|
استفسار بخصوص الخطوط السعوديه السلام عليكم ورحمه الله وبركاتو اهلا اخواني واخواتي انا باذن الله بحجز رحله طيران لي وللاهل والوالده معاي وودي بكرسي متحرك لها داخل المطار ولو يوصلها للطياره افضل انا لما جيت ادخل البيانات لقين في خيار تختار منه كرسي متحرك حتى مقصوره الطياره او كرسي متحرك للمنحدرات حسب ما ذكر واختيارات اخرى فاي اختيار هو المناسب واستفسار اخر احتمال يسافر معانا ولد اخوي وهو طفل 4 سنوات وامه وابوه مو معانا بالرحله هل يوجد اجراء لازم اتخاذها قبل الرحله من قبل والده حتى ماتحدث اي مشاكل او تاخير طبعا الرحله داخليه وجزاكم الله خير أرسلت من SM-G935F بإستخدام تاباتلك |
وعليكم السلام ورحمة الله وبركاته اختاري كرسي متحرك لباب الطائرة (نفس الشي اسويه للوالدة الله يحفظها) بالنسبة لولد أخوك، ما فيها مشاكل انا كنت آخذ أولاد أخوي ولا أحد يسألني لكن أحتياطا يكون معاي صورة من بطاقة العائلة ويوقع أخوي عليها ويكتب لا مانع من سفرهم مع عمهم |
يعطيك العافيه اخوي سؤال اخير واتمنى اني مااثقل عليك كيف استلم الكرسي ومن وين وهل يوجد عامل يكون مع الكرسي وجزاك الله خير أرسلت من SM-G935F بإستخدام تاباتلك |
ماقصر أبو مهاب بالنسبة لمطار جدة واعتقد كل المطارات زي كذا أول ماتدخلين فيه مكتب خاص لذوي الاحتياجات الخاصة وفيه الكراسي المتحركة عند الوصول للطائرة بالكرسي يتم وضعه في رافعه لأدخالها للطائرة بكل سهولة لذا يتطلب حجز لتوفير الرافعة اما الكراسي متوفرة بلا طلب |
مثل ما تفضل أبو غسان مشكلة مطار جدة عدم وجود الخراطيم لباب الطائرة ولذلك تحتاج الرافعة الرجاء الانتباه عند حجز المقعد لازم يكون قريب من باب الطائرة لأن الكرسي ما يدخل الطائرة ويضطر الراكب للمشي للمقعد وفي حالة مطار جدة الرجاء التأكد من مكتب الاحتياجات الخاصة بخصوص الرافعة هل ستقوم برفع الكرسي من باب الطائرة الامامي او الخلفي وعلى حسب ذلك تختاري المقعد المناسب طبعا يوجد عامل يقوم بدفع الكرسي المتحرك والانتظار في صالة المغادرة حتى الصعود الى الطائرة وعامل آخر عند الوصول |
جزاكم الله خير انا طالعه من مطار الملك فهد بالدمام ان شاء الله وتتوفر عندنا الخراطيم لباب الطياره لكن المشكل انا متجهه لمطار القصيم فما ادري كيف الوضع عندهم أرسلت من SM-G935F بإستخدام تاباتلك |
بخصوص الكرسي كانت معي الوالدة ولا اذكر اني طلبت عربية في الحجز ولما دخلت مطار الرياض طلبته وعلى طول لازمنا عامل خاص مع العربية ودخلنا مع مسار مخصص الى باب الطيارة .. لكن في جدة اضطرينا نركبها بالرافعه وتأخروا شوي الله يعجل بمطار جدة الجديد :7: |
مطار القصيم مافيه خراطيم فيه خدمه توصيل بالباص وأفضل أنه من ينزل تدفونه لبوابه المطار أفضل لأنها قريبه |
| الساعة الآن 02:23 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO