|
✈ خواطر ✈ مسافر ✈ العرب المسافرون البوابة العامة السلام عليكم ورحمة الله وبركاته أسعد الله صباحكم ومسائكم يا أحلى اعضاء وعضوات حياكم الله بصفحتي الخاصه هي ليست بخواطر بمعنى الخواطر لكن ,,, هي بعض المواقف الي حصلت لي بسفراتي منها الايجابيه ومنها السلبيه الهدف ,,, منها الفضفضه وايضا ,,, الاستفاده من الايجابيات والحذر من السلبيات ياهلا ومرحبا فيكم :(125): |
بدايتي والتفكير عالم السفر بوقت متأخر كان عمري 13 سنه الى هذا السن ماسافرت الى اي مكان خلال هالفتره اخوي الكبير تزوج وحاب يروح مع زوجته شهر العسل واشتغلت اللقافه عندي :(7): اخوي يقول لي يارجال غير بدل قلت له ريلي على ريلك ههههههه كان ناوي يروح فرنسا وسويسرا المهم حاول معاي ومافي فايده كان هالوقت في بدايه الثمانينات من القرن الماضي لين طلع شرير وحصل حل ان يصرفني :201: قال تعال ابغيك اشوي جيته قلت له نعم قال لو اعطيك 100 ريال تكنسل اشرايك قلت له صج :(6): قال اي والله وجان اكنسل السفره وقلت له الله يحفظكم وخذت ال 100 ريال وانا متشقق :yolks0060: |
بدايه مشوقه سجلني اول الحضور ومتابعه بالصفوف الاولى |
صباحك خير ياخوي يشرفني اكون احد المتابعين لك ، وننتظر باقي الاعترافات :(47): ، وزين عرفنا انو لو نبغي منك شي نعطيك ال 100 ريال :harhar1: ... اتمنى لك التوفيق ... |
يسعد هالصباح .. بداية رائعه وفكرة حصرية تسلم عليهآ والادمي بشهر عسل بتنشب فحلقه هههههه .. 100 ريال والله حلوة ع ذيك الايام اثاريك صغيرون يامشرفنآ هههه ..اكيد متآبع معآك لاطول علينا هولمز |
شكرا |
وعليكم السلام ورحمه الله وبركاته صباح الخير ما توقعت انك نشبه كذا خخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخ بس بالأخير قنوع ميه ريال قيمه تكلفه مشوار تاكسي في باريس ابوسعد بالله ما فكرت لو رحت معهم انك بتغثهم |
ياابو خالد لو طلبه 1000 بيعطيه هههههههه |
وعليكم السلام ورحمة الله وبركاته ههههههه والله ما أنت هين مشرفنا بس حلو أخوك صرفك بـ 100 ريال بس متابعين معاك شكلها خواطر طريفة |
افااااا يا بوسعد ١٠٠ ريال تغير فيها رايك انته كنت في موقع قوه وتقدر تساوم وتحصل الي تبيه وقتها:(92): متابعين معاك |
ههههههههههههههههه يا حليلك بس ال 100 ريال سوت شغلها خلتك خبير سياحي ما شاء الله متابعين معاك للاخر |
فكرة رائعة (خواطر ابو سعد ) اسلوب جميل و مشوق اهم شي ايش سويت بال 100 ريال ؟؟ متابعين يا عسل |
اقتباس:
ياهلا ومرحبا مميزتنا ليمونه منوره الموضوع اكييد دايما انتي بالصفوف الاولى اسعدني تعليقج :(37): اقتباس:
ياهلا وغلا اخوي انا مسافر وانا يشرفني انك بالموضوع ومن الاوائل ههههههه لا الحين ماتنفع 100 ريال تكلم عن عشرف وفوق :bleh: اسعدني تعليقك يا غالي اقتباس:
ياهلا ومرحبا بمتحفنا اللندني ومشرفنا هالفكره مادري اذا هي موجوده ام لا انما هي من بنات افكاري <<< أعجبتكم صح هههههههه والله نشبت له نشبه محترمه المسكين :(157): اي الــ100 ريال تسوي خبر وعلوم زينه وقتها مب صغيرون ولا كبيرون نص ونص اهم شي القلب خضر :yolks00250: تابعني وفالك طيب يا الغالي اقتباس:
ياهلا ومرحبا والله فني ويسعد صباحج ومسائج بكل خير ياحبج للشماته هههههههههههههههه اي والله نشبت له وقعدت له عظم وكنت بخرب عليه شهر العسل وهو عارف ان ماقدر يقول شي لان ان وصل الخبر حق ابوي ان قال شي او زعلني بشي بروح وطي :(39): من جذي حب ينهي الموضوع ودي ههههههه بس انا قنوع وايد بــ 100 ريال رضيت والله انها كانت مغريه جدا والامور كانت طيبه الحمدلله وقتها بس يحاولون يسيطرون على الوضع لان الــ 100 ريال في خلال دقيقتين بحرقها لان الي عندي بيني وبين ربعي نصرفها صاير كريم زياده عن اللزوم وهم عارفين ههههههههه تابعيني وفالج طيب اقتباس:
هههههههه مرحبا بوخالد اي قبل كنت جذي الحين لا ماحب املغ على حد والا كان الحين قاعد لكم قعده بالمنتدى وانشب عليكم بكل موضوع :yolks00380: لالا بوخالد كانت تسوي عندنا خبر الميه ريال ههههههههه التوصيله من كير دي نورد لين الشانز اكثر من 100 هههههه اي والله كنت بغثهم بس وقتها وبهالعمر وماقدر سافرت ماكنت افكر اني باغثهم كان همي الاول اني اسافر وهم يتصرفون حيلهم بينهم :(111): خبرك سوالف بزران ههههه اسعدني تعليقك مديرنا |
اقتباس:
قبلها بفتره بسيطه كنا متهاوشين وارتبش من بعدها طلع من البيت وراح شرى لي بيبي فون قيمتها تقريبا 1000 ريال ههههههه اقتباس:
مرحبا فتفوته منووره شفتي شلون انا قنوع وطيب :(39): بس من يقدر هههههههه فيها منها الطريف ومنها النكبات ومنها المهايط الزايده عن اللزوم جايه بالطريق لاتستعجلين عليها :(2): اقتباس:
ياهلا ومرحبا ام ريم خبيرتنا انا غير عنكم انتو تحبون الطمع انا قنوع وارضى بالقليل هههههههههههههه صح كنت اقدر اساوم بأكثر بس يوم قال 100 تشققت ماقدر اساوم على شي على طول وافقت :thumbdown: اسعدني مرورج ام ريم اقتباس:
ياهلا ام حسين اي الحمدلله ماشاء الله عليج شوفو الناس الي تفكر صح هههههههههه بس مب هو السبب الرئيسي الي خلاني ادخل هالمجال راح تعرفين السبب الرئيسي لاحقا ان شاء الله تابعيني وفالك طيب اقتباس:
مرحبااا دكتورنا المشرف الاروع مرورك يا الغالي وووووووووووووين اذكر شنو سويت بالميه ريال وقتها انا مرات بنفس اليوم اقول بجيبي كان هالمبلغ وين راح ماكون متذكر صرفته بشنو هههههههههههههه اسعدني مرورك تحياتي للجميع :(114)::(114): |
بعد موضوع الــ 100 ريال والغيت السفره مع اخوي جاتني سفره وهي اول سفره بحياتي لحضور حفل زواج كانت تقريبا في سنه 1985 او 1986 سافرت لأحلى دوله واحلى شعب الى المملكه العربيه السعوديه وبالتحديد المنطقه الشرقيه ( الدمام ) وبعدها رجعت استعداد لسفرتي القادمه الى ........ |
بعد عودتي من المملكه وكنا قد دخلنا عام 1987 وكنت متوجهه الى الهند وتحديدا بومباي وكنا عائلتين ومعانا ولد خالي وبنفس الوقت هو ولد عمي وبنفس عمري لما وصلت الهند قعدني بالفندق في منطقه تاج محل وقريب من الكورنيش قلت ابغي انزل من الفندق واتمشى بالشارع وارجع وانا اتمشى شفت اثنين شباب هنود جايين عندي وانا وقفت عند احدى السيارات وقفو قدامي وواحد منهم دخل يده في جيبه وطلع لي رنغ بوكس ( وهو مصنوع من الحديد ويستخدم للضرب وقت الهواش ويلبس مثل الخاتم وله 3 روؤس حاده) هنا انا تناشبت معاهم واحد منهم مسكني من رقبتي ولزقني بالسياره والثاني مسكني من يديني وكتفني وانا احاول افلت منهم ونتضارب الا يشوفني ولد خالي من بعيد وجاني يركض يوم جاني هم فكو مني وهو مسكني وقال روح الفندق وانا بشوف وشسالفتهم المهم رحت الغرفه وجلست الا بعدها بعشر دقايق ولد خالي جايني وفي يده الرنغ بوكس قلت له شلون خذته منهم يقول هم جاو لك وطلعو لك البرنغ بوكس كان يعرضه عليك يبغي يشوفك تشتريه منهم او لا ههههههههههههه وانت على طول تناشبت معاهم قلت له طريقته غلط طلع الرنغ بوكس وحطه قدام ويهي وهديت فيه ههههههههههه وهذي السالفه اتمنى الواحد دايما يكون حذر لكن بنفس الوقت لايفهم الناس غلط ونبتعد عن التهور في بعض ها الامور خاصه في بلاد الغربا تحياتي |
وكنا عائلتين ومعانا ولد خالي وبنفس الوقت هو ولد عمي هو ولد خالك والا ولد عمك ؟؟؟؟؟؟؟؟؟؟؟؟؟؟؟؟؟؟ يمكن قصدك ولد خالتك صح ههههههههههه المهم ما علينا زين انه فكك منهم |
فكرة حلوه ابو سعد الناس معاريس وانت بتروح معاهم ياذا النشبه جميل انت اخذت 100 جدا قنوع اما سالفة الهنود سالفه ودك تهاوش وتضارب زين انك سلمت متابعين بشوق |
اقتباس:
ياهلا ام حسين يا المحقق كونان :(7): هههههه شوفي بقولج هو ولد خالي وقريب مني وايد وايد ومتربيين مع بعض وهو مب ولد عمي لزم لكن من اعيال عمي من نفس القبيله بس من كثر قربنا من بعض اقول له ولد عمي اي والله افتكيت منهم وانا المفروض افهم شنو يبغي بالضبط بس تسرعت وبنفس الوقت هو طريقه غلط نرفزتي وخذت احتياطاتي :(40): اقتباس:
مرحباااا با الغالي نوورت الموضوع كلنا وحنا صغار كنا نشبه والحمدلله الحين العكس تماما محد توقعت شخصيتي تطلع جذي لله الحمد من قبل ومن بعد للحين يذكرون سوالفي وانا صغير سواء من هلي وربعي لو اذكرها لكم بتنصدمون كنت في قمه الذاله والشيطانه ههههههههههه الحمدلله يارب علة نعمك التي لاتعد ولا تحصى |
مرحبا بالجميع اسمحو لي اذكر لك بعض المواقف لان ذكرت في بدايه الموضوع ان هذا الموضوع ليس فقط ايجابيات وسلبيات فقط وأيضا فضفضه بكل المواقف الى حصلت لي يمكن بعض المواقف عاديه من وجهه نظر البعض لكن تمثل صدف حلوه وهالصدفه دايمه لمده طويله بالذاكرة لاتنسى ومن الصدف الحلوه بموضوعي بنفس السفره بالهند ( مدينه بومباي ) وبنفس السنه 1987 كنا قاعدين بالغرفه بالفندق نظام غرف الفندق لما تطلع من المصعد اول غرفه مقابله المصعد ويكون مدخلها اشوي على داخل نفس الدعوس وباقي الغرف ترتيب مدخلها غير وبنهايه الممر وفي اخر غرفه توجد غرفه بنفس طريقه مدخل غرفتنا كنت جالس مع والدتي واختي ومرت خالي نسولف وماكنا مسكرين الغرفه بالمفتاح ماوعينا الا باب الغرفه انفتح فجأه وبقوه الا حرمه كبيره بالسن لحالها داخله علينا الغرفه احنا تفاجأنا منها طلعت المسكينه ساكنه بالغرفه الاخيره الي نفس طريقه مدخل غرفتنا استحت وسكرت الباب بسرعه وراحت كنا نقول لها تعالي تفضلي ماردت علينا وراحت من بعد هالموقف تقريبا بربع ساعه الا في حد يطق الباب فتحت الباب الا نفس الحرمه جايتنا ومعاها دله قهوه وتمر ودخلت عندنا الغرفه وجلست ترمس معانا ( لانها طلعت اماراتيه ) والى الان التواصل بينا دايم من تلك اللحظه في سنه 1987 الى اليوم نحضر افراحهم ويحضرون افراحنا ونعم فيها وفي أهل الامارات والخليج كله :(125): تحياتي |
انت فضفض وحنا مستمتعين معك بس سالفة الهنود الحمد لله انها جات على خير |
100 ريال ايامها تسوي وووووايد حركة اخوك ذكرتني بحركات ابوي يصرفنا ويسافر مع ولد خاله ويسحب علينا شهر كامل :::::::::::::::::::::::::::::::::::::::::::::::::: سالفة الضرابة متوقعه شدراك انه يعرض عليك ال.. هذا مادري شو اسمه ::::::::::::::::::::::::::::::::::::::::::::::::: عيوز إماراتية .. الله يديم التواصل والمحبة بينكم .. وساعات الغريب احسن من القريب ::::::::::::::::::::::::::::::::::::::::::::::: شكرا ع الموضوع الممتع .. وبنتظار باقي مواقفك دمت بحفظ الكريم |
جيت المملكة وانا باقي لسا ماولدت ههههههه انا بسوي مثلك لو اتعرضت لهذا الموقف على طول اضارب هههههه مافي مجال للتفاهم الله يديم المحبة بينكم وبين هالحرمة الاماراتية صراحة اصدقاء السفر احلى شي لانه من جد هم اللي دووم معرفتهم مدري ليه بس الحلو انه التواصل يستمر ويدوم بانتظار باقي المواقف اهم شي اللي فيها أكشن أرسلت بواسطة iPhone بإستخدام Tapatalk |
. |
صدفة مميزة مع العجوز للتعرف عليها سبحان الله جميل جدا ما تكتب ابو سعد تابع ,, سلمت يمينك |
مذكرات جميله يابو سعد وفكرة مميزه لطرح مواقف السفر وما يعتريها من مشاعر وأحاسيس مواقفك بالفعل جميله و13 سنه ما تأخرت في السفر بل كنت مازلت في ريعانك والطموح أمامك أعجبني موقف أخوك وتصرفه معك الذي يدل على الألفه والود والتراحم أدامها الله بينكما وموقف المرأة في الفندق يدل على طيب معشركم وبالفعل فما تنشأ من علاقات بالغربه يكون لها أثر عميق وتتأصل كثيرا مستمتع بكل ما تخطه هنا فإستمر |
ههههههه الحمدلله فهمت علشان تعرفون اني اقرأ التقارير باستيعاب عدل ويا حليلها الاماراتية وربي يديم المحبة مستمتعين تابع واحنا متابعين معاك |
بسميك ابو ميه ياحليلها والله افضل هدية بالغربة قهوة وتمر مستمتعين |
ابوسعد يعجبني صدقك بس متوقع تغيرت كثير عن أول راعي هوشات ومشاكل الرنق للي ما يعرفه https://encrypted-tbn0.gstatic.com/i...gQ3dv4hN7RfWX0 |
اقتباس:
ياهلا ومرحبا اخوي احمد ان شاء الله ابشر هذانا نفضفض ههههه اي والله الحمدلله ان تلاحق علي والا كنا دخلنا في مشكله اكبر :(7): اسعدني مرورك وتعليقك اقتباس:
ياهلا ومرحبا مشرفتنا عنقوده هههههههه الله يخلي لكم الوالد ويحفظه اي ماينفع معاكم الا جذي ههههههههه انا ماكنت ادري انه يعرض علي توقعت ان مهايطي وبعدها ولد خالي وضح لي الموضوع ان يعرضه عليك تشتريه اي والله ونعم فيها ومعرفتهم مكسب ويحفظج ربي مشرفتنا اقتباس:
هلا فتفوته ههههههه يعني لازم يعطوني الجواز السعودي قبلج :(89): لالا انتي ماينفع لج تتضاربين المفروض عندج حد يتصرف معاهم بدالج :harhar1: صدقتي والله صداقه وصحبه السفر تدوم اكثر من غيرها |
