شبكة و منتديات العرب المسافرون - استفسار بسيط ضروري ياخوان

- فيزا بريطانيا (https://www.arabtrvl.com/vb/f34.html)

- - استفسار بسيط ضروري ياخوان (https://www.arabtrvl.com/vb/t16056.html)

استفسار بسيط ضروري ياخوان

السلام عليكم
اخوي اخر فرصه والبقيه المحترمين
حبيبنا انا سويت موعد لي ودفعته وطبعته
الحين باقي الزوجه والابن لسى ماحجزت موعد ولادفعت
بسبب بعض الشغلات ماعرفت لها والموعد قريب
1 التوقيع احط اسمي والا اسمائهم علما اني مسوي لهم من الاكاونت حقي
2 بالنسبه للزوجة ربة بيت هل اكتب عاطله
والمصروفات لسته ايام وش احط
3 خانة اللي متكفل بالرحله مالقيت خيار الزوج ايش احط
وايش اكتب السبب
بالانقلش اذا تكرمت

وشكراً جزيلاً والله يعطيك العافيه
ولدي بالروضه هل يطلبون اثبات انه بالروضه

انا موظف ايش المستندات المطلوبه والصور هل مكشوف الراس
هل فيه مستندات مطلوبه ع الزوجه او الابن

والله يسعدددددك دنيا واخره

و عليكم السلام

الله يحييك يا غالي

شرحت كل شي هنا حتى المصروفات

http://www.arabtrvl.com/vb/t1482.html

1- بالطبع اسمائهم و راح يظهر اسمك على النموذج لان التعبئة من يوزرك

2- تكتب house wife مثل الجواز

3- فيه سؤال هل عندك شخص آخر يدفع تكاليف الرحلة اختار نعم

4- ولدك لايطلبون عليه اثبات دراسة

5- بالنسبة للطلبات و الصورة شوف الموضوع هذا

http://www.arabtrvl.com/vb/t5855.html

اقتباس:

المشاركة الأصلية كتبت بواسطة آخـــرفـــرصـــة (المشاركة 214027)

الله يحفظك يا ابو غسان انت تذكرني بالبيت القائل

وأفضل الناس ما بين الورى رجلُ .... تُقضى على يدهِ للناس حاجاتُ

الله ينفع بك

بالنسبه للتوقيع ماطلع اسمي هذا اللي خلاني اشك في الوضع
الجواز مو مكتوب عمل الزوجه وايضا لايوجد خيار بالابلكيشن اسمه ربة بيت
برضو لما احط نعم على تكاليف الرحله مايطلع لي ضمن الخيارات الزوج

اقتباس:

المشاركة الأصلية كتبت بواسطة ابوفيصل11 (المشاركة 214109)

هذا توفيق من الله يابو فيصل

* لا مشكلة ان ماطلع اسمك المهم تكون اسمائهم موجوده و تتأكد أنك داخل بمعرفك

* اذا امكن صور لنا الموجود أو اختار بلا عمل ما يفرق ترى

* وش الخيارات اللي تطلع ؟ صورها لنا و ابشر

الله يحفظك

ابو غسان لاهنت طال عمرك
الله يحفظك ماعرفت احط الصوره هنا
لكنن ابشرك تجاوزت الموضوع
الحين عندي مشكله اني ابي احط موعدي زي موعد عائلتي
كنسلت الموعد بدال ما اسوي ابديت :27::27:
ورجعت اسوي موعد وماطلعت لي الخبر وش الدبره الحين :27::27:

حاول تاخذ موعد من جديد باتباع نفس الخطوات
من view appointment
اذا مادفعت الى الان ماهو مشكلة

الا دفعت :(

واضح اني جالس احتريك ترد مسنتر على الموضوع هههههههه

ههههه
وش اللي ظاهر عندك الان ؟
view appointment ماهي ظاهرة ؟

الحل الاخير انك تروح للمكتب الموحد وهم يعملون لك موعد
و اتوقع اذا مانسيت ياخذون عليك رسوم

لا مو ظاهره صارت سودا تدخل كأنك بتسوي موعد جديد
ولما احط الخيارات يطلع جده والرياض الخبر ماتطلع
المكتب الموحد قصدك المكتب اللي بالخبر هذا هو الحل :27:

الله يعطييييك العاااافيه