|
موعدي في السفارة الأمريكية السلام عليكم ,, موعدي في السفارة ان شاء الله يوم 7/3 (الاثنين بعد القادم) أنا وزوجتي وبنتين (11 سنه و 9 سنوات) , هل عادي الأطفال يجون معنا المقابله والا ما يحتاج ؟ وبالنسبة لتاريخ خطاب العمل , هل عادي يكون قبل المقابله بحوالي 10 أيام , والا له فترة صلاحية محددة ؟ يا ليت اللي عنده اجابة لاستفساراتي يجاوبني وله جزيل الشكر |
و عليكم السلام و رحمة الله و بركاته حياك الله أخ هشام … الأطفال دون 14 سنة معفيين من المقابلة و البصمة خطاب العمل عادي ما له وقت محدد بالتوفيق |
اقتباس:
الله يعطيك العافيه أخوي أبو معتز وشكرا على ردك . دعواتكم , وان شاء الله أكتب تجربتي هنا بعد المقابله . |
اقتباس:
بالتوفيق لكم يا رب |
بالتوفيق اخ هشام وان شاء ميسرة غريبة ما اخبروك ان الاطفال اقل من 14 سنة معفين |
اقتباس:
شكرا لك والله يعطيك العافيه . والله أنا قرأت الشيء هذا قبل كذا بخصوص الأطفال بس حبيت أتأكد قلت يمكن في شيء تغير في النظام علشان ما أتفاجأ بأي شيء :58: |
السلام عليكم موعدي كان أمس وللأسف تم رفض منحي الفيزا لي ولعائلتي !! صراحة حسيت من أول دقيقه انها قررت الرفض. في البداية أعطيتها الجوازات وفتحت الطلب قدامها وكان واضح انها تقرأه وبعدها سألتني أول مره تقدم ؟ قلت لها نعم السؤال الثاني كان وين رايحين في أمريكا ؟ قلت لها نيويورك وأورلاندو بعدها سألتني كم راتبك ؟ وأنا أجاوبها على السؤال طبعا طلعت ورقة تعريف العمل وكشف الحساب البنكي , فقالت لي لأ أنا ما أبغى أشوف أي شيء بس جاوب على السؤال !! وقتها من اسلوبها في الكلام حسيت انها راح ترفض أكيد. بعد كذا الأسئلة كانت عاديه , كم صار لك في السعودية وهل عندك أقارب في أمريكا او لأ وسألت زوجتي اذا كانت تشتغل أو لأ وطبعا كل الاسئلة هذي اجاباتها واضحة ومكتوبه في الطلب أساسا . بعدها أعطتني الورقة البيضاء وعلمتني بالرفض . أنا سوداني مواليد السعودية , والوالدة موجودة معي هنا وعلى كفالتي (وقلت لها الشيء هذا لمن سألتني كم لك بالسعودية) , وأشتغل محلل نظم وراتبي كويس وسافرت في قبل كم سنه ايطاليا والفترة الماضية للامارات وقطر وعيالي أيضا راحو معي الامارات وقطر بس ما أدري صراحة ايش ممكن يكون سبب الرفض لأني أقول لكم حسيت من أول المقابله انها قررت رفض اعطائنا الفيزا !! عموما , كانت تجربة أولى وان شاء الله اذا الله سهل بعد فترة الواحد يعيد التجربة . وشكرا لكم :58: |
لعل في الأمر خيرة أخي هشام ... و طبعاً مثل ما تعرف أن السفارات الأجنبية و خصوصاً الأمريكية بالتحديد متشددين في منح الفيزا لبعض الجنسيات و خصوصاً عند التقديم من خارج بلدانهم و أن لم يمنحوا الرفض المباشر .. تحال طلباتهم للأجراءات الأدارية و التى تستغرق وقت طويل قد يصل إلى سنة أو أكثر عموماً لا تفقد الأمل و أنتظر و أعد التقديم مره أخرى أن كنت لا تزال ترغب في زيارة أمريكا بالتوفيق |
اقتباس:
فعلا , كل شيء مقدر ومكتوب أخوي أبو معتز بس أعتقد ان الموضوع مرتبط بشكل أساسي بمزاج اللي يسوي معك المقابله ان شاء الله بأحاول مره ثانية بعد فترة يعطيك العافيه |
ان شاء الله معوض خير انا بصراحة شايف سبب الرفض انك مقدم مع افراد الاسره وهذا كان اكبر غلط المفروض تقدم لوحدك او انت والمدام وبعد ما ترجع تقدم للأبناء ويمكن لوحدك وبعد الرجعه تقدم للزوجة والابناء انت بطريقتك هذه اخذت كل الروابط اللي ترجعك معاك والامركان تحديدا عندهم تدقيق في النقطه هذه وخصوصا وضع السودان الحالي يخليهم يدققو عموما لا تياس قدم مره ثانيه وقد تكون فرصتك اعلى من الفرصه هذه في حالات ينرفضو في المره وتمشي في الثانيه وفي اللي تمشي 5و7 موفق خير🌹 |
اقتباس:
الله يسلمك أخ أحمد والله ما ادري بس عندي قريب لي تقريبا نفس وضعي قدم مع عائلته وأخذ الفيزا , صراحة اللي نرفزني انها حتى ما شافت أي شيء من الأوراق اللي عندي مثل تعريف الراتب وكشف الحساب , بالعكس قالت لي مباشرة ما أبغى أشوف شيء :32: لأني أيضا أعرف ناس انرفضو بس بعد ما شافو راتبهم قليل مثلا أو كشف حسابهم مافي مبلغ يغطي مصاريف السفر للسبب هذا أنا أعتقد مزاج اللي يسوي معك المقابله هو اللي يحدد كل شيء عموما , ان شاء الله بانتظر فترة وأحاول اقدم قبل أي اجازة قادمة يعطيك العافية |
اتفق معاك الموافقه حسب المزاج انا قبل سنه واحد من الشباب عمل المقابلة بالرياض عند البنت الامريكيه الشقراء وهو عازب وافقت على التاشيرة وبعدها بيومين واحد ثاني قدم عند البنت نفسها ونفس الحاله رفضت الشغله اكشط واربح حظ 😂 بس نصيحة قدم ثاني لا تستسلم ابدا ومو شرط تاخذ فتره طويله وتقدم بإمكانك تقدم بعد الرفض بشهر عادي جدا والمقابله الجايه حتى لو جيت عندها م تعملك المقابله وتروح عند قنصل ثاني وكذا فرصتك اعلى وانت بصراحة المفروض تقدم لوحدك او انت والمدام تروحو وترجعو وتقدم بعدها من العيال الخواجات ماعندهم بر الوالدين يعني امك الله يحفظها مش رابط قوي بالنسبه لهم مثل زوجتك وعيالك تحياتي لك وموفق في القادم |
ياليت تفيدنا قدمت في اي مدينه وياترا قدمت عند اي قنصل يارب م تكون الشقرا بس 😂 |
اقتباس:
شكرا على النصيحه أخوي أحمد . قدمت في الرياض وأعتقد اللي عملت المقابله معاي هي نفسها الشقراء باحاول المره الجاية أقدم لحالي ان شاء الله . |
اقتباس:
المره الجايه حتى لو جيت عندها ماتعملك المقابله يارب يكون نصيبك عند قنصل النسوان مره مدققين بزيادة |
| الساعة الآن 10:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO