|
قبل ان تبدأ بكتابة التقرير ( مهم جدا ) السلام عليكم و رحمة الله و بركاته قبل كتابة التقرير المدعم بالصور اخواني و اخواتي الأعضاء ارجوا منكم بعدم وضع صور فيها أشخاص تواجدوا في مكان التصوير و قمتم بتصويرهم من غير علمهم و ان حصل ان أعجبكم منظر مليء بالناس فيمكنكم تضليل الصور او اخفاء الوجوه فقط فكما أن أغلبكم لا يرضى بان يقوم اي شخص بتصويره و وضع الصور في اي موقع من مواقع التواصل الاجتماعي فكذلك اغلب الأشخاص لا يرضون بذلك و هذا يعتبر نوع من انواع التشهير بغير قصد فارجوا من الجميع الحرص على هذه النقطة المهمة لنجاح التقرير جزاكم الله خير |
كلام سليم .. بس صار الاغلبية يشوفون الكاميرا ويوقف قدامها هههههه والمعروف ان الواحد يصور منظر او مطعم معروف ما يبغى يصور احد ولا يقصد بها شيء .. الصور اللي يكون اللبس فيها سيء يغطى أما غير كذا فما أتوقع إنه بيكون مشكلة كبيرة واللي يشوف صورته يحق له يطالب بحذفه غير كذا احنا بين ملياريين نسمة ما احد درا وين صورته الله يعطيك العافية |
يعطيج العافيه ياام علي انا معاج بان الناس بكل مكان ويطلعون بالصور بس دام انهم في مكان عام وبشكلهم العام ولبسهم اللي هم فيه بين هذه المجموعات من الناس اعتقد مافيها شي الصوره هنا لانهم هذا شكلهم بين العامة وهذا بصوره او غيرها بتكون محترمين لنفسهم اما اذا في حفل خاص او مجلس خاص لسيدات فلا يصح التصوير يعطيج العافيه للتنبيه |
انا معك مشرفتنا هاوية الاسفار اذا كانت الصور لخليجيين او عرب اما اجانب عادي شكرا ع الطرح المميز |
كلام سليم .. والمعروف ان الواحد يصور منظر او مطعم معروف ما يبغى يصور احد ولا يقصد بها شيء .. الصور اللي يكون اللبس فيها سيء يغطى الله يعطيك العافية |
شكرًا لكم جميعا على الردود لكن اللي يقول التصوير في مكان عام اذا انت فتحت تقرير و شفت حد من اهلك طالع في الصورة فرضا هل بتسكت عن الموضوع يعني انا اشوف تقارير كثيره عن مطاعم و مزارات و أماكن سياحية فيها خليجيين و عرب و غالبا اقعد اشوف أقول أكيد بشوف حد اعرفه لانه الوجوه ظاهره لكن القحطاني انت قصدك الاسيويين هذيل يعشقون التصوير فعادي عندهم يوقفون جدامك و يبتسمون بعد لكن حتى الأجانب في منهم متحفظين و ما يحبون حد يصورهم و انا صادفت كثير منهم يغطون وجههم و بعض الرجال الخليجيين يقولون لا تصورينا فنصيحتي أنكم تحاولون على قدر المستطاع تغطية الوجوه جزاكم الله خير |
اقتباس:
لكن اللي اقصد ان الواحد يصور ما له اي نية انه يلتقط صور لعائلة او لشخص بذاته يمكن سوء الحظ الحظ جعل هالشخص في الصورة بدون قصد ولا كلامك صحيح ولا فيه اي شك |
اقتباس:
و انا بعد احيانا يعجبني مكان ولازم أصوره يكون فيه ناس و أصوره لكن اذا عدلت الصور أغطي الوجوه و هذا اللي قلته بدون قصد تسلم |
كلام جميل تسلمي على النصيحة المهمه |
اقتباس:
الله يسلمك و للعلم عندنا في الإمارات نزل تصريح بان اذا في اي حد صور شخص من غير ما يدري يتخالف و يتحاكم و هذا القرار نزل بعد ما انا نزلت موضوعي و ما كان عندي علم عنه شكرًا لمرورك |
| الساعة الآن 12:52 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO