|
استفسار عن ترانزيت السلام عليكم عندي ترانزيت في فرانكفورت قبل وجهتي الاساسيه هل هناك مشكله او طلبات يحتاجون اقدمها لهم او يعتبر عبور بدون ختم ؟ لان الدوله اللي بجيها ترانزيت فرانكفورت ابداً ملي سكن فيها ولا شي فقط انجبرت على خطوطهم بالحجز وال ترانزيت فقط ساعه ونصف ارجو الاجابه ولكم الشكر |
عليكم السلام ما هي الجنسية ؟؟؟؟؟؟؟ الخليجيين ما يحتاج فيزا ترانزيت في المانيا |
عزيزي Badr-232 إذا رحلتك الثانية ضمن دول أوروبا فأنت تحتاج إلى فيزا الشنغن لأن رحلة المواصلة بتكون داخل أوروبا ... أما إذا كانت مواصلة غلى أمريكا فما تحتاج بتكون في المطار الدولي ما راح تطلع فقط تغيير البوابة بالتوفيق |
اقتباس:
لكن حجز الطيران ترانزيت فرانكفورت ساعه ثم الى ميلان ولا ادري الشنط بيشحنونها من الرياض الى ميلان مباشره ولا بستلمها في فرانكفورت واذهاب الى الطائره الثانيه الى ميلان ؟ هل بواجه مسائله او اي مشكله ؟ بسبب ترانزيت فرانكفورت ؟ لان ماعندي اي حجز لهم وشكراً على لطفك اخي |
اقتباس:
|
اقتباس:
هدأي أمورك يا غالي ... الأمور سهالات أن شاء الله .. طيب لو تكرمت ممكن بس تجاوبني على الأسئلة التالية علشان نفيدك ... حجزك على أي خطوط طيران ؟ حسب ما فهمت من كلامك أن رحلتك من الرياض إلى فرانكفورت .. و فيزتك أيطالية ما عندك مشكلة المهم تخلي كامل حجوزات أيطاليا معاك من فنادق و طيران هذي أهم نقطة و ضروري تكون كل الحجوزات معاك علشان في المطار بيسألونك عنها ... بالنسبة للشنط إذا حجز المواصلة على نفس الخطوط فهي مسئولية شركة الطيران أن تقوم بتحويل الشنط للرحلة التالية في نفس المطار أما أن كانت خطوط أخرى فهنا المأزق فيجب عليك بعد أتمام تختيم الدخول و أستلام الشنط و التوجة إلى شركة الطيران الأخرى و شحن الشنط ... و الله يعينك ترا ساعة غير كافية للأنتقال بين البوابات حتى لو ما كان عندك حقائب ... النقطة اللى محتاجة توضيح منك .. كيف ما عندك حجز من فرانكفورت ..!!؟؟ |
اقتباس:
ماحصلت حجوزات بسعر ممتاز غير عندهم صراحة ورحلتي كتالي ببحثي عندهم الرياض ميلان روما الرياض لكن اللي صار معي الذهاب الرياض فرانكفورت نتظار ساعه و ثلاثون دقيقه ثم ميلان العوده روما فرانكفورت انتظار ساعه وثلاثون دقيقه ثم الرياض اتمنى اني وضعت اللي تحتاجه واعتذر اذا لم تصل الصوره بلغني اوسل لك صوره من التذاكر |
طالما رحلاتك كلها على لوفتهانزا أن شاء الله ما عندك مشكلة أمورك في السليم لأنهم بيولون كل شئ و تقدر تأخذ البوردنق حق الرحلة الثانية من الرياض و عفشك بيطلع مباشرة إلى ميلان هم بينقلونه ... وكل الله و أمورك سهالات المهم خل حجوزات أيطاليا معاك الفنادق و الطيران . رحلة موفقة |
اقتباس:
يعني يالغالي الانتظار ماراح يوهقنا ؟ ولو لا سمح الله الطياره تاخرت بالرياض بنتحمل شي او هم بيضبطون لنا رحله ثانيه لاني قريت مواضع البعض خوفوني من المطار وان فيه تاخيرات هناك في مطار فرانكفورت وممكن مايسعفك الوقت عشان تلحق طيارتك الى ميلان للامانه شوي توترت من موضوع الانتظار واسف على كثرت الاسفسارات والالحاح عليك والله يوفقك ويسعدك اخوي ويجزيك خير ويرحم والديك يارب |
اقتباس:
نقول أن شاء الله الأمور سهالات ... و التأخير اللى عن طريق شركة الطيران تتحمله و تأمن لكم رحلة بديلة و طالما رحلتك كلها في حجز واحد هم المسئولين .... و زحمة المطار .. و الله في أوروبا كل المطارات مزحومة ... بس أنت طالما أن ترتيب الحجز حقك كله مع نفس الشركة أن شاء الله سهالات وكل الله |
| الساعة الآن 11:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO