|
موعدي في السفارة الأمريكية السلام عليكم ,, موعدي في السفارة ان شاء الله يوم 7/3 (الاثنين بعد القادم) أنا وزوجتي وبنتين (11 سنه و 9 سنوات) , هل عادي الأطفال يجون معنا المقابله والا ما يحتاج ؟ وبالنسبة لتاريخ خطاب العمل , هل عادي يكون قبل المقابله بحوالي 10 أيام , والا له فترة صلاحية محددة ؟ يا ليت اللي عنده اجابة لاستفساراتي يجاوبني وله جزيل الشكر |
و عليكم السلام و رحمة الله و بركاته حياك الله أخ هشام … الأطفال دون 14 سنة معفيين من المقابلة و البصمة خطاب العمل عادي ما له وقت محدد بالتوفيق |
اقتباس:
الله يعطيك العافيه أخوي أبو معتز وشكرا على ردك . دعواتكم , وان شاء الله أكتب تجربتي هنا بعد المقابله . |
اقتباس:
بالتوفيق لكم يا رب |
بالتوفيق اخ هشام وان شاء ميسرة غريبة ما اخبروك ان الاطفال اقل من 14 سنة معفين |
اقتباس:
شكرا لك والله يعطيك العافيه . والله أنا قرأت الشيء هذا قبل كذا بخصوص الأطفال بس حبيت أتأكد قلت يمكن في شيء تغير في النظام علشان ما أتفاجأ بأي شيء :58: |
السلام عليكم موعدي كان أمس وللأسف تم رفض منحي الفيزا لي ولعائلتي !! صراحة حسيت من أول دقيقه انها قررت الرفض. في البداية أعطيتها الجوازات وفتحت الطلب قدامها وكان واضح انها تقرأه وبعدها سألتني أول مره تقدم ؟ قلت لها نعم السؤال الثاني كان وين رايحين في أمريكا ؟ قلت لها نيويورك وأورلاندو بعدها سألتني كم راتبك ؟ وأنا أجاوبها على السؤال طبعا طلعت ورقة تعريف العمل وكشف الحساب البنكي , فقالت لي لأ أنا ما أبغى أشوف أي شيء بس جاوب على السؤال !! وقتها من اسلوبها في الكلام حسيت انها راح ترفض أكيد. بعد كذا الأسئلة كانت عاديه , كم صار لك في السعودية وهل عندك أقارب في أمريكا او لأ وسألت زوجتي اذا كانت تشتغل أو لأ وطبعا كل الاسئلة هذي اجاباتها واضحة ومكتوبه في الطلب أساسا . بعدها أعطتني الورقة البيضاء وعلمتني بالرفض . أنا سوداني مواليد السعودية , والوالدة موجودة معي هنا وعلى كفالتي (وقلت لها الشيء هذا لمن سألتني كم لك بالسعودية) , وأشتغل محلل نظم وراتبي كويس وسافرت في قبل كم سنه ايطاليا والفترة الماضية للامارات وقطر وعيالي أيضا راحو معي الامارات وقطر بس ما أدري صراحة ايش ممكن يكون سبب الرفض لأني أقول لكم حسيت من أول المقابله انها قررت رفض اعطائنا الفيزا !! عموما , كانت تجربة أولى وان شاء الله اذا الله سهل بعد فترة الواحد يعيد التجربة . وشكرا لكم :58: |
لعل في الأمر خيرة أخي هشام ... و طبعاً مثل ما تعرف أن السفارات الأجنبية و خصوصاً الأمريكية بالتحديد متشددين في منح الفيزا لبعض الجنسيات و خصوصاً عند التقديم من خارج بلدانهم و أن لم يمنحوا الرفض المباشر .. تحال طلباتهم للأجراءات الأدارية و التى تستغرق وقت طويل قد يصل إلى سنة أو أكثر عموماً لا تفقد الأمل و أنتظر و أعد التقديم مره أخرى أن كنت لا تزال ترغب في زيارة أمريكا بالتوفيق |
اقتباس:
فعلا , كل شيء مقدر ومكتوب أخوي أبو معتز بس أعتقد ان الموضوع مرتبط بشكل أساسي بمزاج اللي يسوي معك المقابله ان شاء الله بأحاول مره ثانية بعد فترة يعطيك العافيه |
ان شاء الله معوض خير انا بصراحة شايف سبب الرفض انك مقدم مع افراد الاسره وهذا كان اكبر غلط المفروض تقدم لوحدك او انت والمدام وبعد ما ترجع تقدم للأبناء ويمكن لوحدك وبعد الرجعه تقدم للزوجة والابناء انت بطريقتك هذه اخذت كل الروابط اللي ترجعك معاك والامركان تحديدا عندهم تدقيق في النقطه هذه وخصوصا وضع السودان الحالي يخليهم يدققو عموما لا تياس قدم مره ثانيه وقد تكون فرصتك اعلى من الفرصه هذه في حالات ينرفضو في المره وتمشي في الثانيه وفي اللي تمشي 5و7 موفق خير🌹 |
| الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO