قصة تقديمي على فيزا بريطانيا 10 سنوات
 

الله يبارك فيك ...

طبعاً كالمعتاد الفضل يرجع بعد الله لهذا المنتدى الرائع وتجارب الاعضاء

بعدين اتكلت على الله وقدمت على فيزا سياحية لمدة 6 أشهر في الرياض وجبت لهم حجوزات مؤكدة ومدفوعة (فندق وطيران) وقمت بتعبئة النماذج شخصيا وروقت عليها :e33a: واخذت نسخة منها وحفظتها ورحت للموعد واعطيتهم الاوراق ولم تصلني أي رسائل أو بريد مع العلم دفعت لهم خدمة الرسائل وبعد ثلاثة أسشابيع قلت خلني ازرق لهم اشوف ليه ما خلصت ...:12: وتفاجئت عند الوصول ان الفيزا جاهزة .. المهم اني سافرت ورجعت
حسب الوقت المحدد والمكان المحدد في الابليكيشن وعندما سألوني في المطار كم بتجلس ومتى بترجعت ذكرت لهم الوقت والتاريخ والمكان المخطط له .

بعدها بسنة قدمت لي ولزوجتي وطفلين وقلت خلني اغامر واحدد لي انا 10 سنوات وبقية العائلة على 6 أشهر ودفعت الرسوم بعد تعبئة النماذج ورحت الموعد وكان كل شيئ (سموث) لو انه فيه تأخير بعذ الشيء

ومرت اسبوعين ولا ردو علي ، قلت عزالله رحت فيها، وأنقز لهم وأستفسر منهم ويعطوني الضروف الكبيرة قلت شكلهم رفضوا الفيزه وافتح الضروف واحد واحد والقى فيز العائلة جاهزة وافتح الظرف الاخير اللي هو تبعي قلت يالله سترك ليتني ما غامرت ، وعينك ما تشوف إلا النور وافتح الجواز وألقى الفيزه ويعميني الله ادور المدة ماشفتها من الربكة وارجع اسأل المسؤل وقلت له كم مدة فيزتي ويأشر عليها قال 10 سنوات :34: عاد القلب من سرعة الضربات مافيه تركيز :1: اللهم لك الحمد والشكر. والله يوفق الجميع

الله يبارك فيك ...

هي سهلة بس المشكلة في المواعيد

انا ارى ان الواحد يصنف الدول اللي يحتاج انه يروح لها بأستمرار يأخذ مدة طويلة ويريح راسه ..

مثل بريطانيا فرنسا ...

6 اشهر مافيها فائدة لانها بتقابلك 3 شغلات
1- تعبئة الابلكيشن خصوصاً اعتقد انه حوالي 17 صفحة على ما أذكر.
2- المتطلبات . وكل فترة يغيرون فيها والناس كل شوي تسأل عن المتطلبات وخذ فتاوى.
3- حجز المواعيد وهذي مشكلة أخرى .

لكن اذا عندك فيزا 5 سنوات او عشر متى مابغيت تسافر قص التذكرة وعلى المطار ...
انا هالحين بلشان بالتقديم من جديد للعائلة لأني اخذت لنفسي 10 سنوات والعائلة 6 أشهر .

أقلها الواحد يقدم على 2 سنتين :e132:

1000 مبروك يا ابو مشاري

الف الف الف مليون مبروك ان شاء الله عقبال الجواز حقهم ههههه
دعواتكم لنا بالتوفيق بالفيزا

مبروك يابو مشاري

ع البركة