![]() |
بخصوص كشف الحساب السلام عليكم ورحمة الله وبركاته جعلنا الله واياكم من المقبولين في هذا الشهر الكريم حاب استفسر عن حاجة ربما اكون اخطأت فيها انا قدمت اوراقي لمركز التأشيرات لفيزا سياحية 6 اشهر انا وابنائي وزوجتي بيوم 27/6 وقدمت كل اللي طلبوه من تعريف عمل براتب مجزي ولله الحمد والمنة وقدمت كشف حساب 6 اشهر وارفقت معها للدعم فقط تذاكر الطيران وحجوزات سكن غالبيتها غير مسترجعة للاسف وصور التاشيرات السابقة للعشر سنوات الماضية منها 4 تأشيرات بريطانية اخرها السنة الماضية 2015 و5 تأشيرات شنجن وتأشيرة الولايات المتحدة الأمريكية كل التاشيرات برفقة الابناء والزوجة.. اللي صار ان الوالد الله يحفظه وقبل اسبوع او ثمان ايام من اخذ كشف حساب البنك للسفارة اودع في حسابي مبلغ حدود ال 130 الف على دفعتين بغرض شراء سيارة عائلية لوالدتي واخواتي حفظهم الله.. وللاسف نسيت هالموضوع وسحبت كشف الحساب وقدمته للسفارة بدون ما يجي ببالي اوضح حاجة بالابلكيشن..!! السؤال :هل بيكون هذا سبب لاسمح الله للرفض؟ علما بان راتبي ينزل باستمرار وهو كما اوضحت مجزي ولله الحمد وكشف حسابي فيه حركة سواء مشتريات اوتسديد بطاقات الائتمان او غيره من العمليات الاعتيادية. والسؤال الاخر: هل التاشيرات السابقة لي وعائلتي واخرها اللصيف الماضي من السفارة البريطانية بتكون داعمه لي؟ انا والله تخوفت لما قريت بعض المواضيع شاكر لكم سعة صدركم وكل عام وانتم بخير |
اخوي اشفيك مستعجل تو الناس ترى ما قدمتها الا في 27 Jun انا قدمتها في 16 JUN وطلعت ولله الحمد في 04july يعني 12 يوم عمل اخذت معاي انتظر اخوي بيرسلون لك في 18 july تقريباً والعلم عند الله |
مرحبا اخوي ما اتكلم عن التاخير ابدا انا عارف لسا بدري اتكلم عن موضوع ايداع المبلغ وكشف الحساب فقط ومعليش سؤال: جتك رسايل..؟ انا جتني رسالة وحده بس في نفس يوم التقديم تفيد بارسال الجوازات من المركز الموحد بالرياض للسفارة... بعد كذا ماجا شي من السفارة سواء باستلام الجوازات او غيره.. بالعادة يرسلون ثاني يوم ان الجوازات وصلت السفارة غريبة.. يعني ما بعد وصلتهم للحين!؟ |
وعليكم السلام مادام الراتب مجزي ان شاء الله تعدي الامور لكن المفروض قدام هذا الايداع بالكشف تكتب توضيح مثلاً : ايداع من الوالد لغرض شراء سيارة ونعم التاشيرات السابقة تدعم ملفك كل المتقدمين ماجاتهم الا الرسالة هذي و ذلك للضغط الشديد من كثرة المتقدمين و ربنا ييسر الامور |
اقتباس:
عموماً هي كانت غلطة وكنت ناسي الموضوع تماماً والله ولا جا على بالي الا امس بعد ما قريت بعض المواضيع تذكرت سالفة الايداع وقلت الله يستر لا يستقعدون لنا بسببه.. لكن ربك يسهلها ان شاء الله. تحياتي للجميع |
اخوي لاتحاتي امورك طيبه دام عندك فيزه من قبل معناتها علومك كلها عندهم وبالنسبه للرساله جتني في نفس يوم التقديم وجتني لما خلصت بعد 12 يوم عمل ماجاني ثاني يوم شي مثل ماتقول هما رسالتين فقط نفس يوم التبصيم ولم خلصت قالو تعال استلم وبس وبالنسبه لموضوع الايداعات والاشياء هاذي اتوقع يدققون فيها على دول معينه من الي يجون يدورون شغل عتدهم يخافون يجي ومايطلع اما الخليجيين ماعليهم خلاف لانهم عارفين الاأمكانات الماديه لكل دوله ... هذا والله ولي التوفيق ,,,, |
اقتباس:
طمنتني والله الله ييسر الأمور ان شاء الله ويكتب لنا ولك الخير وجميع المسلمين وكل عام وانت بخير |
الساعة الآن 03:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO