|
فيزا الأمريكية طلبك مرفوض لمزيد من الإجراءات الإدارية، بعد الانتظار تم الاصدار بسم الله الرحمن الرحيم بعد التحية كما هو في العنوان اعلاه تم التقديم لفيزا سياحية لدولة امريكا وكان الموعد اليوم بتاريخ 11/1/2022 وتم رفض الطلب واعطائي ورقة حمراء اللون بانه يحتاج الى معلومات واجراءات ادارية تم اعطائي الجواز والانتظار في ارسال ايميل منهم مع العلم اني سعودي وموظف ولدى فيزا شنغن في الجواز ولكن لا اعلم السبب حتى الان عن الرفض الان جوازي معي عليه ستكر من الخلف رقم الطلب وتاريخ الطلب ولما اعمل تشييك في الموقع تجي الحالة بان الجواز مازال في السفارة في هذي الحالة ما العمل وشكرا لكم |
انتظر يرسلون لك ايميل يطلبون بعض المعلومات ممكن تكون مكرره يعني سبق جاوبت عنها في النموذج وممكن يطلبون صوره من جوازاتك السابقه بس لاتشيل هم كثير تطلعلهم بعد الاجراءات الاداريه |
شكرا لك أختي الكريمة على الرد فعلا تم ارسال ايميل فيه طلبات نموذج DS-5535 وتم اكماله وارساله مره اخرى على الايميل السؤال هنا ؟ مازال الجواز عندي و باقي الاوراق كشف الحساب خطاب التعريف بالراتب وغيرها من الطلبات المعتادة . وشكرا لكم |
أتوقع تشابه أسماء وهذا يأخذ وقت يتأكدون من ادارة الهجرة هل سبق لك زيارة امريكا ؟ اذا لا الاجراء اعتيادي وغالباً ينتهي بالموافقة بس يطول اذا لم يسبق لك زيارة امريكا ممكن أحد يحمل نفس اسمك في البلاك لست والاجراء الأول الرفض ثم يرسلون لادارة الهجرة للتأكد وهذا قد يأخذ 3 أشهر على الأقل |
تحديث تحديث حتى لم يتم التواصل معي انما ردو طلبك حتى الان مزيدا من الاجراء الاداري اخذ اكثر من 4 شهور عشان اخذ فيزا سياحية لامريكا |
اقتباس:
الأجراءات الأدارية غالباً لا أحد يعلم كم تستغرق .. فهي تتم خارج السفارة و في عدة جهات في أمريكا مرتبطة بأدراة الهجرة الأمريكية لا تقلق .. أن شاء الله بيردون عليك |
الله يعينك ويعينا نفس الوضع من اكثر من 4 شهور والحاله ماتغيرت ولا في اي تحديث ورسلت لهم ايميلات ونفس الرد جاري المعالجه واتوقع رد آلي ربي يفرجها علينا |
مازال الوضع حتى الان من تاريخ 11/01/2022م الوضع ينرفز الصراحة أنا شخص موظف و اجازاتي لابد اعملها في تواريخ محددة والفيزا على مزاجهم فيزا الشنقن قدمت الاثنين الخميس وصلني الجواز الين البيت تمنياتي ان تكون في اسرع وقت ممكن ما ادري الموظفة على مزاجها او النظام عندها على الكمبيوتر ممكن تشابه اسماء اذا كانت الموظفة على مزاجها طالبة هذي المعلومات ما اقول الا حسبنا الله بس واذا كان النظام في الجهاز حاب يتاكدون من معلومات ترى مره طولت 4 شهور حتى الان . |
نفس الوضع من يوم 31 يناير 22 |
نفس الوضع من 12 ديسمبر 2021 بالرغم الفيزا لأغراض علاجيه و حطوها تحت ال b1 |
نفس الوضع من 9 ديسبمر 2021 |
تحديث هذا اخر شئ Dear Applicant, Thank you for your email. Your application is pending administrative processing. You may be asked to provide additional information at a later date. Unfortunately, an estimate regarding the time this process will take cannot be given. However, we will get in touch with you by either email or call when the process clears. Please, do not apply for a new visa unless you check with the consulate. Regards, Consular Staff. |
ربي يفرجها ان شاءالله اممكن عنوان الايميل اللي ترسل لهم عليه لاني ارسل لهم واسالهم. والرد رحد من غير اي جواب وهذا اخر رد جاني منهم Dear Applicant, Your application is still undergoing administrative processing. We will contact you if we require any further information. Please check on the visa status online by using the Application ID # (AA00.....) through the following link: https://ceac.state.gov/CEACStatTracker/Status.aspx The refusal status is temporary until the administrative processing is completed. |
اهلا انت اي قنصلية لان كل قنصلية لها ايميل اذا كانت جدة تفضل هذا الايميل الا ترسل عليه jeddahvisas@state.gov اقتباس:
|
الله ييسر ويعين عليهم |
صباح النور هل في احد مثل حالتي وتغيرت معاه او كلموه السفارة وشكرا |
اقتباس:
صباح الخير أخي MohammedAlqahtani كل طلب للفيزا الأمريكية أو غيرها يعامل بأستقلالية و تتم عليه الأجراءات الأدارية بشكل منفصل و مستقل فلا تتوقع ما يطبق على غيرك سيشملك حتى قد تصل الأستقلالية بأن تعالج طلبات العائلة الواحدة بشكل منفصل أي قد تصدر الفيزا للبعض و ترفض أو تتأخر عن الأخرين مثال: عائلة مكونة من 4 أفراد قد تصدر الفيزا للزوجة و الأبناء و تحجب أو تتأخر و قد ترفض للأب أو تصدر للوالدين و تتأخر عن أحد الأبناء ما لك إلا الصبر و أنتظار أنتهاء الأجراءات الإدارية و أتخاذ القرار بالتوفيق |
8 ديسمبر 2021 ومافي ولا رد ولاتحديث وصابرين ومحتسبين ومضررين جدا الغرض من الرحله اننتهى وحرمونا من شوفة اولادنا في تخرجهم الحمدلله على كل حال و حسبي الله عليهم ونعم الوكيل |
اقتباس:
لعل في الأمر خيره لكم و أن شاء الله تفرح برجعتهم و تحتفل فيهم و تحمد الله على ان وفقهم لما وصلوا له |
السلام عليكم أنا مقدمة تجديد للفيزا قبل لا تنتهي ببضعة أشهر لأن أعرف إنهم صاروا يتأخرون في الإجراءات فقدمتها مع عيالي أول ديسمبر 2021 وصدرت لعيالي في نفس اليوم وأنا من ست شهور أتابع ولين اليوم مرفوضة بدون ذكر أسباب أو طلب زيادة معلومات أو اثباتات .. رحنا المقابلة بدون جواز السفر القديم اللي فيه الفيزا القديمة وقالوا لعيالي وين الجواز القديم قالوا ما جبناه قالوا ارسلوه على أرامكس وأرسلوه وأنا قالوا انت لا ترسلين إنت مرفوضة وكان الكونسلر مغربي الجنسية ويكلمني بطرف خشمه..قد يكون نقابي وعبايتي هم السبب؟؟ لا أعلم فأنا سنويا أسافر لأمريكا وليس ولله الحمد علي أي مخالفات وتعبت من الإنتظار وموعد سفرتي باقي عليه شهرين وضروووري السنة أسافر لأن عندي ظرف عائلي.. وحسبي الله على من كان السبب في رفض فيزتي وتحويلها للإجراءات الإدارية منذ أكثر من ست شهور دون أي علم أو خبر منهم :12::63: |
لا حول ولاقوة الا بالله عاد انتي اكثر من مره سافرتي امريكا والحمدلله ماعندج مشاكل ليش الرفض ؟ الموظف اشلون بنفس الوقت يقول لج مرفوضة ما اعتقد السبب النقاب والعباة ليش ما تتطلبين معرفة سبب الرفض ؟ |
اقتباس:
شفتي يا أم حسين؟..هذي اللي اسمها صدمة عمر..:e201: طلبت أعرف سبب الرفض وطلبت أققدم على فيزة جديدة ..قالوا لا تقدمين الرفض مو نهائي ..الرفض يندرج تحت بند رفض مؤقت لحين انتهاء الاجراءات الإدارية من أمريكا يعني أمريكا اللي تدور وتفتش وتتأكد ..وإلا سفارتهم بالدوحة ما عندهم مانع ..ينتظرون أمريكا تدز قائمة اللي تم الموافقة عليهم..بس هالإجراء ماله مدة محددة ممكن شهر إربعة تسعة سنة محد يدري.. وحسبي الله ونعم الوكيل ..على هالتعقيدات اللي طلعوا لنا بها من جات كورونا.. وإلا قبل أبد على طول نقدم على طول تطلع .. صابرين وننتظر يا أم حسين مابيدنا حيلة .. |
هلاوالله حبيبتي قطريه غريبه انهم يشيكون عليج انتي رايحه اكثر من مرة الى امريكا ان شاءالله تخلص اجراءاتهم بسرعه وتسافرون وتستانسون |
انا بعد معاكم رفضو عيالي مؤقت معنه عيالي اقل من ١٠ سنوات يعني كلهم اطفال وانا جددو فيزتي بأقل من سبوع .... وحاليا لي شهر ونص ناطره المعالجه |
اقتباس:
هلا حبيبتي إيمان ..سكتي أنا لين اللحين مو مستوعبة اللي صار :21: يااارب ياقلبي الله يسمع منج ومن كل الناس الطيبة اللي دعت لي بخير :20: |
و مازال الموضوع معلق حتى الان للأسف ابغى انتظرهم حتى شهر 9 اذا مافي رد منهم بدلنا الجهة |
يا جماعة الخير ايش الحل في هذا الموضوع ؟ والنهاية الان 6 شهور منتظر الصيف قرب ونبغى نسافر مو للدرجة هذي ما صارات ارسلت لهم عدة ايملات يكون الرد منهم في انتظار بموعد غير محدد |
اقتباس:
مع الآسف لا يوجد حل سوى أنك تغيير الوجهة إذا كنت تنوي السفر طالما طال أنتظارك فبالتأكيد هناك مبرر لديهم مما جعل الأجراءات الأدارية تأخذ هذا الوقت الطويل الأشكالية .. أن بيانات الطلب ترسل إلى دائرة الهجرة في ولايات مختلفة في أمريكا و يتم مراجعتها و التقصي عن مقدم الطلب أما بسبب تشابهة أسماء أو خلافه .. أن شاء الله تتيسر أمورك |
مازال حتى الان في الانتظار للاسف الشديد فما الحل |
اقتباس:
جوازك معك .. توكل على الله و غير الوجهة بلاد الله واسعة و لم تتوقف على أمريكا و ما أدراك لعل في الأمر خيرة لك .. و لست الوحيد ممن مر بنفس التجربة |
لا زال تجديد فيزتي مرفوض رغم مرور 8 أشهر على التقديم لسبب مجهول.. تعبت من الإتصالات والإيميلات وكله دون إجابة شافية ..حسبي الله ونعم الوكيل :20: |
اقتباس:
ما اختاروك الا أنت ( عاشقة امريكا ) عسى الله ييسر الأمور ويعطونك فيزا التدقيق يمر على ادارات كثيرة ويأخذ وقت طويل لذا الله يعينك |
اقتباس:
شفت اشلون يا بو غسان ؟ اللي مايعرفك مايثمنك :3: الله يفرجها بس :e201: |
اي والله يا قطرية اللي ما يعرفج ما يثمنج ترا اهم الخسرانين الله يسرها وتطلع ان شاء الله |
مازلت حتى الان من شهر 01/2022 حدود 8 شهور والله مسخرة |
اخ محمد سمعت من البعض ان دائرة الهجرة الامريكية تتعامل مع الاسماء بحرص مثال القحطاني او العنزي او الدوسري يعتبرونهم عائلة وحدة واي شخص علية مشكلة او مسافر الى اليمن او سوريا او باكستان او ايران يشيك على الاسم الاخير وياخذ وقت للتفحيص والتدقيق |
الحل غير الوجة ويمكن فيها خيرة لك ربي يوفقك |
حياك الله قطرية كول عاد انتي مالهم حق فيك من رواد امريكا المميزين كنت احسب التعقيد فقط عندنا من السفارة الامريكية بصراحة مزاجية في الاجرائات انا اعتقد واجزم انها تعتمد على الموظف الذي يجري المقابلة اذكر يوم طلعت الفيزا قالت لي بعد الاسئلة مبروك وولكم تو يو اس اي وهذا يدل على ان للموظف الحرية في القبول والرفض من البداية والباقي روتين لانة يطلع كل شي امامة |
اقتباس:
|
سجل سفري ممتاز جدا اكثر من 5 مرات اوروبا واذا على الالقاب القحطاني لدى جدي وثائق بيع وشراء واتفاقيات اراضي من عام 1125هـ قبل ما تتاسس امريكا |
| الساعة الآن 10:49 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO