|
هل تستطيع قيادة الطائرة في حال الطوارئ السلام عليكم ماذا لو حدثت كارثة وأصيب الكابتن ومساعده باغماء أو حتى موت مفاجئ هل تستطيع قيادة الطائرة في هذه الحالة ؟؟؟ هل خطر على بالك أن هذا قد حدث بالفعل في حوادث سابقة القصص كثيرة في هذا المجال الله يجيرنا بس ما يمنع أنكم تطلعون على بساطة التحكم بالطائرة وانزالها بسلام كل ما عليك هو التعرف على بعض مصطلحات الطيران وكيفية التواصل مع موظف البرج استمتعوا رحلات آمنة للجميع |
نسأل الله السلامة للجميع وألا نصادف مثل هذا الموقف وبالفعل الحوادث كثيرة ومنها ما تحولت الى أفلام سينمائية والحمدلله بوجود الطيار الآلي قلت الحوادث والمخاطر لكن الطيار الآلي لا يقوم بعمليتي الاقلاع والهبوط كانت توجد توجهات بتدريب مشرف الملاحين على أساسيات الطيران والتواصل مع البرج والأقلاع والهبوط للطواريئ وان شاء الله رحلات سعيدة وآمنة للجميع مادري ايش قهوتك اليوم يا أبو غسان اللي طلعت الموضوع دا في مخك |
هههههههههه الظاهر أني زودت القهوة شوي كل المطارات الكبيرة صارت مجهزة للاقلاع والهبوط بالطيار الآلي تحكم بسيط مطلوب وادخال بعض البيانات فقط مجرد ما تقرب الطيارة من المطار تستقبلها الاجهزة القصد كل اللي تشوفه بالافلام اكشن زيادة عن اللازم ولا الموضوع بسيط جداً |
يجيلي هذا الاحساس ودائما احس اني استطيع قيادة الطائرة للطوارى خاصة ان عندي معلومات عامة واشتغلت فتره في الطيران المدني بس كله تهيئات وقت الحقيقة صعب جدا جدا:20: |
الله المستعان اذا جذيه لازم اسافر معاكم علشان انتو تتحكمون بالطيارة لأني بطيح نفس الطيار ومساعده:14: |
اقتباس:
الفكرة في من يستطيع التصرف في موقف كهذا بعض المضيفين والركاب ينهار تماماً اتذكر مرّ علي موقف صعب جداً في طيارة الجارودا المضيفة كانت تبكي ولاتستطيع الحركة راكب امريكي خلفي أصابه نوع من الهيجان وأصبح يسب الخطوط واللي خلاه يركب عليها هههههه وبعد الهبوط بسلام كثير من الركاب ما قدر ينزل على السلالم كأنه أصابه شلل مؤقت من شدة الموقف |
اقتباس:
هههههههه عادةً يكون على متن الطيارة من يستطيع قيادتها مثل لو صارت حالة طبية تلقين دايم دكتور على الرحلة |
الحمدلله عيل نطمن |
وين مفتاح الطيارة بس يا أبو غسان؟؟ وش دعوة الأمور سهالات ... المهم أمسك المايك و أتكلم مثل الطيارين Flight... attendants Please be seated for Landing |
انا تخصص هوليكوبتر سهله جداً تبي تطير شغل المروحه تبي تنزل طفيها :42: اما الطياره العاديه ماعرف لكن بساعد ابو معتز :e03c: |
السلام عليكم كيف حالكم يا أهل المركاز ابو غسان من كثر شوقه للسفر صار يحلم يسوق طيارة بس الموضوع حلو وشيق وخيالي لكن نمشي معكم ونفترض انة الطيار ومساعدة اغمى عليهم أو من هذا القبيل اولا كلما كبر حجم الطائرة كلنا زاد التحكم فيها والطائرة الصغيره عكس ذاك لان العوامل المناخية هي من تتحكم بذاك ثانيا الرحلات الطويلة يكون الطاقم مكون من ٤ طيارين. والقصيرة من ٢ طيارين ثالثا أصبح المتحكم الفعلي بالطيارة الأجهزة الحديثة مثل IFF هذا يتحكم في الارتفاع ويكون كل رحلة لها خط معين وارتفاع معين بالتنسيق مع البرج الكنترول جهاز تاكان Tacan جهاز يحدد موقع المطار المتجهة لها الطائرة