الأجرائات الاداريه اكثر من 10 شهور !!
 

السلام عليكم الاعضاء الكرام .،
انا موضوعي غريب نوعاً ما قدمت على فيزا امريكا في تاريخ 29/3/2022
لي وللعائله 4 افراد(اب وام وطفلتين) ودخلنا اجرائات اداريه بسبب الصور لم تكن مناسبه وارفقت الصور وتم اصدار فيزا للزوجه بعد 5 ايام وللبنت الصغيره بعد 10 ايام واستلمت الجوازات من ارامكس، وانا وطفلتي الثانيه لنا 10 شهر لاحس ولا خبر والرد المعتاد على الايميلات علماً ان جوازاتنا عندهم من ذلك الوقت وكل ما اشيك ع الموقع refused مافي اي تحديث ، احد صارله مثلي وهل تنصحوني اطلب الجوازات واغير الوجهه ع الصيف ولا انتظر وممكن يكون فيه امل انها تصدر ،

اتمنى الي مر بمثل ذا الموقف يشاركنا تجربته للفائده .

عليكم السلام .. واعانك الله


كثير مر عليهم نفس تجربتك ، الصور ليس لها علاقة ، الاجراءات الادارية في الغالب يرسلون بياناتكم الى مراكز البيانات في ديرتهم وتأخذ وقت كثير .
انا تأخروا علي مثلك عشرة اشهر ، طلبت منهم الجواز وعطوني اياه ورحت سافرت سياحة الى المانيا و بنص الرحلة اتصلوا علي السفارة قالوا ارسل لنا جوازك قلت لهم انا مسافر الحين قالوا ارذا رجعت ارسله لنا ، وفعلا اول ما وصلت ارسلته لهم وعطوني الفيزا وسافرت امريكا في السنة التي بعدها ( تقدر تأخذ الجواز منهم وترجعه لهم اذا خلصت اجراءاتك الادارية ) .
:28:

انا اخذت 11 شهر ، ان شاء الله تطلع لكً واذا محتاج الجواز تقدر تطلبه منهم لحد ما يتم اصدار الفيزا

وعليكم السلام

انا قدمت على التاشيرة قبلك ب 20 يوم وللان لا حس ولا خبر، طلبت جوازات السفر لي وللعائلة شهر ديسمبر الماضي وأعطوني الجوازات. وكل ما راسلتهم الجواب المعتاد..

اصبر وربك بيفرجها..

والله انا مريت بنفس التجربة قدمت بتاريخ 21/07/2022 بجدة و عطوني ورقة وردية 221(g) و ارسلو لي نموذج وين سافرت من 15 سنة و بعدها لا حس ولا خبر لكن الحمدالله كنت اشيك كل يوم و في اليوم الي وافقو على التأشيرة فيه شيكت الصباح و كانت Refused و بعدها بكم ساعة رجعت اشيك و تحدثت الى administrative processing و التاريخ تغير الى نفس اليوم الي هو 07/12/2022 و بعدها بيوم واحد ارسلو لي ايميل قالو لي ارسل جوازك و فعلاً ارسلته و بعدها بكم يوم تحولت الى issued بتاريخ 13/12/2022 ولله الحمد استلمت التأشيرة بعدها بيومين سارية لمدة 10 سنوات متعددة الدخول الى سنة 2032.
فالشاهد في الموضوع انه انا ماكنت متوقع انها بتتسهل كذا لي الحمدالله لذلك لا تيأس حسب تجربتي السفارة الأمريكية بأي لحظة ممكن تكلمك. و اتمنى لك التوفيق والله ييسرها يا رب لكم🙏.

جزاكم الله خير طمنتوني وفعلاً انا ارسلت الايميل حق السفرات وذي الامور ومالنا الا الصبر

أغلبنا مر بنفس التجربة، لو كان رفض حيرفضوك من البداية لكن الإجراءات الإدارية هو فقط للتأكد من أنك مؤهل

ما قد سمعت بأنه فيه أحد رفضت فيزته بعد الإجراءات الإدارية! كلهم انقبلوا حسب ما أعرف

ابو رائد بشر تغيرت الحاله معك شي ؟

ما تغير شي!! اخر مرة راسلتهم الشهر الماضي، قالوا كلامهم المعتاد اللي مفاده اصبر..

اخوي هشام، بشر هل استجد معك شي؟

وبالنسبة للورقة اللي أعطوك ايش كان لونها؟

لا والله للأسف لحد الان رفض الورقه كان لونها اصفر انت بشرني في جديد؟

نفس الشي، الحمدلله على كل حال

طيب اخ هاشم انا عندي موضوع قريب من موضوعك
ممكن تعطيني الايميل اللي تواصلت معهم

هلابك اخوي ابن المدينه
اذا ايميل السفاره في الرياض riyadhniv@state.gov

هل اعطوا احد افراد اسرتك وانت تحولت اجرائات اداريه ؟

لا … الغريب انه عددنا 4 كلنا جاءت الموافقة واستلمنا الجوازات جات لنا فيزا 10 سنوات ما عدا ولدي عمره 9 سنوات في البداية كانت موافقة بعدين تحولت الى اجراءات ادارية

اليوم اكمل 14 شهر ولا اي رد منهم

انا كم يوم واكمل سنه للأسف مع انهم اعطو عائلتي

قبل يومين أكملت سنة من تاريخ المقابلة، وخاطبت السفارة ومضمون ردهم ان حتى حنا ما ندري متى تخلص الاجراءات الادارية!

شي عجيب!!

ابو رايد بشر صدرولك الفيز او ارسلو لك ايميل ؟

لا والله مافي شي حتى الان ردودهم كالمعتاد ((انتظر))

يفرجها الله