اقتباس:
ههههههه شاسوي فيه طريقته غلط طلعه وحطه بوجهي يرويني الرنغ بكس وعاد هالقوت توني في مقتبل العمر فيني نشاط وحيويه للــــ:(7): اي والله صدقتي نتنرفز بسرعه ونرضى اسرع صح والا اشرايج ههههه :(39): ماشاء الله الله يديم بينكم الصداقه والمعرفه الطيبه صح كلامج بعض الصدف حلوه واحلى من الترتيب لها شرفني مرورج فني اقتباس:
ياهلا والله دكتورنا الاجمل مرورك يا الغالي اي والله صدفه حلوه وموقف حلو الله يسلمك من كل شر يا رب اقتباس:
ياهلا ومرحبا مشرفنا العفووو وتسلم على ردك وكلامك الطيب صح بالنسبه قبل في عمر 13 انا بنتي الحين عمرها 13 سنه وراحت نص اوروبا ههههههههههه اي ادري فيك اعجبك موقف اخوي عشان ماخلاني اروح معاهم :(7)::(123): ههههههههه اللهم امين ومن قال يا الغالي جزاك الله خير اي الحمدلله من ناس اجاويد وتستاهل كل الخير الف شكر لك يا غالي |
اقتباس:
هلا ام حسين اي ماشاء الله عليج احنا نقرا اول سطر ونرد:(157): اللهم امييين ويديم محبتج لكل غالي تابعيني وفالج طيب ان شاء الله اقتباس:
ياهلا ومرحبا والله بطووق منوره موضوعي لا سميني باش السبيت هههههههههههه اي حلو الاسم كلشي مقبول منكم يا اعضاء المنتدى الطيب :(114): اي والله يازين قهوتها وتمرها في ذاك المكان وتابعي باقي فضفضتي وراح تشوفين الموقف القريب منه نوعا ما بس كانت معاها وجبه دسمه وجات في وقتهااااا جدا جدا شي ماراح تتخيلينه كلش ههههههههههههههه والله ربي يحفظهم حريم من دوله خليجيه الام وابنتها جزاهم الله خير احرجونا والله اقتباس:
مشكور بوخالد على التضويح بالصوره لا والله اتصدق اني مب راعي مشاكل ولا هواش لو اقولك شي يمكن ماتصدق اني ماخبر مره تهاوشت :(41): نعم صارت لي مواقف ومناوشات وراح اذكرها ان شاء الله بس كهوشه ومشكله لا ولله الحمد |
الحين ان شاء الله راح انزل لكم جزء جديد وذكرت ببدايه موضوعي ان هذا الموضوع مكس للمواقف يعني سلبيات وايجابيات وصدف ومواقف حلوه ومواقف شينه وكنت مبتدي في موضوعي على اساس ان ابتدي فيها بالترتيب الى اليوم يعني الموقف الاقدم الى الاجدد لكن بعض المواقف حاب اذكرها قبل الاخر لكن با الاخير راح اذكرها كلها ان شاء الله وهالجزء حصل لي قريب واشوف ان هالمثل ينطبق عليه ( لاتبوق ولاتخاف ) + نصيحة معظم يعرف عن سفرتي الاخيره اني رحت لندن الشهر الفائت وكانت سفرتي للندن انا وبنتي بس وكانت هالسفره مخصصه لها وصلت مطار هيثرو ورحت لمكان ختم الجوازت ولما وصل دوري جلس الشرطي يشوف جهازه ويناظر فيني وانا ساكت ودار هذا الحوار : الشرطي :في شهر 5 انت كنت موجود في لندن ؟ في هالوقت انتظرت تقريبا ساعه ونص انا : اي نعم كنت موجود الشرطي : والمده الي قعدت فيها ؟ انا : تقريبا 20 يوم الشرطي : ترا شفناك عن طريق الكاميرا اعترف شنو سويت ؟ انا : ماسويت شي الشرطي : اوكي انتظر بالمكان المخصص للأنتظار انا : اوك وبعدها جاو عندي اثنين من الشرطه غير عن الموظف الي اخذ جوازي وجرى معي التحقيق البسيط : الشرطي : وين جوازك القديم ؟ انا : في الدوحه ماجبته معاي لان منتهي وسويت جواز جديد الشرطي : انت في سنه 2013 كنت في لندن ؟ انا : اي نعم كنت موجود الشرطي والمده الي جلست فيها ؟ انا: بالظبط لا اذكر بس مابين 14 الى 16 يوموتوزعت مابين مانشستر ولندن الشرطي : لا انت جلست 6 شهور :(158)::dunno: انا : قلت له انا عمري ... ولا عمري ماطلعت برع بلادي شهر كامل على بعضه الشرطي : اوكي اجلس انتظر انا : اوكي وبعد ماراحو دار هذا الحوار بيني وبين بنتي بنتي : يبا ليش ماقلت له اي انا جلست 6 شهور وخلص الموضوع ونروح انا : لو قلت لهم جلست 6 شهور ماراح تشوفيني سنه ههههههه :(7): بنتي : هاااا ليش انا : قلت لها اذا انا تكلمت معاهم لاتدخلين ولاتقولين شي لان اكيد في شي صاير ومشتبهين بناس و وشافيفينهم بالكاميرا وقلت لها وهذا الموضوع اتوقع صاير بالوقت الي انا خارج لندن يعني انا كنت في لندن بشهر 8 2013 والموضوع صار بعد شهر 8 من جذي يبغون يتأكدون اني انا وقتها كنت موجود او رجعت فهمتي !! بنتي : اي يبا فهمت انا : تطمني الامور طيبه وبعد اشوي بنطلع لاني اعرف نفسي امشي سيده ولله الحمد انتهى الحوار بيني وبين بنتي وبعد ربع ساعه رجعو الشرطيين مره ثانيه قال ممكن تروح الكاونتر الفاضي الي هناك وتختم جوازاتكم ويلكم تو لندن :(6): انتهى الموضوع على خير بفضله سبحانه وتعالي لاحظتو بكلامي شي !!!!!!!! ان في مناقشتي معاهم ماقلت لهم ليش وشنو صاير ولاتدخلت بهالموضوع صح ! فقط اجاوبهم على قد سؤالهم بدون ماتطرق للاشياء الاخرى الي مالي علاقه فيها والي هي من صميم عملهم تحسبا لأي هفوه مني ويمسكونها علي او عشان ما اطول مده التحقيق او عشان ماثير الشبهات حولي اكثر واكثر وهي النصيحه كلامي الي فوق : 1- لاتجادل 2- جاوب على قد السؤال 3- لاتدخل في التفاصل 4- لاتسأل ( ليش - شنو صاير - شنو المشكله - وغيرها ) تحياتي للجميع :(125): |
نصائح مهمه فعلا وتريح البال والحمد لله أن الموضوع مر سلامات بدون عطله و تضييع وقت |
ماشاءالله عليك انا لو مكانك ومتأكده اني ماسويت شي بموت رعب لكن الرجال مواقف تذكرت حلقة من طاش ماطاش |
صادق الحكمه لها دور في ضبط النفس |
يالله موقف لا تحسد عليه الحمد لله مر بسلام .. حليلها بنتك اكيد تروعت |
ههههههههههههههههههههههههه ضحكت ضحك ع لقافتك وانك تبا تسافر ويا اخوك والصراحه اخوك قهرني:sly: لو أنا مكانه كنت عصبت عليك وهزبتك بس الظاهر كان يحبك ومايبا يزعلك وكان ذكي وعرف يتفجج منك هههههههههههههه اما سالفة الاماراتيه ياني تشققت :yolks00250: والموقف الاخير اللي في لندن انا اقرأ ومبققه عيني طاح قلبي وخصوصا انته مع بنتك يعني لاسمح الله لو خذوك في التحقيق شو بيصير في بنتك الحمدالله عدت ع خير والف الحمدالله ع سلامتك وعجبتني نصايحك وحطيتها في بالي بعيد الشر لو يصير لنا نفس الشي بنسوي مثلك |
نصائح حلوه اكيد افضل شي تجاوب على قدر السوال ولا تتكلم بالتفاصيل |
احلى شي انك تجاوب وبثقه وبدون ارتباك |
| الساعة الآن 04:58 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO