![]() |
تجربتي لاستخراج الفيزا البريطانية في جدة تجربتي كانت في مدينة جدة بتاريخ 4 اوقست للامانة بحكم انه شهر شوال وحوسة شوال عيد ومناسبات واعراس ماتخلص مافضيت ابدا اعبي الابلكيشن رحت مكتب في طريقة المدينة خليته يعبي لنا الابلكيشن لي ولاهلي وعددنا 5 اشخاص خليته يحط ايميلي عشان اي شيء يصير واي تحديث يجي على ايميلي على طول موعدنا عادي زيارة 6 شهور - فاميلي طبعا كشف حساب البنك طبعناه بعد نزول الراتب بيوم طبعنا حق 6 شهور والحساب متحرك وبالانجليزي وخليناهم يختمونه مشكلة بنك الرياض كشف الحساب كله انجليزي الا الاسم عربي فالموظف خلى ابوي يكتب اسمه بالانجليزي جنب الاسم العربي وختم البنك جنب الاسم للتأكيد " قالولنا مرة مهم الاسم بالانجليزي " وتعريف العمل والراتب برضو جبناه وترجمناه ومختوم من جهه العمل وكان معانا حجوزات طيران لكن كانت بتاريخ غير التاريخ اللي كتبت اننا بنسافر فيه في الابلكيشن فشلت هم اذا ارفقه او لا .. رحنا مركز الاعتماد الساعه 9 الصبح وموعدنا اثنين مننا 9 وربع وثلاث مننا 9 ونص دخلنا اول شيء فتشونا وبعدين عطو كل شخص فينا رقم ودخلنا قسم العوائل سوا جاء موعدنا ورحنا عند الموظفة كانت هندية وقمة في الذوق والاخلاق لغتها العربية ممتازة اخذت اوراقنا وجوازاتنا وسألت اذا عندكم حجوزات او شيء ؟ قلت لها والله سوينا الابلكيشن قبل مانحجز الطيران وترى التواريخ مختلفة .. قالت خلاص مو لازم ارفقه اساساً مو ضروري وخلتنا نوقع على كم ورقة وبعدين قالت خلاص بحط كل الاوراق والجوازات بملف واحد وورقه الاستلام تبغون كل واحد يجي ياخذ جوازه ولا شخص واحد يتكفل باخذ كل الجوازات ؟ قلنا لا شخص واحد احسن 🤕 ودفعت 10 ريال زيادة عشان توصلني رسالة الاس ام اس خلتنا ننتظر شوي لين حطت كل شيء بملف واحد وجالسة تحوس وتكتب ومدري وش تسوي 😂 بعدين رجعت نادتنا وعطتنا الملف وعطتنا نفس مواعيدنا وقالت خلاص روحو الجهه الثانيه اللي فيها منطقة التصوير والتبصيم انتظرنا دورنا يمكن ربع ساعه وبدأت تظهر ارقامنا على الشاشه ورا بعض دخلت الغرفة مقفله وفيها موظفة قاعده على مكتب قالتلي طالعي فوق وقولي اسمك وتاريخ ميلادك " اطالع بكاميرا كبيرة معلقه بالسقف " وبعدين صورتني واخذت بصماتي وخلتني اوقع ونفس الشيء صار مع باقي اهلي دخلنا 9 الصبح وطلعنا 11 تقريباً والى الان ننتظر الجوازات وصلتني رسالتين ع الايميل حالياً جوازاتنا قاعدين يشتغلون عليها بالرياض والله ييسرها ويعجل بها .. حبيت انقل تجربتي |
مبروك التقديم و ان شاء الله نبارك لكم بالفيزا الحمد لله كل شي كان سلس و الامور مشت سهالات معكم شكراً لطرح تجربتك لافادة الاعضاء و الزوار الله يسعدك |
طيب كشف الحساب اللي قدمته كان من بنك الرياض والاسم بالعربي والموظفة خلتني اكتب الاسم بالعربي بدون ختم البنك عليه! تتوقعون في مشكلة؟ |
اقتباس:
ارجعي روحي لهم قولو ابغى احد يختم لي عند الاسم ماتوقع يردونك |
اقتباس:
يارب ان شاء الله ربي يعجل بها ويفكنا من هالتوتر وكلنا هنا عشان نفيد ونساعد بعض 👍🏼 شكراً لك |
اليوم ٢٢ اوقست وصلت لي رساله الاستلام من المركز والحمدلله استلمت الجوازات بالفيزا استفدت منكم كثير .. شكراً لكم ورحلة ممتعه للجميع ❤️ |
1000 مبرووووك المكتب بس جهز الابليكشن (يعني ما عمل اي حجوزات)؟ كم اخذ منكم؟ |
الف مبروك سفرا سعيدا ان شاء الله بالتوفيق |
اقتباس:
ايه بس الابلكيشن بدون حجوزات على كل جواز 200 ريال بس بالمكاسر صارت 150 😂 |
اقتباس:
الله يبارك فيك تسلم .. |
الساعة الآن 08:06 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO