|
تجربتي باستخراج الفيزا البريطانية 23 مارس 2017 بمركز التأشيرات بجدة صباح الخير السلام عليكم ورحمة الله وبركاته المسافرين انا وبنتي الصغيرة وامي واختي كلمنا مكتب لاستخراج الفيزا ودفعنا 700 ريال للجواز الواحد بمكتب التاشيرات بجدة بحي المحمدية وكانت الاوراق المطلوبة اللي طلبها المكتب جواز السفر + بطاقة الهوية + وكرت العايلة طلب المكتب يكون الكفيل قريب لنا كلنا واخترنا خالي لكن رصيده ماكان قوي فقال لنا المكتب بسبب الرصيد مو كافي ممكن تنرفض الفيزا سار الكفيل زوجي رغم انه من اول كنت ابغى زوجي الكفيل بس المكتب يقول لا افضل قريب لكم كلكم والاوراق المطلوبة صورة من جواز سفره + بطاقة العمل + كشف حساب لمدة 6 شهور + وتعريف من العمل باللغة الانجليزية ويكون كشف الحساب موجهه للسفارة البريطانية وخطاب موقع من الكفيل انه المكتفل بكامل مصاريف السفرة مالقينا موعد غير الثلاثاء الجاي واحنا مستعجلين رحنا الخميس بدون موعد واخذنا خدمة البريميوم هو الدخول بدون موعد لكن مافي تعجيل بالاجراءات بقيمة 415 ريال للجواز الواحد وصلنا ومعانا مندوب المكتب على الساعة 11 دخلنا وددفعنا واستقبلت الطلب موظفة هندية طلع انه كشف الحساب الاسم مكتوب بالعربي قالت لازم تغيير بسرعة زوجي راح البنك وزبط كشف الحساب والمشكلة الثانية الوالدة الله يحفظها كانت حاطه حنا بيدها قاالت الموظفة ماتقدر تبصم لازم يكون الحنا اخف من كذا يعني لازم نرجع يوم ثاني المشكلة انا ساكنة خارج جدة قالت الموظفة حطو كولا يخفف ورحنا حاولنا بالكولا وبمزيل المناكير انه يخف الحنا :28: والحمدلله خف شوي وقدرنا نبصم بصراحة المكتب اخذ فلوس على فاضي اللي سواه بس عباء نموذج الفيزا ولما راح معانا ماسوا شيء بس زوج اختي مصر انه عن طريق مكتب لان خايف يكون فيه اخطاء بتعبئة النموذج خدمة البريميوم تتوفر معها خدمة الرسايل وحطيت رقم جوالي والساعة 5 ونص العصر انه الاوراق خرجت من عندهم الى الرياض والوقت اللي استغرقناه بمركز التأشيرات من 11 الصباح الى 1 وربع الظهر ولازم حضور كل المسافر حتى لو كانو اطفال لان بنتي عمرها سنتين مابصمت لكن صوروها اعطونا وصل علشان نستلم الجوازات لما تخلص لكن لما كلمنا المكتب قال هو راح يستلمها مادري كيف يستلمها والوصل معنا انا خليت الوصل مع امي ممكن امي تروح تستلم الجوازات ولا لازم زوجي لاني من خارج جدة وامي اقرب بجدة وان شاء الله ربي يسهلها وتطلع الفيزا |
عليكم السلام المفاجاءات الغير متوقعة تعكر مزاج الواحد خصوصاً في مثل هذه المواقف واللي يقهرك زيادة هم مستفيدين من السياح كثير وتدخل عليهم مليارات من السياحه ليش كل هذا التشدد في الفيزا المكاتب نصابين ويخذوا فلوس على الفاضي المفروض ان الواحد يتعمد على نفسه خصوصاً ان المشوار فيك فيك عشان التبصيم يعني المكتب ماله فايده الله ييسر امرك وان شاء الله تطلع الفيزا تنبسطوا في السفرة بس لازم تجهزي الكاميرا من الان واذا رجعتي بالسلامه نبغى منك التقرير الرااائع بالتوفيق |
اهلا بك اخوي بصراحة مرة انصدمت واحنا جايين من مشوار 350 كيلو وش يرجعنا ثاني وسالفة الحنا هذي حكاية ثانية والله امي المسكينة تفرك من قلب ماتبغى ترجعنا مرة ثانية يلا ان شاء الله تكون المفاجئات هذي ذكريات حلوة ماني عارفة ليش التشدد اغلب السعوديين ماعندهم سوالف الهجرة والعمل هناك الا نادرا جدا اتوقع انه معاملة بالمثل ممكن السعودية متشددة لما يطلب البريطانين فيزا والله المكتب هذا اصرار من زوج اختي السفرة ليست سياحية مية بالمية اختي مع زوجها مبتعث وراح تسوي عملية ولازم نكون عندها بهذا الوقت رغم مسوين لنا جدول رحلات قبل العملية لكن الله يسهلها يارب دعواتكم لأختي بالشفاء ان شاء الله انزل تقرير عن المناطق اللي راح ازورها |
الله يطولكم في عمر الوالدة ويشفي اختك ويقومها بالسلامه |
شكراً لطرح تجربتك وان شاء الله نبارك لكم بالفيزا و نسأل الله عز وجل أن يمتع أختك بالصحة والعافية |
اللهم امين ويحفظ لكم كل غالي |
تحصلون الفيز بإذن الله .. شكرا على طرح تجربتك واسأل الله العلي العظيم ان يشفي اختك من كل بأس |
اسأل الله العظيم رب العرش العظيم ان يشفي أختك ويطول في عمر الوالدة ويرزقك برها. |
اللهم امين يارب العالمين جزاكم الله خير |
شكرا لذكر تجربتكم والله المكاتب تبي الفائده ولا تنصح مع أن الأمر سهل جدا |
| الساعة الآن 05:11 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO