وصلنا الفندق وتم تقديم واجب الضيافة
ومن زود اللخمة مزودين كوب طبعا من الحر شفطت الكوبين مرة وحدة
طبعا تحس انك تشرب موية مو عصير





وبعد الاعتذار طلبوا الفيزا علشان يمعطون قروشهم
طلبت منهم ياخذون فقط مبلغ الشالهين فقط
طبعا الحجز كان شالية مواجهة للبحر مباشرة وهذا كان افخم نوع عندهم
وبكم يااخوان 1000 رنقت باليوم بينك وبين البحر ممشى العبور فقط
( صورة من غير تحية لربعنا التجار )


اخذوا تامين 300 رنقت كاش
والخصم قيمة الشاليهين من البطاقة
صارت مشكلة ولا قبلت العملية قالوا ما هي مشكلة ناخذها يدوي
عن طريق البنك
ومن الغد وصلتني رسالة السحب ولكن المصيبة انها بالدولار
واروح لهم مطنقر لية تخصمون بالدولار وانا موقع على رنقت
قالوا نتاكد وجابوا الاوراق وفعلا لقوا اني موقع على خصم بالرنقت
قالوا انتظر بالغد لين يفتح البنك ونتاكد
طبعا انا عملت نفسي زعلان لان العشاء بوفية مفتوح عملوا لي خصم
وانا ما ادري
حسبوا مشاري واخوه نفر واحد
قلت هذه مقابل هذه
بعد ما وصلت الرياض لقيت ان البنك الراجحي معدلها وخصم بالرنقت
لكن الرسالة بالدولار
المهم ان المبلغ اللي خصمه بعد العملية صار بالرنقت


نرجع للموقع الخنفشاري للسكن
طلعوا مدلعيني دلع اعطوني احسن شاليهين عندهم
اول واحد وثاني واحد
لاني قايل لهم بجنب بعض بالملاحظات


وهذا كروكي للشاليهات

الشالهبن حقتنا رقمه 101 و 102
طبعا النت موجود بمكتب الاستقبال فقط والشاليه حق الاولاد 101 كان يوصلة النت







النت هنا ضعيف ولا تشتغل الا شبكة DIGI


بعد ما شربنا العصير وانتهيت من اجراءات التسجيل
رحنا للشالية نلقي نظرة







لكل شالية مكان غسيل قبل دخولك للشاليه وايضا منشر غسيل بجانب الجلسة الخارجية






















































الباب الخارجي المطل على الحديقة والممر الخلفي للشاليهات