تجاربكم في الحصول على فيزا بريطانيا خلال الشهر الماضي والشهر الحالي
 

نحتاج الى تجاربكم في الحصول على الفيزا البريطانية بالذات اللي قدموا عليها بحجز عادي ( غير vip)
شاكرين ومقدرين لكم:13::13:

بالنسبة لي حجزت موعد عادي انا و زوجي بتاريخ 27 يونيو
بنتي معاي بنفس الجواز وطلبوا مني أسوي لها ابليكيشن خاص فيها :20: وحجزنا لها vip لأَنِّي مالقيت لها موعد بنفس اليوم
والى الان ننتظر الفيزا ما طلعت :73:

انا مقدم معك بنفس اليوم فيزا سياحية 6 اشهر انا والعائلة موعد عادي ومازلنا ننتظر... متى سفرك..؟ وكم رسالة جتك..؟

انا موعدي كان 6/30 فيزا سياحية ومازلت انتظر استلام الجواز وسفري يوم 7/20 ..

علامة استفهام كبيرة على السفارة البريطانية..؟!
مع الأسف فيها بطء غير طبيعي.. عطلت مصالح الناس وخربت اجازاتهم ونكدت عليهم
ويتعذرون بالزحمة..!!!
الفرنسية والألمانية تطلعها في اقل من اسبوع وبدون برايورتي وخرابيط.. وعندهم نفس الزحمة..
ما ادري وش السر في هالتأخير الغير مبرر ؟!!

انا طلغت فيزا بريطانيا خلال 10 ايام فقط موعد عادي

قدمت تاريخ 1/6/2016 وتاريخ 10/6/2016 خلصت

سفري في بداية شهر أغسطس ... جتني رسالتين ... الرسالة الأولى وصلتني ثاني يوم من موعد التبصيم ،، والرسالة الثانية وصلتني يوم الأربعاء ( أول يوم العيد ) وهذا مضمونها:

Dear Customer,

PLEASE DO NOT REPLY TO THIS MESSAGE. THIS MAILBOX IS NOT MONITORED.

This email is to notify you that your UK visa application is now being prepared for assessment by an Entry Clearance Officer.

Our published service standards say that we will process all non-settlement applications within 15 working days and all settlement applications within 60 working days from the date of submission of your application at the visa application centre.

If you have purchased the Priority service then we aim to process these within 5 working days for Priority non-settlement applications, and 15 working days for Priority settlement applications from the date of submission of your application at the visa application centre.


We are currently meeting our service standards and there are no forecasted delays to our service.

و لازلت انتظر على أعصابي حتى الآن....:20:

وأنت كم رسالة وصلتك؟ ومتى موعد سفرك؟

هل ممكن انهم في اجازة العيد يشتغلوا على اجراءات الفيزا .. ام بدا من اول يوم بعد اجازة العيد ..

انا ماجاني الا رسالة وحده بس اول يوم بعد ما سلمنا الجوازات وبعدها ماجا شي للاسف..!
وسفرنا ايضا ببداية اغسطس

أكيد أنهم يشتغلوا بوقت العيد ، لأن أول يوم العيد جتني رسالة منهم... لكن التأخير غير طبيعي ( وقت مبالغ فيه جداً )

جرب شوف في الجنك ميل ( junk mail ) ممكن وصلتك..

وحدة من صاحباتي مقدمة على الفيزا بتاريخ 22 يونيو ، برضو حجز عادي والى الآن ما أستلمت جوازها ،، معناها ماوصلوا الى تخليص أمور الجوازات الى الناس المقدمين بهذا التاريخ ،، إحنا مقدمين بعدها يعني راح نطول أكثر :27::27:

مشكلتي باقي أقدم على الشنقن ..

الله بسهلها يارب

عندكم فيزه سابقة منهم..؟

آمين الله يسهلها علينا وعليكم وعلى الجميع..

لا ، هذي أول مرة نطلع فيزا من البريطانية ، لكن سبق وطلعنا الشنقن من قبل سنتين..

و أنتو ؟؟؟

مبروك الفيزا ، الله يبارك لكم في سفركم ويسهل عليكم أموركم يارب ،، وعقبالنا :7:

من أي فرع طلعتوها الرياض او الخبر او جدة؟؟

مطلعين فيزا من عندهم الصيف الماضي 2015
والله ماكانوا كذا ابدا اسبوع وطلعت
بس كنا مبكرين شوي

خلونا متوترين ، انا ماتهنيت بإجازة العيد من كثر التفكير ، والله لعبوا بأعصابنا:2:

والله احنا غلطانين بعد المفروض الواحد يخطط ابكر من كذا ويرتب اموره بدري ويعمل حسابه لمثل هالظروف..لكن..!!
المشكلة ان ورانا فيزا شنجن بعد
الله يعين ويكتب لنا ولكم الخير

انا تقديمي 23/6 ورحت اليوم وتهاوشت معهم وقالوا تعال يوم الثلوث تلقاها جاهزة

اوك مقدرين الزحمة بس برضوا جوازات الناس مالك حق تأخرها إلى هالدرجة

حاسوني لابارك الله فيهم .. كنسلت سفره لي بسببهم .. الإمريكية سياحية اخذتها الصيف الماضي ومدة ٥ سنوات .. والله ما اخذوا كشف الحساب لأني نسيته بالبيت وقالوا مو مشكلة وطلعت في يومين

انا مقدمها في نفس يومك الخميس 23 جولاي وإلى يومك ماطلعت..

وسفرتي كانت 9 جولاي وأجلتها , جتني رسالة في العيد :
This email is to notify you that your UK visa application is now being prepared for assessment by an Entry Clearance Officer.

بمرهم بكره او بعده بشوف وش الوضع !!

لأن ان ماطلعت خلال هالاسبوع مصيبه

الله يعيين وييسر

الله ييسر لنا وياك
بإذن الله توقع كبير تطلع هالأسبوع

طيب اخوي جاك ايميل منهم شي..؟

مرات الواحد يتخذ قرار فجأة ، فيصير الوقت مضايقنا ومافي وقت للترتيب والتخطيط بدري :26: هم غلطانين ليش يطولون !!


طيب الشنقن. بتاخذون موعد عادي او vip ؟؟؟

الله يبشرك بالخيررر ،، يعني اللي مقدم بتاريخ 23 يونيو يخلصونها له يوم الثلاثاء

واللي مقدم تاريخ 27 يونيو مثلي تقريباً على الاسبوع الجاي يجينا الدور :10: مجرد تخمين من عندي

ويارب نستلمها نهاية هذا الاسبوع

ايه نفس اللي جاك جاني الايميل وهو ايميل عام لكل من وصلت اوراقة للسفارة

نقول يارب
لأن اعطيته الورقة وشافها ع السستم وقالي after 2 days

انا قصدي غير الايميل اللي باول يوم اللي يفيد بارسال الجوازات للسفارة؟
هل فيه ايميل ثاني؟
لان البعض جاه ايميل بيوم العيد بأن الجوازات موجودة بالسفارة وان الطلب تحت الدراسة

ياااااااااااارب :63::63::63::63: الله يسهل أمورنا

طيب رحت لمين بالضبط وشافها على السيستم؟؟؟
لأَنِّي ناوية اروح لهم نهاية هذا الأسبوع

المفروض قدمتوا عالفيزا قبل موعد السفر بشهرين اقل شيء

انا بسافر في سبتمبر وطلعت الفيزا من شهر 6 يعني قبل موعد سفري بـ 3 شهور

و10 ايام وخلصت - بس ان شاء الله تطلع هالاسبوع

المفروض طلعناها من زمان ، بس قرار السفر صار بشكل مفاجيء ، الحمدلله على كل حال ، ننتظر هذا الأسبوع وبإذن الله تطلع بأسرع وقت ، دعواتكم مالنا غنى عنها 😍

بكرة بروح لهم ان شاء الله وبشوف وين وصلت جوازاتنا ، وراح أفيدكم بآخر المستجدات :48:

VIP والشكوى لله
الواحد يدفع زيادة ولا يجلس على اعصابة.
تأخرنا بالتقديم فلازم ندفع الثمن

والله يا اخوي انا مقدم على الألمانية في 29 June وللحين انتظر

آيه والله صادق ،، انا برضو بأخذ vip ولا القلق والتوتر ، أحرق فلوسي ولا أحرق أعصابي :e11d:

ال vip للموعد فقط وليس لإنهاء التأشيرة بسرعة،
خدمة البرويرتي هي الخاصة بإنهاء الفيزا بسرعة قيمتها ٨٤٠ ريال

شكراً على التوضيح الله يجزاك خير ،، طيب القيمة 840 تقصد الشنقن وإلا البريطانية ؟؟؟؟

يعطيك العافية ،، إحنا نقصد الشنقن ،،، لان البريطانية خلاص قدمنا عليها ولا نقدر نغير شي .. مالنا الا الانتظار :(

كم سعر الشنقن مستعجل؟

ايه نعم جاني اول العيد رسالة من السفارة انه تحت الدراسة

تاخذ رقم من الاستقبال وتقوله تسليم جوازات بربطانيا

وتنتظر عاد لين يجي رقمك وعطه الايصال ويعلمك متى تجي

حلو حلو ... شكلي مطولة لأسبوعين قدام 😢 جتني رسالة منهم قبل شوي وكدرت خاطري :(

مع ذلك بروح لهم اليوم بإذن الله :64: لن أستسلم

ايش الرساله اللي وصلتك ..طمنينا ايش يصير معاك مصيرنا واحد انا موعدي كان 6/30