|
تجربتي في استخراج الفيزا الامريكيه بسم الله الرحمن الرحيم السلام عليكم اخواني الاعزاء طبعا انا استفدت من هذا الموقع في التقديم على الفيزا الامريكيه حيث اني بديت في اعداد القتقدم يوم الاربعاء اخر الليل صباح الخميس اكملت الطلب من الموقع ودفعت الرسوم ودخلت على موقع المواعيد واخترت موعد كان اليوم الاثنين في تمام الساعه 7:50صباحا طبعت لهم كل شيء طبعت تعريف من موقع عين للمعلم واليوم قبل الفجر اتجهت من الطائف الى جده صليت الفجر في الهدا ونزلت متكل على الله وكل تفكيري هل تقبل الفيزا او لا علما ان لغتي ركيكه عندما وصلت الي القنصلية الامريكيه بجده لقيت ناس في الشارع ودربيت راسي وراهم لين التفتيش وبعدها دخلت عند الانسة الي تشيك على الجواز والاوراق قالت لي معليش الاسم مو كامل لازم تكمل الاسم يلد يلد يلد كيف الاسم مو كامل الي في الموقع يطلب الاسم الاخير والاسم الاول قالت اي تكتب الاسم الاخير ثم الاسم الاول تكتب فيه اسمك واسم ابوك واسم جدك مثل مافي الجواز هذا القرار الجديد طيب ايش الحل قالت روح مقابل الاتصالات تلقى مكاتب يسوون لك الاسم اتجهت للمكاتب ولقيت واحد قالي اسويها لك ب100ريال قلت له تم دخلني داخل وقالي يله افتح موقع المواعيد وافتح موقع تسجيل البيانات لل160 دخلت وغيرنا كل شيء وارسلنا لهم ايميل وتم كل شيء ورجعت لهم مره ثانية ودخلت وصار معاي مثل ما صار مع كل واحد من تبصيم وغيره وقالو اجلس لين تسمع رقمك قلت لهم طيب على خشمي جلست جنب واحد نسولف انا وهو ولد شباب جالس يشرح لي كيف اسوي وانه مو اول مره يطلع تاشيرة لانه يبي يجدد تاشيرته الي انتهت وقالي كلمه جلست اطالع فيه بنص عين من الحقد ((كيف تبيهم يوافقو على طلبك وانت ما عندك لغه )) قالت له انت ايش تقول يا الطيب انا لغتي صح ركيكه لكن والله مو شايل هم الرفض او القبول انا اعتبرها تجربه ان جت جت ما جت مع الف سلامه المهم نادو على رقم الطيب الي جنبي وانا لسى جلست تسأله الحرمه الى عند الشباك اخر شيء اعطته جوازه وقالت له سير دور ربعك انا في هذه اللحظه قلت انا ايش بيقولو لي وهو جالس يرطن معاها انقليش المهم جاء رقمي ومشيت لين عند الشقراء قلت لها صباح الخير هي عليكم السلام هههههه هي هات جوازك انا ابشري هاك الجواز هي ليش تبي تروح امريكا انا سياحه هي وين تبي تروح انا نيويورك هي كم يوم بتجلس انا ممكن اسبوعين هي ايش تشتغل انا تيتشر هي هل لديك جنسية غير السعوديه انا لا لبدن ما عندي هي مبروك فيزتك انقبلت انا نعم؟؟ هي خلاص بعد اربعه ايام تلقى جوازك في ارامكس انا طيب واستري ما واجهتي سلام طلعت من السفاره الا الاخ برا قال هاه كيد رفضوك قلت له ايش اقول اسررررري قبلوني هو حاقد ويقولو مو معقول طنشته وركبت سيارتي وعلى الطايف طلعت من السفاره في تمام الساعه ال9:45 ما طلبت مني اي شيء غير الجواز لا تعريف ولا كشف حساب ولا ابو شيء والحين في انتظار الجواز وابي منكم الي يعرف الموقع الي اتتبع فيه الجواز يعطيني ودمتم بود |
|
|
مبروك اخي الكريم الامر يسير وعلي فكره تجديد التاشيره لايحتاج الي مقابله مره اخري ولكن لها شروط ممكن قراتها في موقع السفاره منها انك تكون اخدت التاشيره من اول مره سافرت بالتاشيره قبل ذلك طلب التاشيره الجديده قبل مايمر 6 اشهر علي انتهاء القديمه |
اقتباس:
يعطيك العافيه اخوي فارس الله يبارك فيك |
اقتباس:
|
الف مبدوك عليك الفيزا اخوي ماشالله تساهيل يعني افهم من كـذا اننا موعودين بتقرير ولا أحلى؟؟ |
وعليكم السلام علي البركه الله يوفقك بالسفره |
مبروووك |
مبروووك |
تجربة جميلة ونقاط مهمة ذكرتها فيها خاصة كتابة كامل الاسم في الاسم الاول اتوقع هذا تنبيه جديد منهم لتشابه الاسماء 1000 مبروك تستاهل لا تنسانا من الصور و التقرير النيويوركي رحلة سعيدة |
تجربة مفيدة |
اجازه سعيده والف مبروك |
يعطيك العافية على مشاركتنا التجربة بالتوفيق ورحلة سعيدة |
مبروك ورحلة سعيدة 🌹 |
انا كتبت اسم العائلة في الsurname وفي الgiven name كتبت اسمي مع اسم الوالد ..وفي ملف حجز المواعيد كتبت اسمي ولكن من دون اسم الوالد.. هل تعتبر مشكله؟ لانهم كاتبين لازم الاسم يتطابق في الملف مع نموذج ds-160 |
اظن غيرو لي الاسم في الموعد بعد انا سويت التعديلات عن طريق مكتب مقابل للقنصلية بجده واخذ مني للتعديلات اعتقد100ريال |
مبروك و رحلة سعيدة ان شاء الله |
مبرووووك التأشيره اتمنى لك رحلة سعيده |
مبروك |
شكرًا لك ،، وموفق ان شاءالله |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO