شبكة و منتديات العرب المسافرون

- عالم الطيران (https://www.arabtrvl.com/vb/f309.html)

- - تغيير حجز Air Asia (https://www.arabtrvl.com/vb/t16412.html)

تغيير حجز Air Asia

السلام عليكم ورحمة الله

اواجه مشكله مع تغيير حجز من طيران Air Asia الرحله من كوالالمبور الى ملبورن، حجزت رحله بتوقيت 1:40Pm وبدون اي تنبيه تم الغاء هذي الرحله وخلوني على رحلة الساعه 10:10AM ، مع العلم اني اوصل مطار كوالالبمور الساعه 9 صباحا ، من دبي عن طريق طيران الإمارات، يعني مستحيل مستحيل الحق على هذي الرحله، احتمال التأخير واستلام الشنط و غيره و غيره يعني مافي مجال نهائيا، في رحله تطلع الساعه 10:00pm بس المشكلة في موقعهم كل ما ابقي اعدل على الحجز يصير Error وما عندنه في البحرين وكالة طيران Air Asia، في مكتب واحد فقط وقالو لي فقط يقدرون يطبعون التذكره مايقدرون يعدلون الحجز.

اتوقع الخيار الوحيد الي عندي اشتري التذاكر من جديد للرحله المسائيه، ارسلت لهم رساله الكترونيه وشرحت لهم كل شي لكن لا حس ولا خبر

شنو رايكم صراحه عكرو مزاجي:16:

و عليكم السلام

عندهم لايف تشات ممكن تكلمهم عليه

Live Chat | AirAsia

و ممكن تتواصل معهم عبر تويتر

https://twitter.com/askairasia

بدون فايده بو غسان جربت وحاولت ، قريت في موقع اسمه lonelyplanet واحد يبي يغير حجزه كان في بعض الردود انه يشتري تذكره غيرها وينسه القديمه !

بجرب التويتر لعل وعسى ينفع، شكرا يا بوغسان

بوغسان دخلت على حسابهم في تويتر وشفتهم يتواصلون مع الناس ورجع لي الأمل شوي

كلمتهم وردو علي وشرحتهم لهم كل شي و اخذو رقم الحجز وغيرو لي الحجز:14: المستغرب منه انهم ماخصمو مبلغ تغيير الحجز !!

الف الف شكر لك جزاك الله الف خير وجعله في ميزان حسناتك