المشاركة الأصلية كتبت بواسطة شارلوك هولمز (المشاركة 79280)

المشاركة الأصلية كتبت بواسطة PrinceOfPersia (المشاركة 79284)

ذكرتني الله يذكرك الشهادة

عندي موضوع بخصوص هذه المناسبة وجاري التنسيق له

المشاركة الأصلية كتبت بواسطة FuNnY GIRL (المشاركة 79364)

موووضوع حلوووو :) هولمز انا ضد رايك بالعكس علشان يفتحون مع بعض بسرعه بدون اهل وبدون اي حد :) انا تزوجت في ٢٠٠٨ كنت فاتحه معاه بس اكيد مب مثل الحين وانا احس عقب سنين تحلى الحياه اكثر من بداية الزواج ،،، الحلو انه كان يزورني كثير في ايام الخطوبه هالشي خلاني ماانحرج ولا اتوتر بالعكس شي حلو اتذكر كنت مستحيه انه يدفع لي رحت خردت لي يورهات قبل العرس علشان ماخليه يشتري لي شي او يدفع عني خخخخخخ يحليلي والله هزئني يوم تعشينا وجيت بدفع :) واتذكر اني كنت موديه شنطتين ازياء واكسسورات مال امها داعي خخخخخ عروس محتفله :) اللي يشوفني يقول مب طالعه من الفندق على هالازياء كسرت ظهر زوجي وهو يشل ويحط في هالشنط واكثر الملابس ارجعت مثل ماهي مالبستها تعب على الفاضي والذكرى اللي ماتتنسى ان زوجي متحدينه ربعه انه بيرجع دوب ومكرش ويسوي دايت واحنا هناك وانا اللي كلتها :( تخيلوا نقوم من النوم الظهر بس ناكل كراسون وكوفي مرتين في اليوم وعليها لين الليل نتعشا مره وحده علشان هو يكسب الرهان وانا ميته جوع وساكته مستحيه اقوله وانا ٣ الوجبات ماعرف افوت وحده فيهم لو اكل شي بسسيط تخيلوا حالتي بس عقب خربتها في ميونخ انا جوعاااااانه ذبحني الجوع تنرفزت خخخخخخ قعد يقولي زين قولي جوعانه ليش ساكته اشدراني انا انج ميته جوع ومن يومها قام يتغدا ويتعشا معي بس رجعنا رشيقين محد زاد وزنه خخخخخخخ للحين اذكره وهو يقولي والله بدون قصد صج ماكان عندي سالفه اول مره اسافر سفره عائليه ماعندي خبره خخخخخخ والذكريات اكيد كثيررره ،،، اتمنى ان ذكرياتي اعجبتكم :)