|
تجربتي في تعبئة الأبلكيشن و مواعيد السفارة في الرياض!!! السلام عليكم ورحمة الله وبركاته شكرا لكم جميعا على ماتقدمونه من معلومات وفوائد حيث أني أستفيد كثير منكم في كل التأشيرات ومنها التأشيرة الأمريكية. تجربتي في تعبئة الأبلكيشن وأخذ الموعد:- الحمدلله بدأت وخلصت كل خطوات الأبلكيشن بمساعدتكم كانت سهلة وواضحة فقط يحتاج لها وقت، واجهتني مشكلة في تجربة الصورة قبل تعبئة الأبلكيشن أخذت الصورة من المصور على الواتس أب ورفعتها في التجربة لكن رفض لحجم الصورة الكبير وحليتها في أني صورت الشاشة في الجوال ثم قصيتها على المقاص مرة ثانية والحمدلله رفعت الصورة النقطة الثانية كان يوجد فرق في عملية الدفع عن المواضيع المثبتة جزاهم الله كل خير الدفع الآن ممكن أونلاين من أي فيزا وأي ماستركارد أنا واجهتني مشكلة أني خلصت الأبلكيشن وأموري كلها في الإجازة وموقع الدفع كان مخفي خانة ID للربط مع الأبلكيشن ماقدرت أدفع إلا بعد الدوامات وبالنسبة لفتح المواعيد اتوقع مباشرة تفتح لايحتاج الإنتظار 24 ساعة. لكن واجهتني مشكلة أرجو مساعدتي في الرياض لايوجد مواعيد متاحة وأكثر من مره أدخل للتجربة والتشييك جتني رسالة أنه قاربت على استفاذ المحاولات والرجاء الاختيار الآن، كيف أعرف المواعيد المتاحة خوفي بعد تجربة أكثر من مره أضطر لدفع المبلغ مره أخرى بالنبسة للماوعيد للفائدة : الرياض لايوجد جدة ١٣ نوفمبر الظهران ١ فبراير ٢٠٢٣ أرجو إني أفدتكم بشي قليل وشكرا لك |
وعليكم السلام شكراً على طرح تجربتك للفائدة رائع أنهم خلوا الدفع اونلاين للتسهيل على المتقدمين بالنسبة للمواعيد شيك يومياً بعد 12 بالليل مباشرة أي واحد يلغي السيستم يحدث بهذا التوقيت |
اقتباس:
الشكر لكم أولا أخر فرصة طيب الآن التشييك يحسب علي كمحاولات ولها عدد معين ؟ طلعت لي رسالة على وشك انتهاء او استيفاء المحاولات الرجاء الحجزوالآن،،يش يصير اذا حاولت كثير؟ وهل مكاتب السياحة تقدر تجيب لنا موعد قبل ؟ والا البروسس عندهم مثلنا ؟ وشكرا لكم مره أخرى |
هلا يا غالي مدري عن عدد المحاولات المسموحة لكن بعض مكاتب السياحة تقدر توفر لك مواعيد قريبة فقط تمر عليهم وتسألهم |
اقتباس:
شكرا لاهتمامك للفائدة و من خلال البحث ولست متأكد مسموح تحديث الصفحة ١٢ مره ثم تظهر الرسالة التالية " إنك تقترب من الحد الأقصى لعدد المرات المسموحة لك بعرض هذه الصفحة. يُرجى إتمام معاملاتك في هذا الوقت" تقفل الصفحة حتى اليوم الثاني بتوقيت شرق الولايات المتحدة نتظر حتى هذا التوقيت وتفتح ان شاء الله |
مرحبا بكم جميعا أبشركم الحمدلله بعد التحديث أكثر من يوم حصلت موعد في ١٣ سبتمبر في قنصلية جدة ثم بعدها بيوم وجدت موعد في ١٧ اوغست الحمدلله والله ييسر الباقي سؤالي لكم كيف وضع المقابلة مع العائلة هل يقابلون كل واحد لوحده أو يقابلوننا مع بعض والسؤال الثاني بنتي عمرها ٤ سنوات الله يحفظها هل أخذها معي ؟ وشكرا لكم على معلوماتكم القيمة |
اقتباس:
ما شاء الله كويس لقيت موعد قريب .. و أن شاء الله تكون من ضمن الأوائل اللى يحصلون على الفيزا بعد تعديل المدة إلى 10 سنوات بالنسبة للمقابلة يسمح لجميع المتقدمين في مقابلة واحدة ... أما طلفتك الله يحفظها لك ... غير مطلوب عليها مقابلة فقط تحضر جواز سفرها و أن لم تستطيع تركها يمكن أحضارها و تدخل معاكم |
اقتباس:
مرحبا لك أبو معتز الله يجزاك خير ويعطيك العافية إن شاءالله ١٠ سنوات الله ييسرها، أنا مقدم B2 تتوقع مشمولة في التمديد والا فقط B2/B1 ؟ سؤال أخير لكم أنا نسيت أطبع الإيصال حق السداد لكن صورة الشاشة هل فيه طريقة أطلعه والا ان شاءالله تصويري للشاشة يكفي اذا طلبوه مني مع العلم المعلومات الي في الصورة بالعربي وشكرا ومقدر تعاونكم |
اقتباس:
حياك الله اخوي عبدالعزيز انا حاولت ادفع من خلال البنك الاهلي (ماستر كارد) بنك الانماء ( فيزا) ولكن يظهر لي رسالة عند الانتهاء من الدفع اون لاين (تم رفض الطلب) بعد اذنك هل دفعت انت من خلال الدفع الالكتروني او زرت فرع بنك الاهلي ؟ شكرا لك |
اقتباس:
نعم دفعت الكتروني عن طريق فيزا STC Pay ولا واجهت مشكلة حتى المواعد فتحت على طول لكن للأسف لايوجد مواعيد وقتها في الرياض. |
اقتباس:
وعندي استسفار اخر زوجي عبينا له DS160 ولكن ماقدرت اضيفه معاي للمواعيد هل لازم يفتح حساب منفصل في CGI افيدوني مررة حوسة الفيزا |
لا مو لازم يعمل حساب اخر لحجز موعد على نفس حسابك في خانة خاصة باضافة افراد العائلة |
اقتباس:
هل عادي كل واحد فينا بحساب ؟ وهل لكل شخص 600 ريال ؟ |
دخلت بعد 12 الليل للاسف طلعلي هالرسالة ايش الحل تعديت المحاولات المسموحة وللاسف مضبط ايش الحل |
اقتباس:
انا مثلك طلعت لي هذي الرسالة ودخلت مره ثانية بس بعدها بوقت ,يعني بعد مرور اكثر من 6 ساعات ولقيت موعد و حجزته حاولي يكون دخولك متباعد شوي , يعني لا تدخلين بشكل متواصل لان النظام راح يوقف حسابك وبإذن الله تحصلين موعد بالتوفيق بإذن الله |
شاكر لك أخوي صاحب الموضوع الله يجزاك الجنة استفدنا منك و للفائدة كان حجزنا بتاريخ ٣١ اكتوبر وكنا نحاول نلاقي وقت أقرب ولقينا موضوعك وجربنا بعد ١٢ الظهر وبعد ١٢ الليل وحتى اوقات ثانية وكنا نحصل مواعيد اقرب وحتى كتابة هذا الموضوع لقينا موعد بكرة في جدة بتاريخ ٣١ جولاي كنا نتناقش اذا نحجزه وراح علينا يعني اللي بيحجز ضروري تحجزوا بسرعة في نفس الوقت والحمدلله من ٣١ اكتوبر غيرناه ل١٦ اوقست غيرنا حجزنا ٣ مرات والآن ماتظهر لنا خانة الحجز لازم نكنسل الحجز حتى نقدر ندفع من جديد ونحجز ثاني للأسف مخاطرة لو كنسلنا يمكن يروح علينا حجزنا ومانلاقي الا حجز مرة بعيد |
اخ TaiTai انا لدى مشكلة في الحصول على موعد قريب خلا شهر او شهرين ممكن تعرفنا ما هي الطريقة التي اتعبتها للحصول على موعد اقرب شاكر ومقدر |
اقتباس:
مازلنا نحاول ندخل وللان مافي اي مواعيد بالرياض الله يسهل |
شكرا صاحب الموضوع على ذكر التجربة والافادة للاعضاء حاولوا تشوفون من بعد 12 اللي عرفته من تعليقات الاعضاء |
اقتباس:
مرحبا اختي بالنسبة للمحاولات تفتح معاك ١٢ بتوقيت شرق أمريكا تقريبا عندنا الساعه ٦ او ٧ الصباح وبالنسبة لمواعيد الرياض الصراحة من شهر تقريبا ماحصلت، ودائما تتحدث مواعيد جدةأنا حجزت في جدة وحجزت رحلة على ناس في الوقت المناسب لي ولكن أنتبهو من موضوع إعادة الجدولة وعددها وفي جدة أتوقع تحصلون إذامناسب لكم والله ييسر لكم الخير |
اقتباس:
الله يوفقكم وييسر أموركم بالنسبة للأوقات الصراحة مافيه وقت معين أنا دخلت مره الساعة ٢ الليل وحصلت موعد في سبتمبر ودخلت بعدها بيوم الساعه ٨ الصباح وحصلت في اوقست وكان مناسب لي وبعدها مابديت أحدث لكن كنت أشيك على مواعيد الرياض بس لايوجد مواعيد |
اقتباس:
العفو إستفدنا منكم ومن الأعضاء من قبل مشكورين وأرجو الإفادة للأعضاء وتيسير الأمور لنا ولهم |
تقدر تعدل عدد 2 مره فقط بعدها لازم تلغي الحجز وتقدم من جديد |
مرحبا جميعا الى الآن لايظهرلي مواعيد في الرياض كل يوم ادخل بعد 12 وفي الصباح هل احد حصل موعد يفيدنا شكرا |
صباح الخير احد يبشرني هل فيه مواعيد بالرياض ؟ |
Dan1989 والله انا مثلك ما زالت ابحث عن موعد دون نتيجة المشكلة عدد مرات الدخول في اليوم محدودة واذا دخلت تطلع لي رسالة لا يوجد مواعيد متاحة بالرياض |