ويكون في الشاشة أمامك خط السير مع كل التفاصيل كما قوقل التواصل مع البرج. هناك مسؤل يشرح لك القيادة وماعليك تعملة في كل الاحوال عند الهبوط يشغل جهاز التحكم الآلي الطيارة وسوف تنزل بسلام الأهم في السالفه ان تتقن اللغة الإنجليزية لان اغلب الأجهزة والتواصل مع الابراج في كل مطار باللغة الإنجليزية وسلامت روسكم شاكرين لكم اختيار الخطوط الجوية ل ابو غسان ونراكم في أقرب رحلة تم الإرسال من SM-N960F باستخدام Tapatalk |
عليكم السلام ابو غسان اليوم شارب شاي الجمر وطلع بهذا الموضوع :32::32: معليش قيادة الطائرة خارج تخصصي انا بس اعرف اغير البطارية اهم شي وفروا لي مفتاح 10 :32::32::32: |
اقتباس:
تم الإرسال من SM-N975F باستخدام Tapatalk |
هالشاب هو قدوتي في الحياة امشششششششش اذا كبتن يجيب المواضيع المطسسه :14::14: دخلت الجو في الموضوع .. واتخيل نفسي منزل بوينج 747 بمطار فرانكفورت .. وسط صخب اعلامي واستنفار بالمطار واصير اخر واحد ينزل من الطياره .. بعدما ينزلون كل الركاب .. ( تماما كالكباتن الشجعان ) .. وخطواتي لصاله القدوم والصحفيين خلف الزجاج ينتظرونني وموسيقى " هتلر " شغاله في الخلفيه :24: |
اقتباس:
هذا واحد مسكوه جماعته وقالوا لازم تعشى عندنا ورط معهم بس طلع كومة مفاتيح وقالهم مفاتيح الطيارات معي والناس تنتظرني وكلهم يعرفون أنه يشتغل بالمطار قالوا موفق الحق لاتأخر عليهم ههههههههه |
اقتباس:
مش سهلة خالص يابو عبدالله والدليل حادث كوبي براينت القريب لأن كل شئ يدوي |
اقتباس:
هذا أيام العز يابو نواف هالحين الخطوط طاقم واحد ينزل الركاب ويرجع فيها اما اذا رحلة طويلة زي اوروبا وامريكا فيه طاقم ينتظرهم بالمحطة مسار الرحلة من الاقلاع الى الوصول مدخل من المرحّل الجوي لكن بعض المطارات ماعندها الامكانية لقراءة الاجهزة والا الطيار الآلي يقلع ويهبط فيها بدون أي مساعدة و دور الكابتن مراقب فقط نتمنى أن نراكم قريباً على أحد رحلاتنا :32: |
اقتباس:
:32::32::32: بالمرة شوف أقرب حفرة وغير زيت سوبر شل معاك الظاهر نقطة من الزيت طاحت بكوب القهوة |
اقتباس:
صحيح يابو عبدالله حتى بالالعاب الالكترونية التحكم بالهيلوكبتر أصعب صوت المروحة لحاله يخوفك |
اقتباس:
ويتقدم لك رئيس شركة الطيران بوثيقة قبولك كطيار ويتكفلون بكامل مصاريف الدراسة ويجتمع الركاب ويقطون يشترون لك فيلا على هضبة وتكتب عنك الصحافة لأشهر نظير عملك البطولي مثل الكابتن sully اللي أنقذ الركاب ونزل الطيارة في نهر هدسون بنيويورك وصار أشهر من نار على علم بس عاد لا تطلب الغاء عضويتك معنا وتنساني وأنا الملهم لقيامك بهذه المهمة :e419: |
وانتوا صدقتوا !!! اصلا حتى الطياره الورقية ما اعرف اطيرها :5: لو تعطلت الطياره بروح اخر كرسي على شان الصدمه تصير خفيفه :47: |
اقتباس:
اتفضل قهوة علشان تروّق :e045:: |
اقتباس:
تعطل الجهاز اللي يوازن الضغط في الكبينة بعد ساعة من الطيران وبالتالي صار ضغط كبير على الأذن أحسست فيه فوراً سألت صديقي ان كان يشعر بشئ فأجابني بالنفي كنا نجلس بالكبينة اللي فوق مع مجموعة من الاجانب لأن باقي الركاب كانوا من العمالة المنزلية شكيت بكثرة الدخول والخروج لكبينة القيادة أعلن الكابتن ضرورة العودة لجاكرتا وعلى الركاب التحلي بالصبر قمت توضيت وبمجرد ما رجعت بدأ يزيد الضغط وبدأت الطيارة تهتز بشكل غير معقول كأنها راح تنفصل لأجزاء بسبب محاولة الطيار انزالها بسرعة الى ارتفاع متدني بدأت دموع المضيفة تنهمر .. مقعدها أمامي تماماً بدأ الراكب الأمريكي خلفي بالوقوف على المقعد والتحدث بالفاظ بذئية ويندب حظه على أنه اختار الجارودا وبأن هذه ستكون آخر رحلة عليها ان سلم هذه المرة . الصيحات بدأت تتعالى بالأسفل وحالات الأغماء ازدادت بسبب اختلاف الضغط . أحسسنا في بعض اللحظات أن الطيارة ستنقلب رأساً على عقب من كثرة اهتزازها وأصبحنا نسمع حتى الكلام بين الكابتن ومساعده بينما المضيفة أمامنا تخاطب الراكب الامريكي وهي جالسة لأنها لو تحركت ستفقد توازنها و ربما حياتها . سير بليز سيت داون لاتعقد الأمور أكثر مما هي معقدة الكابتن يعلن بأننا اقتربنا من مطار جاكرتا ويتبقى فقط نصف ساعة لعلها كانت أصعب نصف ساعة طيران في حياتي بل حياة جميع الركاب نزل الكابتن لارتفاع منخفض لكن الطائرة لازالت في حالة غير طبيعية واستمرت هكذا الى أن استطعنا الهبوط بسلام وسط مرافقة سيارات الاطفاء لنا بعد ما نزلنا كان أول المغادرين الراكب الامريكي و وجدناه قد سبقنا والغى رحلته وكذلك فعلنا مع اثنين من الركاب السعوديين بعض العمالة المنزلية لم يستطيعوا النزول من الطائرة أصابهم شلل مؤقت من قوة الخوف لم تستطع أرجلهم حملهم والبعض الآخر بلل ملابسه ولم يستطع النزول خجلاً . بعد خروجنا من المطار دعانا احد السعوديين لمرافقته فندقنا قريب من فندقه وعند نزولنا أبلغنا بدعوته للعشاء حمداً لله على سلامتنا دخلنا للفندق صباحاً وأتذكر كنت اتحدث مع صديقي لكن النوم غلبنا صحيت من النوم وطالعت بالساعة كانت 11 مع أن موعدنا كان 9 مساء مع صاحبنا أخذت شاور سريع وقلت نلحق على العشاء وأقوم صاحبي بسرعة يوم طلعت برا والدنيا نهار أصابني نوع من الذهول جلست أفكر بالموضوع كيف صار وجدت أننا نمنا أكثر من 24 ساعة بدون ما نحس . واتصل على صاحبنا أعتذر منه ويقول لي صار نفس الشئ معي. نمت وما صحيت الا قبل شوي . وهذا يثبت خطورة ما مرينا فيه لكن الحمد لله على سلامتنا جلسنا أسبوع آخر في جاكرتا و رجعنا على الخطوط السعودية . من وقتها لم استخدم الجارودا مطلقاً في رحلاتي . |
الحمدلله على سلامتكم يابوغسان والله موقف اصعب من الصعب حفظكم الله وحماكم ومن يقرا |
من يوم قريت هالموضوع وانا مرثع في ابليس .. :24::24:افلام بالخيال ... :14: اذا كنت بالمضمار أمشي ..وشغلت بالسماعات مقطع حماسي .. بدت الافلام بالخيال .. انقذت طياره فوق الاطلسي .. وانقذت اخرى بعدما اغمي على الكابتن واحد المحركات انفجر ... وايسوا الناس .. قمت وقدتها وكان على متنها انجيلا ميركل .. اعجبت في وقدمتني بعد اسبوع كضيف شرف في ( قمة العشرين ) :13::13: كله من موضوعك يااخر فرصه هههههههههههههههه \ من الدراما .. الطيارة اللي كانت فيها انجيلا ميركل كنا فوق البحر المتوسط وانقذتهم ونزلنا باول مطار ايطالي .. اخر المشهد خرااااافي ... الطيارة قريبه من البحر تمشي 750- 800 .. يبي ( يحاول يصل ) السواحل قبل التحطم .. مشهد درامي مجنون والسواح يصورون طياره بوينج عملاقه اربع محركات جايه تمشي طبلونها .. فوق البحر بميتين متر .. والجو متكهرب .. (مشهد الطائرة مقبله ) تتأرجح محركاتها بطاقتها القصوى .. مع موسيقى حماسيه .. شي مجنون / ونزلنا بالمطار للطواريء .. واتذكر اني قلت للركاب يوم نزلت الكفرات بالارض ( ولكوم تو ذا لايف ... اقين) وطبعا احاطت بنا الفرق ونزل الركاب على المنزلقات .. وكنت اخر واحد يطلع ( مشهد كنج ) اسطوري من جد ... هههههههههههههههههههههههه ههههههههههههههههههههههههه هههههههههههههههههههههههههههههه مووضوعك يااخر فرصه شغل كل جنون الفكر :24::24: |
:e32f::e32f::e32f::e32f::e32f: |
اقتباس:
الله يسلمك كان موقف صعب لكن عدى على خير :e306: |
اقتباس:
هههههههههههههههههه خذ راحتك يابو لجين تنفع تصير كاتب ومنتج أفلام خيالية جرب أحس عندك الموهبة واذا فشلت حط رجلك متأكد ما أحد يلحقك :18: شوف هذا الفيلم وهذا |
اقتباس:
والحمدلله اني ما كنت معاكم كان مدري ايش صار فيا :48: والله لا يحطنا في نفس الموقف والأمريكي مدري من فين جاتو القوة على الوقوف :20: صار تقريبا نفس المشكلة مع أخويا رحلة من جاكرتا الى جدة لكن على الخطوط السعودية نزلو الشنط كلها والركاب خيروهم مين يسافر و مين ينزل بسبب كان عامود التوازن في الطيارة وقالو لازم تطير بحمولة خفيفة و معينة لو انا كان اول وحدة نزلت مستحيل اسافر بطيارة فيها خلل لكن الكابتن قال توصل جدة :26: وصلو الحمدلله لكن بعد انتظار ساعات في المطار اتفضل :e046: |
اخر فرصه .. موقفكم موقف يهز الانسان بصراحه ... يظل الطيران مرعب في بعض اللحظات .. فجأة يحدث شي ينسف داخلك كل شعور الامان المتراكم مع السنين |
وش أفلام الرعب أبوغسان الان دمرت اللي على وشك يتعافون من فوبيا الطيران أتوقع بالنسبة لي لو قالوا لنا نبي أحد يقود الطائرة لان المساعد والكابتن راحوا فيه أتوقع مجرد ما أسمع الخبر بصف مع الكابتن والمساعد واكون ثالثهم |
اقتباس:
هههههههه على الأقل حاول الجميل أنه الطيارات الجديدة تقود نفسها من الاقلاع الى الهبوط لكن المشكلة أن بعض المطارات الصغيرة غير مهيئة لهذا الشئ |
اقتباس:
|
موقف ابوغسان بصراحة قمة فى الرعب الحمد لله الله حفظكم وافضل انكم لغيتوا الرحلة انا ما مر علي لحظات رعب اثناء الطيران والحمد لله لكن مر علي فترة ادمنت فيها متابعة برامج الكوارث الجوية وصرت بعدها اخاف من اي هزة او حركة غريبة فى الطائرة |
interesting !!! :8: |
اقتباس:
الحمدلله على سلامتكم :8: |
نسأل الله العفو والعافية |
اقتباس:
الله يبعد عنكم مواقف الطيران المرعبة ويحفظكم من كل سوء موقفنا لا ينسى وكان أصعب مما تتخيل فاختلاف الضغط ليس بالامر الهين |
اقتباس:
الله يسلمك |
الحمدلله رب العالمين كل رحلاتي مامرينا بشي مو طبيعي مره سافرت لوحدي سفر داخلي وجلست وكان جنبي واحد مرتبك وكان متوسط العمر اكبر مني بقليل سالت قلت اخي خير شو فيك عسا ماشر قال مافي شي شوي اعلنوا اسم الكابتن وزاد ذعرة وهلعه اكثر لما سمع اسم الكابتن قلت اشفيك قال ياخي بنسافر جو والكابتن من القبيله الفلانية قلت خير قال مادري والله ماشفت ابتسم الا بعد ماحطت الطيارة وبصراحة قلقني معه طول الرحلة :21: |
| الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO