ضروري الكل يدخل
 

سلام عليكم

يا جماعة الخير انا محبط احباط كبير جدا بسبب رفضي 3 مرات بدون اي سبب انا مو زعلان عالرفض كرفض انا زعلان انو ما كان في اهتمام منهم برؤية وضعي او اوراقي وكأن عندهم قرار مسبق بالرفض فما كان يحتاج يقلبوا في الاوراق فيزتي F1 ورايح ادرس ماجستير مشروط باللغة حاولت اقنعهم واسوق نفسي وكل شي مافي ثلاثة رفض لين اخر وحدة قالتلي لا تقدم عالفيزا مرة اخرى حتى يحدث تغيير في ظروفك بالرغم ان ظروفي ممتازة ووالدي هو المتكفل بالمصاريف وعنده عمل ورصيد ممتاز جدا طب على اي اساس حكمتي وانت اصلا ما شفتي اوراق ولا سالتيني ليش تبغى تدرس ليش اخترت هالجامعة !! شي محير جدا وكان عندهم اوامر بالرفض علي شخصيا !! الموضوع جدا غير منطقي
الحين هديت شوي وقلت انتظر لبداية السنة الجاية لعل وعسى يكونوا رايقين بس سؤالي هل 3 مرات الرفض في اوقات متقاربة ممكن تكون لها تاثير سلبي ؟ لاني سمعت كثير اخذوها من رابع مرة وخامس مرة وسادس مرة يعني فيه امل ان شاء الله ! اي نصايح الله يرضى عليكم مني عارف وش اسوي !

ارجع للنموذج اللي سويته راجع كل شي زودهم بتفاصيل دقيقه مثل مكان الاقامه في امريكا العناوين وتفاصيل الجامعة كامله ..الاهم لاتيأأس توكل على ربك وثق ان الخيره فيما اختاره الله جرب تقدم على بداية السنه القادمه
دام القنصل ذكر ان لاتقدم الين تتعدل ظروفك هذا معناه في شي بالنموذج دفعهم يقولون هذا الكلام هل هو دخل والدك الشهري او شي ثاني الله اعلم بس راجع نموذجك زين وشوف وين ممكن تكون المشكله
الله يوفقك ويقبلونك المرا الجايه

المشكلة يا غالي الابلكيشن ds160 مافيه كم راتبك او راتب المتكفل بمصاريفك الابلكيشن عبيتو صح وزودت بتفاصيل الجامعة والبرنامج كل شي واضح

المشكلة يا غالي الابلكيشن ds160 مافيه كم راتبك او راتب المتكفل بمصاريفك الابلكيشن عبيتو صح وزودت بتفاصيل الجامعة والبرنامج كل شي واضح بس ولا وحدة فيهم نظرت باي ورقة او اثبات

يمني مقيم بجدة - لا لسة امريكا الدولة الوحيدة اللي تطلع قبول بدون ما تدفع مصاريف الدراسة الا بعد اخذ الفيزا وانا ما اقدمت عالخطوة اساسا الا بعد ما سمعت مقيميين ياخذونها عادي

اعذرني يا عزيزي بس غير صحيح انا ما اقدمت عالخطوة الا لما شفت ناس قدمت واخذوها سواءا دراسة او سياحة ثاني شي انا قدمت اوراقي كاملة بالسيفس بال I-20 ونفس الشي اعرف ناس قدمت وانقبلت

اولاً انا اقترح عليك تشوف دول اخرى وفي دول لاتقل عن امريكا في الدراسة كأستراليا ونيوزيلندا وبريطانيا والتقديم عندهم اسهل بكثير

ثانياَ النسبة الاكبر لسبب رفضك وكلام القنصل بأنه تتغير ظروفك يعود لجنسيتك للاسف , انا رحت القنصلية في جدة كان قدامي ٢ يمنيين , الأول شاب وتم رفضه وقالهم ليه كل مره رفض وما اعطوه اجابه وللاسف جاب العيد زيادة وقت قالهم اخوي يشتغل في امريكا القنصل اتفاجأ وقاله ليه ماذكرت الشيء هذا في استمارة التقديم وطلب منه يغادر القنصلية ولا رجوع في قرار رفضه
الموقف الثاني لأمرأة يمنية مع ولدها وبنتها طالعه تدرس انجليزي وتكمل دراستها تم رفضها لمعايير خاصه لم يتم ذكرها وقالت لها القنصلة راجعي اوراقك وراجعي ورقة اعطتها هي عن معايير الرفض

عموماً قد تتغير الأمور ويمكن تمشي معاك لو حاولت مره رابعه او خامسه او سادسه لكن نصيحتي لك تشوف دوله ثانيه لأنه حتى في حال اصدرت الفيزا يمكن تعاني في الدخول لأمريكا نفسها

كل المقابلات كانوا بنفس القنصليه ؟ وهل قابلت نفس الموظف بأكثر من مقابله والا كل مقابله كانت مع موظف ثاني ؟
نصيحتي لك لا تيأس وقدم وصحيح فيه ناس ياخذوها من المره الخامسه والسادسه
انا نفسك 3 مرات رفض ومقابلتي الرابعه الأسبوع الجاي ، دعواتك