر عام من السويت



ورحنا حوض السباحه
احواض الكبار















وبعدين رحنا صوب احواض العوايل وللعلم الفندق يقدم مطاعم عالمية ..
عند احواض العوايل في مطعم صيني وتايلندي ومكانهم بنص الحوض



















هذا مكان الريوق والمطعم الامريكي ..



وقت الغروب



فيديو جزء من اللوبي





Sent from my iPhone using Tapatalk

نسيت اقولكم من فندقنا لي ياس تقريبا - دقيقه ونفس الشي اذا بنروح داخل ابوظبي

ومكانا في جزيرة السعديات مافي مطاعم الا اللي مع فندقنا او في نادي السعديات ..
الاحسن اللي معاهم يهال يشترون سناك وخرابيط من كارفور او جيان في الطريج او من ياس مول ..

اكمل معاكم اول يوم العيد
رحنا تعشينا تحت في الفندق وللاسف الاكل مو ذاك الزود ما يازلنا .. بس لا تحاتون في مطاعم غيره بس احنا قزرناها عادي يعني ..

بعض الصور من حوض الكبار







ورحنا نتعشا





تصبحون على خير



ثاني يوم العيد ( يوم السبت )
طبعا كله نقعد متأخر ومانتريق ف نلبس ونطلع نشوف لنا مكان نتغدا فيه ..
عاد اليوم كنّا مقررين نروح مسيد الشيخ زايد الله يرحمه بس قالوا مسكر ف استغربنا قلنا يمكن يسون تعديلات او شي خلاص نشوف مكان ثاني ..
و رحنا المارينا مول - بس للاسف ماعجبني المول مو شرح ماحبيته..

لما قعدنا صورت جم صوره





وهذا اللوبي وضيافة القهوه







وصلنا المارينا وتغدينا في حاتم الإيراني [emoji108][emoji108][emoji486]
الاكل لذيذ



المقبلات







الاطباق الرئيسية







بعد الغدا قلنا نروح نمر على مسيد الشيخ زايد نتأكد .. رحنا ولا المسيد فاتح وزحمه بس مانزلنا خذيت هالصوره ومشيت



بعدها قلنا نرجع السعديات ونروح البيتش والنادي ودخلته ب 300 درهم













بعدها رجعنا الفندق وتعشينا من الامريكي وكان اكل زين ..



وانتهى ثاني يوم العيد [emoji253][emoji253]









Sent from my iPhone using Tapatalk

شيء خطيررررر







انشهد انه فندق


ما قلتي هل حسيتي بمظاهر العيد بالمولات

ثالث يوم العيد ( يوم الأحد )
..



قعدنا مبچر هاليوم ونزلنا تريقنا..
وماشاءالله المكان حيل مزدحم ودونا صاله حاطين فيها البوفيه [emoji486] مااقدرت أصور الا هالصورتين .. ماشاءالله عوايل اماراتية من كل مكان هذا احلى شي اشوفه[emoji7]
عكس دبي











الحمدلله خلصنا ريوقنا ورحنا ننطر سيارتنا على ما توصل ..
[emoji419]للمعلومية[emoji419] الفندق يوفر خدمة التوصيل الشتل من الفندق الى ياس مول ومن الفندق الى مسيد الشيخ زايد الله يرحمه والعكس مع أوقات محدده

فيديو تغاضوا عن الأصوات اللي ورأي [emoji23]





وهذا مكان الريوق وكان مزدحم







وصلت سيارتنا وتوكلنا على الله ورحنا المسيد ..
المو محجبات ينزلون تحت وياخذون عبي ويدشون والرياييل يعطونهم دشاديش ..

وهذيل بعض صور المسيد .. ماشاءالله تحفه معمارية[emoji173]











سامحوني التصوير مو ذاك الزود لان كل التصوير من الموبايل[emoji120]

























بعدها رجعنا الفندق ريحنا اشوي ..

فيديو احواض السباحه





فيديو حوض الكبار



وبعدها طلعنا ورحنا الغاليريا - نفس الحمرا عندنا كله محلات الماركات الچبيره وكافيهات وهاااادي[emoji16]
بس قعدنا في قوديفا ومشينا















خلصنا من الغاليريا ورحنا ياس مول تعشينا فيه

مطعم نار اللبناني









الاكل ممتاز .[emoji108]

وبعدها رجعنا فندقنا



رحت صوب المطاعم ولقيت عبدالوهاب اللبناني وكافيه شكسبير الايطالي ومطعم ثالث اعتقد ياباني



فيديو ليلي صوب شكسبير وعبدالوهاب







تصوير فيديو ليلي





وفيديو ثاني



وخلصنا قبل الاخير [emoji253][emoji253]

يومنا الأخير بعد ماخلصنا الچيك أوت رحنا لمعارفنا وتغدينا عندهم طريج بيتهم على طريج دبي وعقب ماتغدينا طلعنا العصر منهم ورحنا دبي خذينا فره بالسيارة على جي بي أر وبعدها رحنا كافيه عنده شي لذيذ اسمه طبقات مكانه بالجميرا وعليه زحمه بين البيوت وعنده كرك بس احنا أحب بو طبقات معارفنا مدلينه عليه وادمناه معاهم [emoji7] وبعد طبقات رحنا مطار دبي وسلمنا سيارتنا وردينا كويتنا الغالية[emoji173]

وسلامي لكم يا اهل الامارات الحبيبة
نشوفكم في تقارير يايه[emoji108]
وسامحوني على ردائة التصوير [emoji120]





Sent from my iPhone using Tapatalk