|
مشكلة في استرجاع مبلغ الحجز مرحبا بالجميع عندي مشكلة بسيطة اذا مرت على احد منكم يفيدني فيها مشكورين انا حجزت في طيران بيجاسوس رحلة داخلية مسترجعة وكل اموري تمام لكن الان ابغى الغي الرحلة ، ولكن الاشكال ان الفيزا اللي كنت حاجز بها التذاكر انتهت والتغت وما لقيت طريقة اغير بها الفيزا اللي يرجع عليها المبلغ المسترد راسلت بيجاسوس عن طريق موقعهم وفتحت تذكرة وشرحت لهم المشكلة وزودتهم ببيانات الفيزا الجديدة ولكن لا مجيب حالتها تبقى تحت المراجعه لعدة ايام بلا رد هل فيه طريقة اغير فيها الفيزا لاسترداد المبلغ ؟ الى الان ماكنسلت الرحلة لين احل المشكلة |
حياك اخ فهد نفس الشي حصل معي في فندق لاس فيقس اخذو علي تامين لثلاث ليالي متفرقة 100 دولار لليلة يعني 300 دولار والى يومك مارجعت خاطبت بوكنق كم مرة وخاطبة الفندق ولا استجابة واكتشفت ان الفيزا كارد انتهة وجددو لي البنك بوحدة جديدة ورقم غير |
اقتباس:
حياك الله أبو عبدالعزيز … مشكلة تغيير بطاقة الفيزا بعد السداد و عند الرغبة في الأسترداد كثير من المواقع يرفضها تفادياً لمشاكل الأحتيال التي قد تطرأ لعدم معرفتهم للشخص بشكل مباشر .. لذا تجد البعض منهم يلزم الراغب في ألغاء العملية مراجعة الفرع أذا كان هناك تغيير في أجراءات العملية … و لكن الغريب أن البنك يلغي البطاقة إذا انتهت !!!! الحل تواصل معهم تلفونياً أو توجه الى الفرع و لكن لا أعلم أن كان لهم فرع أو مكتب يمثلهم بالسعودية بالتوفيق |
اقتباس:
غريبة يا ابو نواف أن البنك يلغي البطاقة و يغيير رقمها !!! هذا يحصل أما بطلب من حامل البطاقة أو عند حدوث أختراق للبطاقة و صدور عمليات غير صحيحة و قدمت عليها أعتراض كما هو الحاصل من الأحتيال مؤخراً |
هذا الي صار ابو معتز انتهة مدة البطاقة ووصلت لي الجديدة على البريد وكنت احسبها زي الاولي نفس الرقم طلعت رقم ثاني وجديدة |
اقتباس:
شئ غريب جداً ….!!! عندي عدة بطاقات أئتمانية لها أكثر من 10 سنوات و بنفس الرقم ما تغيير رغم أنها تتجدد بشكل مستمر حتى مؤخراً التجديد صار 3-4 سنوات أذكر مره وحده البنك تواصل معاي و أبلغوني بأيقاف بطاقتي و أنهم قاموا بألغائها و أصدار بطاقة بديلة تدري أن البك لو يقوم بمثل هذه العملية بدون أشعار العميل مشكلة فقد يكون حامل البطاقة حاجز فنادق بالبطاقة و عند السحب يتضح أن الطاقة ملغاة أو يكون فعلياً مسافر و تلغى البطاقة بسبب أنتهائها و تصدر بطاقة بديلة سيقع العميل في حرج |
صدقت بعد مراجعتي لهم بمدة طويلة قالي موضف البنك اعطيناك بطاقة اكثر تميز وخدمات اكثر واتضح اخذو 400 ريال عليها |
اقتباس:
اذا عرف السبب ..بطل العجب شخصياً أرفض اي عرض ترقية للبطاقات من البنك لأني أعرف أن الذيب ما يهرول عبث |
اقتباس:
|
اقتباس:
بخصوص تغيير رقم الفيزا هذا الحاصل كل مره تنتهي الفيزا يرسلون الجديدة برقم مختلف طبعًا هذي تبع الراجحي ما ادري عن البنوك الثانية . |
نفس المشكلة حصلت معي قبل كم يوم . البنك بدون طلب مني او اشعاري قام بتغيير بطاقاتي الاتنانية تنتهي 24/04.بدون سبب .والتبرير ترقية البطاقة مع انها نفس فئةالبطاقة وليست هناك اي ميزة إضافية سوى ان لونها اغمق. وقمت بتغيير البطاقة بجمع حجوزاتي حتى لا تلغى بسبب إيقاف البطاقة السابقة |
اقتباس:
يا هلا بك أبو عبدالعزيز طالما عندك وقت بعدما توصل تركيا .. أمر الله من سعة لأول مره أعرف أن بنك الراجحي يغيير بطاقات الأئتمان بدون أبلاغ العميل !! عندي من الراجحي 3 بطاقات أئتمان و جميعها من طلعتها من سنوات ما تغيير رقمها و تتجدد بنفس الرقم الشئ الوحيد اللى يتغيير إذا مضت مدة الأنتهاء المطبوعة على البطاقة يرسلون لي بطاقة جديدة بنفس الرقم و حتى بطاقات البنوك الأخرى نفس الشئ يرسلون بطاقة جدية بنفس الرقم .. أما مع كل أنتهاء بطاقة جديدة و برقم جديد هذي أول مره أسمع فيها بصراحة |
اقتباس:
متأكدين تتكلمون عن بنوك سعودية :32::32::32: و الله ما عمر مر على مثل هالموقف .. عندي بطاقة لها 6 سنوات تقريباً و قبل شهر وصلتني مجددة و تنتهي في عام 2025 و نفس الرقم ما تغير طوال السنوات الماضية ... !!! ششكتوني خليتنوني أرجع أشيك أرقام بطاقاتي |
لا تعلم احد يابومعتز هههههههه |
اقتباس:
ما أحد بيدري عن السالفة بس لزوم نخبر الشيخ :أبو غسان" :17::17::17: |
اقتباس:
|
اقتباس:
كلها تمام يعني ما تغيرت الأرقام و إلا يتم تغيير الرقم مع كل تجديد ؟؟ |
حتى لو الغيت البطاقة او تغير الرقم بعد تجديدها او ترقيتها تكلم خدمة العملاء للبنك المصدر للبطاقة ويحول لك المبلغ على حسابك هو مايظهر الا لهم موفق |
اقتباس:
تغيير البطاقات الاجباري يتم في حالة الاختراقات عادة او شكوك ، وويتم الاتصال بصاحب البطاقة عادة . وهذا الشئ صار معايا عند استخدامي للبطاقات في عدد من المدن بعد رجوعي يتم الاتصال وتغيير البطاقة . تجنبها : الاتصال بالبنك قبل السفر وأخبارهم بالوجهات يقلل الشكوك وبالتالي تستمر البطاقة حسب تاريخ السفرة اللي راح يسئلك عنه موظف البنك . سفرة سعيدة |
اقتباس:
|
| الساعة الآن 01:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO