شبكة و منتديات العرب المسافرون - تجربتي في إستخراج فيزا بريطانيا 6 اشهر مكتب التأشيرات الموحد بجده

السلام عليكم ورحمة الله وبركاته

في البدايه أحب اشكر القائمين على هذا المنتدى وأخص بالذكر اخونا أخر فرصه

اليوم ابي اذكر تجربتي لكي يستفاد منها إن شاء الله

طبعا انا غير موظف اعمل لحسابي الخاص والحمد لله ولكن لا املك سجل تجاري

عبيت الابلكيشن وكتبت رجل أعمال لكنني لا املك سجل تجاري

طرحت موضوع هنا استفسار وكان رد اخوي اخر فرصه ان الافضل الغاء الابلكيشن وعمل ابلكيشن جديد

لكنني كنت متردد بخصوص الاختلاف بين النموذجين اللي راح الغيه والجديد

فقررت اني اخليه مثل ماهو افضل من التغيير وكتابة لا اعمل

المهم طبعت الابلكيشن لكن في اخر لحظه قررت اني اغير الابلكيشن واعمل واحد جديد

والسبب انه عندي تاشيره فرنسيه قدمتها عن طريق مكتب سياحي وانتهت وكنت ابي اجددها ومريت هالمكتب لان ماعندي نسخه من البينات السابقه

المهم سالته عن موضوع الفيزا البريطانيه فقال الي الافضل تلغي وتعمل ابلكيشن جديد وتكتب لا اعمل لان فيزا الشنغن السابقه كتبت لا اعمل

والمعلومات وحده في الاتحاد الاوربي

نجي للمهم

الغيت الابلكيشن وعملت واحد جديد وكتبت لا اعمل واكتفيت بخطاب تعريف وكشف الزوجه

حجزت موعد يوم الاثنين 11 ابريل 2016

وصلت قبل الموعد بساعه الا ربع وافاد الموظف اني ارجع قبل الموعد بي ربع ساعه

انتظرت لما خلصت النص ساعه ودخلت

في الاستقبال اعطوني ورقتين وحده لي ووحده للزوجه اكتب فيها الاسم ورقم الجواز

عبيتها واعطيتها الموظفه وطلبت اول ورقه فقط من الابلكيشن و صورة الجواز و سالتني اذا تبي تظيف تذاكر وحجوزات

طبعا اظفت تذاكر طيران وفنادق مؤكده واظفت خطاب تكفل بالمصاريف مع انه ماكان مطلوب

ماطالبوا مني صوره شخصيه وسالتهم قالوا مانحتاجها

سالتني اذا ابي توصيل الجواز الى مدينتي بحكم اني خارج جده ودفعت 160 ريال

150 توصيل و 10 ريال رسائل جوال

بعدها رحت بصمت وتصورت

طبعا مااخذت نص ساعه عندهم

بعد العصر جات رساله على الجوال انهم ارسلو الجواز

يوم الثلاثاء ظهر جاء ايميل من السفاره بالرياض

يوم الاربعاء جات رساله على الايميل ان الجوازات انتهت وجاري ارسالها

طبعا جمعه وسبت اجازه

اليوم الاحد استلمتها ولله الحمد تبدا من 12 ابريل لمدة 6 اشهر

وعقبال اللي بيقدم

ترى الأمور اسهل من ماكنت اتصور

وان شاء الله قريب راح اجدد الفيزا الفرنسيه واكتب التجربه

في النهايه عندي سؤال للي عنده تجربه

انا حجزت فندق قابل للالغاء كنت ابيه علشان الفيزا بس غالي شوي

لقيت فندق ارخص منه

هل فيه إشكاليه لو الغيته وحجزت غيره

يعني عند الوصول مايدققون في اللي مسجل في الفيزا ؟؟

وشكرا لكم جميعا