في البداية تحية طيبة للجميع
بصراحة انا ارتكتب غلطت العمر ولكن كل دقة بتعليمة
قبل ما ابدا في شرح غلطتي أحب اقول أنني بحثت أكثر من أسبوع في الانترنت وكنت أدور عن منتديات ( مكتوب ) المسافرون العرب , لان هذا المنتدى خطط لي سفريتي العام الماضي لماليزيا من الالف للياء . ولهم الفضل بعد الله في ترتيب سفرتي .
غلطتي انني قصيات تذاكر السفر وبعدها قلت ابدا في ترتيب الرحلة . حجزت قبل شهرين على الخطوط التركية من جدة لاسطنبول باذن الله في 13 سبتمبر القادم .
اعود لغلطتي , انا حجزت على اسطنبول وكان يفترض احجز على طرابزون مباشرة من جدة لطرابزون وبعدها ارجع لاسطنبول لكن الله كتب اللي فيه خير
الان يا حبايب انا محتار والله , ولا استغني عن مشورتكم .
انا مسافر يوم 13 ستبمبر من جدة لاسطنبول وراجع يوم 25 ستمبر من اسطنبول لجدة
مدة اقامتي في تركيا 11 يوم بدون يومي السفر. ابغى رايكم في تقسيم الايام على الشمال التركي واسطنبول


بوضح الان البرنامج اللي انا بمشي عليه , وهو مجرد مقترح , وابغى اضافاتكم ونصيحتكم ومشورتكم
يوم 13 ستمبر الانطلاق من جدة الساعة الرابعة والنصف عصر والوصول حوالي الساعة الثامنة مساء لاسطنبول
عندي خيار استاجر في فندق قريب من المطار انام فيه واليوم الثاني انطلق للمطار الى طرابزون .. هل مطار صبيحة هو المطار الوحيد في اسطنبول اللي يوصل لمطار طرابزون ؟ احد الزملاء يقول لي انه الوحيد . وقبل يومين قرات لماجد الفهد ( مهندس السفر حسب نظري ) ان الاقلاع لطرابزون من مطار اتاتورك ايضا .
الخيار الاخر اريح في اسطنبول يومين عند وصولي من جدة وبعدها على مطار طرابزون
ما ادري اش تنصحوني فيه وفين افضل خيار علما ان معي زوجتي وابنتي 3 سنوات ومعنا صديقي في العمل وزوجته وولد عمره سنتين
الشمال التركي من فين ابدا ومن فين انتهي . ابغى ازور طرابزون وازنجول وايدر واردو . اش خط السير المناسب للتنقل بين هذه المدن . وكل مدينة كم تستحق . الشمال التركي 8 ايام .
عودتي من طرابزون لاسطنبول ستكون قبل العيد بيوم . اش المنطقة اللي توجد فيها فعاليات واحتفالات في اسطنبول بالعيد . من اجل اسكن فيها عند عودتي من طرابزون وبعدها اسافر للسعودية .
هل تنصحوني استاجر سيارة في طرابزون او سائق ب300 ريال يوميا . علما انني متعود على القيادة في المناطق الجبلية وانا اسكن في جبال بالسعودية والموضوع عندي سهل من ناحية القيادة . بس انا ماعندي ابسط معرفة حول الجي بي اس والاحداثيات . واواجه صعوبة في تحديد الشمال من الجنوب .
لا هنتم أي احد منكم لا يبخل علي بابسط معلومة