تجمع الأعضاء - تجاربكم مع الإجراءات الإدارية
 

السلام عليكم ورحمة الله وبركاته

فيزتي B1/B2 لها أكثر من 4 شهور تحت الإجراءات الإدارية، مقابلتي في March وإلى الآن ما فيه تحديث

اعتقد كثير الفترة هذي يمر بحالة مشابهة، شاركونا تجاربكم

من ديسمبر 2021 ولا فيه اي تحديث ، يعني تقريبا 8 شهور

انا 3 اسابيع ولا فيه تحديث، بس كلمت السفاره يقولن كل مقدم طلب له اجرائته الخاصه مو بالضروره مثل غيره والله ييسر الامور

انا تقريبا شهر ونصف ولا يوجد اي تحديث،، هل فيه احد وصله تحديث :21:

يا اخوان خلونا نشارك تجاربنا، انا صارلي اسبوعين من بعد ارسال النموذج فيه ناس اعرفهم وصلهم الرد من شهر الى شهر واسبوعين اطول مده 3 شهور احسها بعدها قلة حياء واستهبال

وعليكم السلام والرحمه
انا قدمت على الفيزا من ديسمبر 2021
وللان مافي اي تحديث
كلنا عارفين ان كل واحد تختلف معاملته عن الثاني. بس نحتاج نعرف اخبار بعض اللي مفس حالتنا
وايش اللي استجد وكلنا نساعد بعض باللي نقدر عليه حتى لو مساعده معنويه

اذا في احد يعرف متى تنتهي صلاحية هالفيزا عشان اقدر اقدم طلب مره ثانيه.
يعني. هل انتظر سنه واقدر اقدم مره ثانيه ؟؟

مرحبا فيكم

تجربتي كانت المقابلة في تاريخ 12/1/2022 وقتها سلمونا الورقة الصفراء للاجراءات الاارية
ارسلوا لنا بعد ايميل يطلبون جميع السفرات اللي سافرناها وتم الرد عليه
وبعدها لم يتم اي تحديث من تاريخ المقابلة مرفوضة في السستم

من ابريل 2022 وصار تحديث واحد في تاريخ 25 جولاي لكن لازالت الحالة مرفوض في الموقع

مادام في كه تحديث يعني امورك ان شاء الله خير

السلام عليكم

احتاج موعد للسفارة في الرياض في شهر أوغست
هل في مكاتب تساعدني
مع العلم اني اشيك كل يوم ولا لقيت

عليكم السلام
انا من 11/2021 والى الان لا جديد
بس الحمدلله لعله خير لنا لان السفاره تقول (اي فيزه سياحيه تصدر) للسعوديين بعد 1/8/22
مدة الفيزة 10 سنوات
الحمدلله دائمًا وأبدآ

يا اخوان شاركونا تجاربكم،، والا تريح بالنا ونسحب جوازاتنا وخلاص الموضوع صار لا يطاق

تجربتي مع الاجراءات الادارية
كانت المقابلة بتاريخ 19 ديسمبر 2021
وجات الموافقة بتاريخ 18 اغسطس 2022

8 شهور اجراءات ادارية

ما شاء الله تبارك الله ألف مبروك فيصل

أنا اليوم أكملت 5 شهور إجراءات إدارية ولا زلت أنتظر

فيزتي B1/B2 سعودي
الموقع جدة
التاريخ 2022/08/17

عطوني الورقة الحمراء وقالوا بيوصلك ايميل ووصل في نفس اليوم (( سفراتك وخبرتك و سكنك لمدة 15 سنه )

اليوم الثاني تم الارسال والي الان مافي تحديث

انا لي سبع شهور منذ يوم المقابلة بتاريخ 11/ 1 / 2022
والله ييسرها اهم شي ان الجوازات عندي واروح واجي براحتي ليت تصدر ان شاء الله ويطلبونها مني

جاتني الرساله ذي

Dear applicant,
Thank you for your email. We have received your completed form with the additional required information. We do not require any additional information from you currently. Your application remains under administrative processing. We will contact you once we have reached a decision regarding your application.

ان شاء الله ما تنتظر شهور كثيرة زينا انا لي الان 8 شهور

هم الخسرانين بدل ما نضخ الكاش عندهم بنحطه في دولة ثانيه

حياك الله اخوي عاشق للسفر عند سؤال
انا ودي اسافر الان والجواز عند السفارة كيف استرجعه يعني هل فيه ايميل اراسلهم عليه لإسترجاع الجواز بدون ما يلغون التأشيرة حتى تنتهي اجراءاتهم ؟ اذا تعرف اكون شاكرلك ..

الحالة عندي كانت الجواز في السفارة شي زي كذا مع العلم انهم عطوني الجوار واليوم تغير التحديث الي

Document Delivery Information

جوازك معك او عندهم؟

نعم اخوي تطلبها بالايميل ويجيك رد منهم اذا سلموها ارامكس بالنسبه لي طولوا ماردوا علي شهر يمكن او اكثر

معي من يوم المقابله رجعوا لي

ابشركم اليوم اتصلوا على قالوا سلم الجواز تم اصدار التاشيرة

اخوي كم صار لك بالضبط من يوم المقابله؟

صباح الخير

كانت المقابلة بتاريخ 2022/08/17

بعد المقابلة عطاني جواز السفر تحويل اجراء اداري و على كلامه يقول هذا روتين متبع في الغالب

وفيه شي غريب لاحظته ان جواز السفر حقي فيه استكرات مختلف ع الغلاف الخارجي حق تاشيرات وغيره في الخلف كان يحاول يمرره ع البار كود عنده مادري وش الهدف

في نفس اليوم جاني الايميل

رديت عليهم على الايميل اليوم الثاني تاريخ 18


بتاريخ يوم 21 اغسطس

ردوا على بهذا الايميل

Dear applicant,
Thank you for your email. We have received your completed form with the additional required information. We do not require any additional information from you currently. Your application remains under administrative processing. We will contact you once we have reached a decision regarding your application.

بعدها يوم امس تاريخ 2022/08/29

جاني اتصال من الرقم 0122205000 رقم القنصلية في جدة

وقال انه تم اصدار التاشيرة فقط نحتاج جواز السفر وبحكم اني في الرياض قال روح فرع رئسي لارامكس وشحنها

رحت امس الفرع الرئسي وهم عندهم نماذج خاصه لسفارة بس حدد اي مدينة ويشحن بشكل مجاني

والله يسهل اموركم جميعا

الف الف مبروك اخوي ،، لاهنت عندي كذا سؤال ..

ايش كانت الحالة في موقع التتبع هل كانت اجراءات ادارية ام مرفوضه.

والنموذج اللي قالوا لك تكمله هل هو Ds5535

تحياتي

كانت اول مره مكتوب ان الجواز في السفارة زي كذا مع العلم انه معي الجواز
المره الثانيه وقبل الاتصال مكتوب كذا

Document Delivery Information:

بعدها بيوم جاني اتصال

النموذج يب نفس 15 سنه وين سافرت وسكنك ووالخ

الله يبارك فيكم جميعا

6 أشهر ولا جديد

حسب التعليمات المذكورة بموقعهم إذا تجاوز وقت الانتظار 6 أشهر ولم يصلك أي تحديث تواصل معنا

تواصلت معهم وأخبروني بانتظار 6 أشهر أخرى :14:

والله انهم يستهبلون يعني انا ماني فاهم وش يستفيدون من حركاتهم هذي. يعني على سبيل المثال انا شخص اجازتي على وشك و احمد الله اني ما حجزت قبل المقابلة و كانت فكرة الحجز تراودني. لكن الأن صار لي تقريباً ثلاث شهور و خلاص قررت اغير الوجهة الى لندن و اوروبا بلا تعقيد زيادة. اول مرة اسمع عن دولة فيزا سياحية تأخذ اكثر من 6 شهور!!! للعلم يا اخوان اني سبق و اصدرت فيزا امريكية زمان و الاهل يحملون الجواز الأمريكي. لكن قلت انا كذا ولا كذا بأصرف فلوسي ف من باب اولى اني اصرف على دول تقدرك كسايح. و بالنسبة لي تم اصدار فيزا من سفارة اسبانيا في نفس اليوم الي قدمت فيه و استلمتها بعدها بيوم. اما 6 شهور و انتظر ستة شهور ثانية ف هذا يعتبر استقعاد.
والله يوفق و يسهل لي و لكم موضوع الفيزا والاجراءات الادارية
و تصدر الفيزا بأسرع وقت.

عندي سؤال
اذا رحت السفاره عشان اشوف جواز بنتي ؟ اقدر ادخل
لانه مستحيل ما يكون في طريقه للتواصل
الجواز عالموقع issued من 40 يوم وما وصل الى الان اي شي

انا صالي حاليا ٧ شهور ولحد الان refused

انا الحمدلله بعد انتظار اكثر من عشر شهور صدرت لي الفيزا لكن للاسف خمس سنوات قالوا القرار يشمل اللي عملوا المقابلة من السعوديين بعد 1 اغسطس