الي عرفته قبل امس من مكتب سياحه بالرياض ان مواعيد الرياض مقفله لها شهر ونص ومايدرون متى يفتح |
اقتباس:
جدة لقيت 10 و11 اوجست اذا يناسبك ادخل بسرعة قبل تروح انا ماقدر على جدة |
مرحبا بالجميع اليوم كانت مقابلتي في قنصلية جدة وأنقل لكم تجربتي الموعد لي ولزوجتي ولبنتي الحضور أنا وزوجتي الموعد كان ٨ وربع أنا وقفت السيارة ٨ و١٠قايق حطيت ساعتي وجوالي بالسيارة فقط كان معي الأوراق ومفتاح السيارة مشينا تقريبا ٣ دقايق للقنصلية وكان فيه أمن دبلماسي ونسألهم وكانو بشوشين جزاهم الله خير وقواهم وصلت للقنصلية وقدامي طابور وقفنا في الطابور تقريبا ١٠ دقائق قبل دخول القنصلية والطابور لتسجيل الموعد وترتيب الأوراق بعد التسجيل دخلنا للقنصلية أول شي كان تفتيش أخذو مفتاح السيارة وعطوني رقم وهنا شفت بالأرفف جوالات وشناط كبيرة ياخذونهم من المراجعين ويعطونهم أرقام، دخلنا للقنصلية وأخذنا رقم وجلسنا في الإنتظار وفيه تقريبا ١٠ كونترات أو أكثر وكان فيه شخص يبيع مويه وقهوه لكن مامعنا فلوس ماتوقعنا :7: خلو معكم كاش للي يحتاج ويةجد برادة موية مجانية. جا رقمنا تقريبا في أقل من عشر دقائق وكان شاب عربي سمح أخذ أوراق الأبلكيشن وسألنا عن سبب السفر ومكان الميلاد وأخذ بصماتنا فقط وقال استريحو وينادون عليكم بنفس الرقم وهذا كان أول ٥ او ٦ كاونترات نفس الطريق يسجلون الأبلكيشن والبصمات ثم جلسنا تقريبا أقل من ١٠ دقايق وجا رقمنا مره ثانية في أحد الكونترات الباقية وكانت إمرأة أمريكية بشوشة طابقة جواز زوجتي لأنها كانت بالنقاب وأخذ بصمات اليد اليسرا لنا سألتنا عن سبب الزيارة وقلنا سياحة ووين سافرنا الفترة الماضية وقلنا لها وقالت اول ذا فيزا اس ابروف. ووبس :63: ملاحظة: أحد الكونترات طلبت مترجم وكان الشاب إلي استقبلنا في أول كاونتر يترجم لهم اذا فيه مشكلة مع وحتى هم كانو سمحين ويحاولون يتكلمون عربي ويوضحون والله ييسر الباقي يوفق الجميع ويكتب الخير. |
تحديث تم طلب تعبئة نموذج Ds 5535 لي أنا فقط الله ييسر |
مرحبا بكم أبشركم الحمدلله طلعت فيز لزوجتي وبنتي مدة ١٠ سنوات B2 المقابلة كانت بتاريخ ١٧ اوقست في جدة واستلمت الجوازات في الرياض تاريخ ٢٢ اوقست مع ويك اند. بالنسبة لجوازي رجعوه مع الجوازات مع ورقة مبين سبب الرفض لإجرائات إدارية لمدة ٦ شهور تقريبا. الله ييسر ويكتب إلي فيه للجميع. |
اقتباس:
ايضا اتذكر ما شاء الله طريقه حجزك لموعد قريب : هل حجزت موعد بعدين غيرته او اساسا ما حجزت وكنت تدخل كل يوم عشان تحجز |
اقتباس:
الإجراءات الإدارية يكون عندهم إجراء آخر من بحث وتأكيد للمتقدم وممكن هذا الإجراء ياخذ ٦ شهور على حسب كلامهم ، ولا يوجد سبب واضح لتحويل المتقدم للإجراء مثلا انا وعايلتي كلهم قبلوهم وأنا لا ولا أعرف السبب مع إنه الأوراق نفس الشي والمالية نفس الشي والسفريات مثل إلي كنت معبيها بالأبلكيشن مع ذلك حولوني اجراء اداري مع العلم إنهم قالو لنا وقتها كلكم مقبولين. بالنسبة لحجز الموعد لا مايحتاج تحجز موعد اول بعدين تقدمه، الرياض ماكان فيه مواعيد كان في جدة في نوفمبر ثم حدثت كم يوم ولقيت في سبتمبر وحجزت ثم غيرت ولقيت في اكتوبر، يبيلك تتابع بس لاتدخل كل شوي علشان مايقفلون صفحة الحجز ولا تدخل من جهازين أو متصفحين بنفس الوقت راح يقفل ٧٢ ساعه ، يعني باليوم ٣ او ٤ مرات واحرص على ١٢ الليل و٧ الصباح هي الأوقات إلي حجزت فيها. والله يوفقكم يكتب الخير للجميع. |
| الساعة الآن 05:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO