السلام عليكم

المغامره السادسه في الاراضي الماليزيه

****** الاميرة لنكاوي ******

***اليوم الرابع ***

استيقضنا الصبح وكل تفكيري عند ماكدونالز مره ثانيه نفسي بقهوتهم و ساندويتشات

لان اليوم يوم نشاطات استخدامي للسياره قليل

اخذت ساندويتشات وكوفي موكا مثلج وكوفي حار لا يزيد عن 25 رنجت

واكلنا في الغرفه واستاجرت كرسين شائطئ ومظله جميله 20 رنجت يوم كامل وحطيتها قدام غرفتي ( سلطان زماني ) ماخذ البحر كله لي هههههههههه

ورحت سبحت في هذيك الحراره الحارقه و الماي البارد يوووه شعور لا يوصف

واخذت اثنين سبريات يلطفوا الجو شوي

بعدها اخذت جت سكي ربع ساعه 70 رنجت ورجعت مره ثانيه ريحت



كشك الجت سكي قريب جدا من غرفتي كاسره وتلاقي اسعار طيبه




فتحت التاب وقعدت اقراء واقراء عن لنكاوي لان لنكاوي كل سنه فيها شي جديد

تذكروا موضوع البراشوت اللي شفته البارحه ؟ بديت ادور عليه لحد ما حصلته واتصلت عليه وقالي موقعهم

تقريبا قريبين من الفورميلا على ايدك اليمين

جهزت نفسي واخذت ملابسي علشان شفت وحده تغسل ملابس وتكويهم لحالهم

شغلها نضيف وسعرها رخييييييص والاحلى ( مسلمه ماليزيه ) والابتسامه البشوشه

طلبت منها غسل وكوي مستعجل 20 رنجت كلفني

يحاسبوا الغسيل على الوزن تقريبا الكيلو 3 او اربعه ما اذكر ولانه مستعجل يزيد شوي بس 20 ولا شي الصراحه وكذا صار عندي مجموعه ملابس كثيره ونضيفه للايام الباقيه وبسعر رخيص





ركبنا السياره توجهنا الى البارشوت

قدام الفورميلا او قبله بقليل



صاحب الموتورات استرالي

مدري كنت متخوف شوي وجلس يقنعني اننا شركه لها فروع وما تخاف السيفتي عنا اكثر اهميه من الفلوس ركب دراجته وقالي الحقني بطريق ترابي لداخل حيث المساحه الشاسعه الخضراء اللي يمكن الدراجه الشراعيه للطيران




لحد ما وصلنا لقيت عائله سنغافوريه تريد تخلي ابنها عمره 16 سنه يطلع انا هنا طلعت عندي الحميه العربيه كيف صغير يركب وانا لا ههههههه





عنده ثلاث مسارات وكل مسار سعر انا اخذت مسار صغير ربع ساعه 200 رنجت


طبعا طلعت ان الربع ساعه كثير الصراحه وتشبع

لحظة اقلاع السنغفوري مع الطيار اللي يتحكم بالموتور










واخيرا طار وجلسنا نستناه فتكلمت مع ابوه انت ما تخاف على ابنك ؟

قالي نحن في سنغافوره لما يوصل عمر ابنك 18 لازم يكون مجرب كل شي بحياته علشان يكون خبير بالحياه اللي راح تواجهه

كلامهم منطقي

مومعقول طفل صار عمره 30 وما يعرف يسوي اي شي ولا عمره ركب بحر او طار او قفز من اعلى ( طبعا بوجود الامان )

المهم ياخذ خبره في حياته

يجرب يسوق سياره يجرب يطير يجرب يسبح طبعا هذه تقوي من ثقته في نفسه

لهذا الشعب ممتطور جدا رغم انهم كانوا من افقر الدول واقذرها شوارع

لكن التنميه الموجوده للجيل اهتمت كثير بتطويرهم

فاين نحن من ( عملوا ابنائكم السباحه و الرمايه و ركوب الخيل ) ؟


وصل الابن وحانت لحظة الرعب بالنسبه لي



مدري ليش خايف ههههههه شيبه واجيت اركب برشوت على عمر 34 سنه

بس فجاه حصلت نفسي في الكرسي وجالسين يدفوني ههههههه



طيب يا جماعه غيرت راي

طيب يا جماعه بدل غير مافي

وهيلا هووووووب صرت فوق



في البدايه مرينا من فوق منتجع بلانجي بيتش

معلش كنت ارجف صحيح ولكن في لحظة استمتاع

ونطلع شوي شوي

اول ما وصلنا لبحر سينانج حسيت بالامان لو واحد طاح يطيح على بحر على الاقل

سالته بصوت عالي

قلت له اقدر اطلع جوالي واصور قالي عااادي

المهم مسكت جوالي بأيدتين و اسناني و ركبي من الخوف انه يطيح ( مستقبل التقرير كله داخله ) وبديت اصور

يا ربااااااااه بديت اتعود على شعور الجو الجميل في الاعلى و المنظر و السيارات















وراح الخوف مني فجاه واستمتعت كثير لدرجه حسيت ان ربع ساعه كثيره

وتم الهبوط بسلام في نفس المنطقه

والهبوط سلس لان فيها تواير وتنزل على سهل عشبي



التجربه اعطيها 10/10

مافي هبوط بالبحر وبهذله والسعر منطقي لربع ساعه جميله

صوت الموتور شوي عالي ولكن السماعات تفي بالغرض هم يجيبوا لك سماعات

بعد التجربه هذه جعت كثير ورحنا محطة بترول عبيت بترول بعشرين رنجت احتياطا مع انه لازم ما اعبيها كثير لان نشاط الجولات قل والاكثر في منطقة سينانج الف فيها

مريت على مطعم Sagar الشهي واخذت منه اثنين برياني وعصيرين اربعين رنجت

الصوره ماخوذه من يوم اللي قبله بالليل لما كنت اتجول في هذيك المنطقه وعلشان ما انسى اسمه صورته



يا جماعه اكله طييييييييييييب جدا مكانه بجانب فندق فربنجي باني اللي اخر شارع سينانج اذا شفت فندق اسينا لف يمين وبعدها يسار



خريطه :




قبل ما اوصل الغرفه اخذت من المخبز كيك و كعك بعشرين رنجت وماي كبير و كرواسون شوكلاته خمسه رنجت


















اعتقد اسم المخبز بريد هيستوري اسعار حلوه واكل لذيذ للعشاء وجبه خفيفه و فطور ايضا لو زاد

هذا رشاش البعوض اللي استخدمه الحين لقيت الصوره





اكتشفت انهم اخذوا مني الكراسي لانه ما قلت له اني راجع

مو مشكله

صورت لكم المنطقه المحيطه بالفندق واشكال الغرفه المسميه سوبر ديلوكس حلوه جدا اطلاله على البحر وفيها كراسي خشب











سيارتي الفيفاااااااا




ورحنا الغرفه ناكل يمي يميييي



اكلنا وريحنا و رحنا نتمشى السوق الليلي واشترينا ملابس و طواقي وهدايا مائه رنجت

كان يومها السوق الليلي في شارع سينانج لان في كل يوم يكون في سوق ليلي في مكان معين



الموقع قدام عالم ما تحت البحار


معلش الصوره مهزوزه زحمه و زوجتي عملت هجووم على السوق فـ أصور وانا اركض ههههههه




وعطشنا من الرطوبه بالليل واشترينا عصير ليمون و عصير اناناس 15 رنجت



وعلى الترويحه اخذت ماي صغير و كلينكس صغير و معقم لليد عشره ونص رنجت وروحنا الفندق

اكملا يومنا في البحر بالليل قدام الغرفه ومرات على المقاهي اللي تبيع قهوه

غدا سيكون يوم اخير في لنكاوي

صعب جدا هذا اليوم

مرت بسرعه الايام الاربعه وبقى يوم خامس اخير والسادس تشك اوت

سنراكم في الحلقه القادمه مع فيلا بمسبح



الايجابيات و السلبيات

وايضاً

ثلاث ساعات شو ممكن تسوي فيها ؟ بين التشك اوت من فندق و التشك ان في فندق اخر

الـــع ـــدنــي

شفت يالعدني اول مااشوفك تنزل جزء التهمه التهاما لان بي من الشوق لماليزيا الشئ الكثير
جزء متميز واضحكتني حكاية انهم يدفعونك وانت تقول لهم ياجماعه غيرت رايي هههههههههه يعني مكره اخاك لا بطل....
على فكره زياد طلع الباراشوت من سنتين يعني وهو بعمر 13 سنه وهو كان فرحان وانا اللي مرعوبه.وطلبت من واحد من المدربين يركب معاه واول ما طلعت الباراشوت الا واشوف المدرب يتشقلب في الهواء وابتديت اصرخ خايفه لا زياد تطلعلو في راسو ويعمل مثله.لووووول
فهمت الان حكاية اصابعك اللي في الصوره هههههه. حلو جدا موقع غرفتك اللي بالفندق وابتديت فعلا افكر اني اغير راي واحجز 4 ايام فيه لكن خايفه لا ماتطلعش زيها
متابعه الابداع والجمال

يا سلام عليك اخوي العدني

جزء واكتشاف ولا اروع


انا مثلك لو بجربها والله اني خايف لكن وقتها ممكن اتشجع اذا شفت السانغفوري


كيف وضع السفتي في البراشوت

آخر مواضيع himzmz

- 37 ليلة بين احضان الساحرة زيزا من 7 يوليو الى 14 اغسطس 2016 - صدمة العالم المفقود - هضبة BROGA لمحبي الطبيعة والجمال وهواة التصوير BROGA HILL - بشرى سارة لمحبي فندق براميد تاور الان افتتاح البرج الغربي Pyramid West - الان افتتاح قسم الالعاب المائية الجديد في الصن وي لاجون NICKELODEON LOST LAGOON

توقيع : himzmz

سبحان الله وبحمدهسبحان الله العظيم رحلتي 5 نجوم الى زيزا يونيو و يوليو 2013 سحر الطبيعة والعشق والرومانسية منتجع أندامان لنكاوي

تسلم يالعدني
الجوع من الخوف
بس التجربه جميله صراحه ......وبدايه كذا خوف بس تعجبني الحميه العربيه
الغسيل فكره رائعه وتوفير كبير