![]() |
تجربة استخراج فيزا سياحية بتاريخ 3/3/2021 السلام عليكم ورحمة الله وبركاته .. ابنقل لكم تجربتي بإستخراجي لفيزا سياحيه في ظل الظروف الراهنه , طبعاً هذي ثالث مره استخرج فيزا سياحية بحكم عشقي للسفر لامريكا .. في بداية السنه جتني فكره اقدم على الفيزا بحكم ان فيزتي الحاليه منتهيه خصوصاً اني سمعت ان المواعيد بعيده جداً . دخلت احجز موعد بعد ما عبيت النموذج ولقيت اقرب موعد في شهر 6 لكني واجهتني مشكلة في سداد رسوم التأشيره مع بنك سامبا واخرت حجزي للموعد بعد ما حليت المشكلة ودخلت لقيت موعد في بداية شهر 3 وانصدمت رغم علمي بأن السفارة ما تعالج طلبات الفيز السياحيه لكن قلت في وقتها لكل حادث حديث . الحمد لله قبل الموعد بكم يوم طلع خبر من السفارة بالسعودية عن عودة معاجلة الفيز السياحية ورحت المقابلة وكانت السفاره شبه فاضية انهيت الاجراءات بسرعه والمقابله كانت خفيفه قال لي القنصل بحكم زيارتك المتكرره لامريكا لا احتاج لان اسئلك اسئله كثيره سؤالين وبعدها قالي تم قبول طلبك . والحمد لله اليوم استلمت الفيزا .. والله يكتب لنا سفره قريبه وشكراً |
الف مبروك وهذا يدل على ان كل تأخيرة وفيها خيرة |
و عليكم السلام و رحمة الله و بركاته .. ما شاء الله على البركة أخي Abdulmajeed و شكراً على مشاركتنا تجربتك و نتمنى لك رحلة سعيدة |
السلام عليكم و رحمة الله و بركاته اخ عبدالمجيد. لوتكرمت ماهي الاوراق المطلوبة التي طلبت منك غير الاستمارة والموعد؟؟ تعريف بالراتب؟ كشف حسب بنكي؟ حجز سفر؟ حجز سكن؟ و السلام عليكم. |
اقتباس:
و عليكم السلام و رحمة الله و بركاته ... أتمنى يسمح لي الأخ عبد المجيد و أجيبك بالنيابة عنه أخ cssat بالنسبة للأوراق المطلوبة و حسب تجارب سابقة .. التعريف بالراتب و كشف الحساب البنكي قد تطلب لذا خذها أحتياطاً و أما حجز طيران (سفر) و حجز سكن فما غير مطلوبة ... في حين أنه أثناء تعبيئة النموذج يتم التأكيد على المتقدم بعدم أجراء اي حجز سكن أو طيران لحين حصول الموافقة على الفيزا بالتوفيق ... |
شكرا جزيلا ابو معتز. و الشكر موصول للجميع. |
اقتباس:
العفو |
السلام عليكم عندي سؤال هل ايصال الدفع من سامبا ضروري يرفق على الطلبات لاني دفعت ولا طلع معي |
اقتباس:
و عليكم السلام و رحمة الله و بركاته ... كان الأفضل طباعته ..و في الأصل كان من الأفضل جداً السداد بالبنك و أخذ النسخة بشكل مباشرة كون السداد أونلاين في السابق كان يتأخر في الربط (ما أدري إذا تحسن الوضع حالياً) المهم تابع الموقع حتى تتأكد من أنه تم ربط السداد بالنموذج كي تتمكن من حجز موعد ... بالتوفيق |
ماشاء الله تبارك الله هنيئا لك اخوي وان شاء الله تفرج قريبا وكلن يسافر المكان اللي وده عندي استفسار الله يسعدك .. انا عندي فيزا سياحية ومنتهيه وحاب اقدم بس ما ادري اللي اعرفه حاليا يقولون فقط ما يقبلون الا حالات الطوارئ انت وين كان موعدك الرياض ولا جدة ولا الشرقية ؟ وهل اعطوك كالعادة 5 سنوات ؟ وهل تنصح اقدم ولا لا ؟ لانه فيه ناس قالولي لو قدمت وجاك رفض راح تتعقد في اي تقديم ثاني !؟؟ وشكرا لك .. |
الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO