|
استفسار ارجووكم الرد سريعا السلام عليكم عندي استفسار و ياريت الاقي ردود وافية منكم لاني فعلا محتارة ومافي وقت.. انا سافرت من قبل الى لندن مرتين بحياتي.. في المرة الاولى كنت مع العيلة فالوالد هو اللي رتب امور الفيزا لانه كان مسافر معانا المرة الثانية كنا انا والوالدة،، وانا رتبت للفيزا بنفسي اونلاين ...كنت اشتغل و جبت رسالة راتب من الدوام و حطيت شهادة بنك برصيدي مع الطلب...والحمد لله عطونا.. هالمرة الحمد لله ربحت جايزة رحلة الى لندن لمدة 4 ايام مع احدى المجلات...و السفر لازم يتم قبل انتهاء شهر 4... المرة هذي للاسف انا ما اشتغل..وبودي معاي الوالدة...وهي ايضا ماتشتغل....يعني مافي ضمان العمل للرجوع الى الامرات اللي كان يسهلي المرة الماضية... شو اسوي..هل اقدم عادي وارفق ايميل الجايزة و حجوزات الفندق الي رح يرتبولي اياها و معاه رصيدي في البنك( في رصيد لا بأس به بس مافي شهادة راتب لان مافي راتب)..ولا اخلي الوالد يكتب خطاب انه رح يتكفل بمصاريفنا مع انه مش مسافر معانا وقدم بس شهادة البنك ؟ مع العلم ان الوالد متقاعد ويعمل عمل حر...يعني اقامته اقامة مستثمر..شو الاوراق اللي مفروض يسلمها لهم بما انه مافي شهادة راتب له في هالحالة.. مع العلم ايضا ان اقامتي مش على والدي حاليا مازالت على كفالة عملي شو أسلم طريقة ان تطلعلي الفيزا هالمرة؟ ومشكورين مقدما |
وين الردووود؟ :( |
وعليكم السلام 1000 مبروك فوزك بالجائزة لكن الرجاء التأكد من موثوقيتها قبل التقديم يقوم الوالد بكتابة خطاب تكفل واحد يحط فيه اسمك واسم الوالده ويرفق مع الخطاب كشف حساب 6 أشهر + صورة من جوازه + مايثبت نشاطه التجاري كمستثمر مثل السجل التجاري تقوموا بتعبئة نموذج لكل منكم و ترفقوا معاه صور الفيز السابقة لابد ترفقوها حتى لو الموظف قال مالها داع وترفقوا حجوزات الطيران والفنادق اللي اتوقع المجلة تكفلت فيها أو مايثبت قيامها بهذا الشي ولو ماكان فيه اثبات من المجلة أو قالوا لكم بعدين تقدموا عادي بدون ذكر حكاية الجائزة اطلاقاً لأن فرصتكم جيدة لوجود فيز سابقة |
شكرا جزيلا على ردك..لا الجائزة موثوق منها ان شاء الله ..هي مقدمة من مجلة لها ..والاتصال جاني من Visit Britian وفي ايميل... بس سؤال...هل ارفق الايميل اللي بعتولي اياه عن الجائزة..ولا اخليهم يبدؤوا في الحجوزات وارفق حجوزات الفندق والتذاكر مرة واحدة؟ لان عادة يطلبونها |
اقتباس:
ترفقوا الحجوزات المؤكدة هذا الاهم اما الايميل ممكن ترفقوه زيادة في التاكيد على الجائزة |
مشكور اخوي اخر سؤال..هل تعتقد اني لو ذكرت الجائزة رح يتعقد الموضوع ويمكن يشكوا فيها...يعني هل تنصحني اقدم تقديم انها زيارة عادي لمدة 4 ايام وخلاص؟ |
الف مبرروك |
الله يبارك فيك mom101 انا سمعت ان طالما اقامتي مش على ابوي على شغلي القديم ما اقدر ارفق رسالة تكفل بالمصاريف وعدم ممانعة من الوالد ..الا اذا كنت على اقامته...هل هالكلام صحيح؟؟ |
اقتباس:
نعم أتوقع كذا وأفضل التقديم عادي |
اقتباس:
التكفل بالمصاريف ممكن تكون من الوالد اما عدم الممانعة تكون من الكفيل |
| الساعة الآن 09:25 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO