|
استفسار بخصوص فيزة الطفل من نوع تاير 4 السلام عليكم ورحمة الله وبركاته .. أود الاستفسار بخصوص الفيزا tier 4 dependent (child قدمت على الفيزا لابني معي ومع زوجي وانا كنت مقرره اخليه عند اهلي مدة شهرين لأن دراستي في أكتوبر الى أن أحصل على قبول الدكتوراه تفاجأت بعد التقديم انه اذا صدرت الفيزا رح يحددون شهر من تاريخ الدخول الى بريطانيا او تعتبر الفيزا لا غيه , الان رح اضطر أخذه معي مع العلم ان الفيزا لسى ماصدرت ، ورح ارجعه للسعودية عالكريسمس واخليه عند اهلي شهرين او 3 شهور وبعدين ارجع اخذه هل فيه اشكال ام عادي ولكم وافر الشكر والتقدير |
رد: استفسار بخصوص فيزة الطفل من نوع تاير 4 اقتباس:
اشكال من أي ناحية ؟ من جهة الملحقية اذا عرفوا عنه ( يقدرون يعرفون عن طريق الجوازات السعودية ) انه دخل السعودية ويوقفون صرف مستحقاته ... واذا رجع تطلبون له اعادة صرف ... يبدوا لي انه مو بسن دراسه صح ؟ - حاولوا تجون قبل دراستكم بفتره عشان فيه كم من المشاكل والمشاغل لازم تنهونها قبل الدراسة ( البيت ، الشرطة ، البنك الخ ... ) |
رد: استفسار بخصوص فيزة الطفل من نوع تاير 4 انا ما اٌقصد الإشكالية من ناحية الملحقية , أنا اقصد الإشكالية من ناحية الاميقريشين في المطار . لان أنا ماعندي خبرة من ناحية المرافقين الأطفال من ناحية الفيزا وانا سبق ودرست ببريطانيا لكن قبل نظام التاير 4 وكان قبل عادي المبتعث او المرافق يرجع ويقعد مدة طويلة في ديرته وبعدين يرجع بما ان الفيزا ما انتهت لكن الان مع تعقيداتهم ما ادري كيف النظام الجديد والطفل لسى عمره 9 شهور |
رد: استفسار بخصوص فيزة الطفل من نوع تاير 4 اقتباس:
بس اللي اتوقعه انه تطبق عليهم شروط سفر الاطفال اللي هي اذن المسؤول عنه او سفره معه والفيزا مايطرأ عليها اي شي دامها سارية المفعول |
رد: استفسار بخصوص فيزة الطفل من نوع تاير 4 ما اشوف أي اشكالية من ناحية الاميقريشن القوانين الجديدة مالها دخل بهذي الحالة طلعوا له الفيزا أول و بعدين تتضح الصورة |
| الساعة الآن 08:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO