مساء الخير

من منطلق حب لاخيك ماتحب لنفسك احب اعرض تجربتي في استخراج فيزا فرنسيه من مركز التأشيرات في الخبر

كان موعدي 11 اوغست ,, طلباتهم اللي خذوها مني

الفيزا ابلكيشن

الجوازات

صوره واحده لي مقاس 3.5 في 4.5 خلفية بيضاء مكشوف الشعر والصقها في الابلكيشن

صورة واحده نفس المواصفات لام العيال وايضا الصقها بالابلكيشن

تعريف بالراتب ( اللي راتبه يتعدى الـ 10 الالاف ريال لايطلب منه كشف حساب بنكي في السفاره الفرنسيه ) لان تختلف الشروط من سفاره لاخرى

صورة الصفحة الاولى من الجواز لي وللعيال

حجوزات الفنادق ( اللي دخوله غير فرنسا يلزم احضار حجوزات لفنادق في فرنسا تكون اقامتها الاكثر في رحلتك )

مثلي انا دخولي ان شاء الله ميونخ وعطيتهم حجوزات فنادق في باريس ومشت الامور ولكن ليست وهميه انا فعلا بتكون اقامتي الاطول بين باريس وانسي الفرنسيتيين ولكن حتى الوهميه تمشي

تأمين سفر تستخرجه من احد شركات التأمين

فقط

جميع الوثائق تكون مترجمه للغه الانجليزيه عشان ماتتعرقل امورك
لان كان حولي شخص رفضوا اوراقه تبع الفنادق لان طابعها باللغه العربيه


اوراق غير مطلوبه ولا تفكر تحضرها معك ولا حتى احتياط

1- حجوزات الطيران
2- صورة من الفيزا
3- كشف حساب بنكي ( في حال راتبك اعلى من 10 الالاف ريال ) وهذا ماذكره لي الموظف شخصيا

واستلمت الجوازات اليوم فيزا شنجن صلاحيتها 4 سنوات ^.^

وسلامتكم اتمنى يكون موضوعي مفيد للاشخاص المقبلين على استخراج فيزا فرنسيه
لان والله شفت ناس رجعوهم وماتسوى عليك البهدله بذالشموس

الله يحفظكم جميع

اخذوا مني مبلغ 660 ريال كاش للجوازين
وقد دفعت للموعد عن طريق الفيزا مبلغ 250 ريال للجوازين

يعني الاجمالي 910 ريال للجوازين الحمد لله

ولا نصب ذالمكاتب قبل اقدم عرض علي مكتب عن طريق الواتس مبلغ 2000 ريال للجواز الواحد يعني الاثنين ب4000 ريال والله على ماقوله شهيد

تجربة مفيده أخ بيتر سويسري ومعلومات مفيده جدا
مشكور على إضافتها وإفادة المقبلين على نفس تجربتك مستقبلا

ما قصرت

مشكور للمعلومات قد نحتاج لها لاحقاّ

ان شاء الله لكن ماعرفت ايش هذا الابلكيشن

وثانياً كيف يعرفون ان الراتب اكثر من عشرة الاف ريال

ثالثاً انا ابي اروح اوروبا ومفتوحه لي الخيارات هناك اقرر كم يوم اقضيها في كل دوله

شلون امشيها وهم يلزموني بحجوزات فنادق

وش هالتعذيب هذا الذي يصعّب علي السفر لاوروبا

بالتوفيق .. عندي استفسار مده الشنغن اربعه سنوات يصير اطلع الشنغن بهالشهرين وانا سفرتي بعد سته شهور ؟! او لازم اطلعها واسافر مانتظر هالمده

تجربة مميزة .. ومبروك عليك الفيزا .. والاحلى انها 4 سنوات
تتهنى يارب

________

سعيد
الاغلبية يسووا حجوزات وهمية ويضبط امور الفيزا وبعد مايطلع الفيزا يضبط الحجوزات الي يبغاها هو

___________

سموره
مايفتح لك حجز موعد لاستخراج الفيزا الا قبل موعد رحلتك ب 3 شهور
قبل هذه المدة مايسمحلك النظام تاخذين موعد
وماهو شرط تكون 4 سنوات .. حسب المدة المتبقية في الجواز وحسب الدول الي بتروحيها وكذا
كل شخص يعطونه مدة مختلفة