![]() |
فيزا بريطانيا في اقل من اسبوع عمل السلام عليكم ورحمة الله وبركاته ولأن لندن أسرتني ووقعت في حبها سنكرر زيارتها هذا الصيف ان شاءالله كانت لنا تجربة مع إصدار التأشيرة الصيف الماضي وللاسف كانت تجربة صعبة ومرهقة نفسياً حيث ان التأشيرة لم تصدر الا بعد مايقارب الشهرين والنصف اي قبل الرحلة ب9ايام كان الجميع على أعصابه والكل متخوف من سبب التأخير اما هذه المره الحمدلله الامور كانت افضل في يوم السبت الموافق 16/ابريل تم تعبئة البيانات اون لاين وأخذنا الموعد يوم الاثنين 25/ابريل عدد الجوازات 8 ولان العدد كبير بصراحة الموظفة طولت وهي تطابق وتدقق ومع ابتسامة عريضة تأسفت بكل تودد ولاننا قلقين من تجربة العام الماضي سألتها وسألها والدي وزوجي متى نستلم التأشيرات؟؟ ردت:اسبوعين الى ثلاث أسابيع عمل ذكرنا لها تجربتنا القاسية واكدت ان العام كان حالة استثنائية وتفادوها بعدها بصمنا وتصورنا كل شخص يدخل منفرد الا الاطفال يدخل معهم المتكفل بهم ولان ولدي شعره طويل ونازل على جبينه طلبت الموظفة اننا نرفعه له بأي وسيلة لتكون الصورة أوضح وخرجنا من مكتب التأشيرات وأستودعنا الله جوازاتنا لان بَعضنا ينون السفر الى القاهرة قبل سفرة لندن والصدمة الجميلة انه في يوم الثلاثاء 3/مايو وصلت رسالة sms ان التأشيرات جاهزة للاستلام يعني اقل من اسبوع عمل 6ايام ماشاء الله *مدة التأشيرة ١٨٠ يوم يعني ٦شهور *لا يشترط تأمين طبي *لايشترط حجز طيران *لا يشترط حجز سكن *سعر رسالةsms 10ريال *اي ورقة يقوموا بتصويرها اتوقع بريالين طبعاً عند دخول قسم المملكة المتحدة تخضع لتفتيش شخصي ويتوجب إغلاق الجوالات ويمنع التصوير اتمنى تجربتي تكون مفيدة وشكرا لكل شخص كتب معلومة بهذا المنتدى واخص آخر فرصة لاني العام أزعجته فعلاً |
و عليكم السلام 1000 مبروك الفيزا يا طوق فعلاً السنة الماضية كل السفارات كانت حالة استثنائية زحمة شديدة و المتقدمين كانوا كثير البريطانيين مرتبين أكثر و دقيقين أكثر شكراً لطرح تجربتك و ان شاء الله الكل يستفيد منها الله يسعدك |
عاد العام طلعنا الشنقن بفترة قياسية وبعدها على طول قدمنا على البريطانية وصار اللي صار ولوووو واجبنا والمنتدى والاعضاء يستاهلون |
ماشاء الله تجربة بسيطة وأموركم ميسرة ولله الحمد تروحون وترجعون بالسلامة |
وعليكم السلام ورحمه الله وبركاته علي البركه شكرا لك علي ذكر تجربتك وإن شاء الله تستمتعون هالسنه وكل رحله هالسنه المسافرين قليل لا يقارون بالعام الماضي للعلم من حسب ما ذكر لي أحد المطلعين ما نبي تقرير ترانا:3: |
PrinceOfPersia فعلا التجربة موفقة وسهلة والامور تمام ولله الحمد فيصل عاد توقعت الشعب كله مسافر هذي السنة يارب اقدر اكون بطلة واكتب تقرير والله المنتدى يستاهل لكن انا قليلة خاتمه:31: |
بالعكس أنتي أكوس وحده بس لا تتكاسلين موفقه |
مبروك الفيزا سفرة سعيدة موفقة |
كيف مدة الفيزة 3 اشهر فقط !!! اقل فيزا لبريطانيا هي 6 اشهر |
فيصل شكرا على المجاملة والله مو كسل لكن فعلا مايكون عندي جديد غالباً اكتفي بالرد على الاستفسارات اذا كان عندي علم د.طلرق اللهم امين شكرا فارس الجبيل صح ١٨٠يوم يعني ٦شهور يصحح المعلومة شكرا لك |
الساعة الآن 11:33 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO