|
تاشيره بريطانيا6اشهر السلام وعليكم ورحمة الله وبركاته اليوم نحكي تجربتي تقديم فيزا بريطانيا سياحيه 6 شهور ولاول مره تاريخ التقديم كان 10/1/2018 الساعه 11:45 عن طريق مكتب سياحي اتعامل معاه من سنين طويله بالرياض قدمنا الاوراق ووبصمنا وصورونا وقالو لنا مده من 15-20 يوم وتستلمو الجوازات اليوم تاريخ 15/1/2018 الساعه 3:30 العصر وصلتني رساله من المكتب الموحد واستلمها المكتب وطلعت التاشيره ولله الحمد مده 6 شهور تبدء من اليوم وتاريخ الاصدار هو اليوم ولله الحمد الان الحمد لله حصلت على شينقن فرنسا مده سنه وبريطانيا 6 شهور كتبت تجربتي للفائده العامه :37: |
وعليكم السلام ما شاء الله تسهلت أموركم 1000 مبروك فيزا شنغن وفيزا بريطانيا بالجواز تسهل الحصول على أي فيزا اخرى نشكرك على طرحك التجربتين فهذا يفيد ناس كثير رحلة سعيدة و لا تنسينا من تقارير الرحلات :e032: |
اقتباس:
الله يبارك فيك اخي اخر فرصه اي والله ولله الحمد تسهلت وان شاء الله المره القادمه تكون امريكا لاثيات الوجود فقط ورد للرفض السابق فقط :63: |
الف مبرووك التاشيرة استفسار ايش المستندات المطلوبة عند الحضور للموعد هل لازم كشف حساب وتعريف راتب وصور شخصية؟ او فقط الطلب والجواز؟ وشكرا |
الف مبروك ورحلة سعيدة ،،،،، |
اقتباس:
قدمنا كشف حسابين واحد الي ينزل عليه الراتب وهذا غالباً مافيه رصيد والثاني ادخار وهذا هو الي فيه الفلوس وايضاً قدمنا تعريف بالراتب اتوقع صور من التأشيرات السابقه وصورة شينقن الفرنسيه الجديده الباقي ما ادري بالضبط كما قلت سابقاً االمكتب السياحي هو الي يحضر كل شي لي ولاني كنت مقدمه شينقن فرنسا قبلها فكان معاهم جميع الاوراق حتى جوازاتنا من اخذوها بعد الشينقن ما استلمتها الا بعد البريطانيه فقط قالي لاتنسي يوم الموعد كشف الحساب لان السابق كان منتهي والتعريف الموجهه للسفاره البريطانيه ايضاً كان معاهم والله يبارك فيك |
اقتباس:
وانت متى التقديم وتبشرنا |
الف مبروك ورحلة سعيده يارب ممكن رقم المكتب ووين مكانه؟! |
اقتباس:
انا اروح للفرع الرئيسي لهم مو مكاتبهم المنتشره موقعه بالرياض الملز شارع صلاح الدين الايوبي قريب من شارع جرير اسمه الرياض للسياحه والسفر بالدور السابع والدور السادس نسائي بالكامل على ما اعتقد بس انا اروح للسابع للي متعوده عليهم مدير التاشيرات سوداني اسمه عثمان لما رحت استلم الجوازات منهم قبل امس قالي معلومه جديده في حال تم رفض تأشيرتك بسبب اخطاء من مكتبهم سواء حجوزات او تعبئه ابلكيشن او الغاء طيران او فندق بهالحاله الموظف المخطئ يتحمل ويرجعون لك فلوسك عشان يكون حريص وهو يجهز ويعبي بصراحه شي جميل واول مره اعرف وانا لي معاهم فوق5 سنوات معاهم اذا كنت موظف stc رسوم المكتب تتغير من 280 الى 50 ريال طبعاً في اتفاقيات بينهم اكيد انا تعاملي معاهم فقط ودايم ادفع رسوم 280 ريال بس لما قدمت تاشيره امريكا صراحة مادفعت الا 50 ريال عن الشخص لان اخوي موظف stc وكان يقدم معانا بالبدايه كانو رافضين لان الخصم يشمل الموظف ممكن زوجته وعياله بالكثير امه وابوه بس مدير التاشيرات كلمته من باب اني متعوده عليهم وكنت متوقعه الرد بالرفض بس صدمني قال ابشري بدخلكم بكرت اخوك الوظيفي بعدها سواء الشينقن او البريطانيه قال للموظف عطيهم نفس خصم stc بصراحه تفاجئت ويشكر على ذالك ادفع 50 ريال للشخص وهم يتولون كل شي من الالف للياء حتى بالمكتب الموحد فقط ابصم واصور للفيزا واطلع حتى الاستلام هم يستلمونه انا اروح مكتبهم اي وقت واخذ جوازي :58: انطباعي عنهم ممتاز وبعد هالموقف زاد اعجابي فيهم سواء كنت ادفع قبل 280 للشخص او الان 50 للشخص تعاملهم واحد ماتغير ابداً |
اقتباس:
اليوم رحت المكتب الموحد في جدة وما اخذوا غير جواز السفر والصفحة الاولى من الابليكشن ما اخذوا صور ولا كشف حساب ولا تعريف راتب ولا بقية صفحات الطلب وقالت الموظفة : السعوديين فقط مطلوب جوزا السفر وتعبئة الطلب جميع الاوراق الباقية غير مطلوبة وليس لها اي فائدة. واخذوا البصمة والان بانتظار اصدار الفيزا |
| الساعة الآن 12:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO