|
هل يجب علي الخروج من بريطانيا قبل 6 أشهر؟ أخواني الأفاضل أنا عندي فيزا سياحية سنتين، هل يجب علي الخروج من بريطانيا قبل مضي 6 اشهر والعودة للندن؟ أم استطيع البقاء طيلت السنتين؟ سمعت كلام ولست متأكد أنه يجب أن اخرج قبل 6 اشهر وأعود أتمنى من لديه المعلومة يفيدنا |
هلا عزيزي ينقل الى بوابة فيزا بريطانيا كل سنة لك 180 يوم تقضيها متصلة او منفصلة اذا قضيتها لازم تخرج من بريطانيا و يبدأ العداد من تاريخ دخولك مثال ::: لنفرض انك دخلت 1/1/2016 و جلست الى 31/6/2016 هذي 180 يوم اذا لا يحق لك دخول بريطانيا الا في 1/1/2017 |
اقتباس:
اخي الفاضل نعم لازم تطلع قبل ست شهور كلامك صحيح 100%100 من واقع تجربه انا كنت في لندن رحلة علاج والفيزا سياحيه لمدة سنتين وبعد ست شهور ذهبت الي باريس يومين لازم تحسب حسابك تطلع فيزا الشنغن ثم رجعت وكملت العلاج والامور طيبه |
شكرا لكم و لكن أحس ان كلام الأخ اخر فرصه يتناقض مع كلام الاخ العوازم. الأخ اخر فرصه يقول لك بالسنة ست اشهر فقط ، بينما الاخ العوازم يقول قبل نهاية الست اشهر يحق لك ان تخرج ولو ليوم واحد وترجع لبريطانيا!! |
مافيه تناقض لان واضح من الرد ان ذهابه لرحلة علاج اما سياحة مسموح لك 6 اشهر فقط |
اقتباس:
هلا ابوغسان انا اللي عندي فيزا سياحيه وليس علاجيه ولكن انا ذاهب للعلاج دخلت المطار بالفيزا السياحيه ولك 6 شهور نعم مثل ماتفضلت وقعدت فتره المسموح لها 6 شهور ثم العلاج ماانتهي قالو الي المكتب الصحي والسفاره اذا عندك شنغن تقدر تطلع الي فرنسا بالقطار يومين وترجع والفيزا ساريه 6 شهور مره اخري ومن واقع تجربه شخصيه |
الله يحييك ابو افنان ماعاد فيه شي اسمه فيزا علاج كلها انضمت تحت الفيزا السياحية طالما عندك ما يثبت انك مرافق او تخضع لعلاج لك 11 شهر بالسنة بس بعد 6 شهور تخرج نفس الشي |
اقتباس:
هلا حبيب قلبي ابوغسان للتوضيح فقط بخصوص دوله الكويت في فيزا علاج بالخارج من وزارة الصحه يعطونك كتاب موجه للسفاره عندنا حق الدول اذا دول الشنغن تطلع فيزا سياحيه يعطونك على حسب المده اما اذا جبت لهم كتاب من اداره العلاج بالخارج عندنا بالكويت السفاره الشغن يعطونك ثلاث شهور فقط اما بريطانيا على حسب المبلغ تدفع ست شهور او سنه براحتك ولازم بعد ست شهور اذا انتهت الفيزا تجدد وغاليه بلندن واحد من الربع جدد الفيزا بلندن للشخص الواحد بهذاك الوقت 500 باوند |
ومنكم نستفيد بوغسان وبوافنان يعني على كلامكم ان بعد ٦ اشهر او ١٨٠ يوم انك تطلع وترجع شكراا لكم |
شكرا لكم جميعا ، وشكرا أم حسين على مرورك |
| الساعة الآن 12:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO