|
تجربتي في استخراج فيزا بريطانيا السلام عليكم ورحمه الله وبركاته اخواني اعضاء منتدى المسافرون العرب اطرح لكم تجربتي في استخراج فيزا بريطانيا قبل ان ابدأ في سرد خطوات الاستخراج ..... احب اشكر اخوي ( اخر فرصه ) على سعه صدره ورحابته واجابته لجميع الاسئلة سواء اسئلتي او اسئله الاخوه والاخوات الاعضاء بسم الله نبدأ اتبعت خطوات اخوي اخر فرصه وحجزت من خلال الرابط واخذت موعد في 27.06.2018 في الخبر حضرت في الموعد ومعي كل المستندات المطلوبه ... اكثر شي طلبوه هو الأبليكيشن مع اني جبت معي التأمين الطبي والبنكي وصور ولكن لم يسألو عنها ابدا تم جمع المعلومات كامله ... طلبت مني مبلغ 10 ريال عن كل رساله اذا حبيت اعرف اذا الفيزا خلصت او لا بعد كذا تم التصوير والتبصيم بالاخير اعطوني اوراق ومستندات وطلبو انها تكون معي لحظه استلامي للجواز في تاريخ 09.07.2018 تم ارسال رساله ان الجواز جاهز للاستلام ( 12 ) يوم مابين الموعد والاستلام في لحظه الاستلام طلبو مني بطاقه احوالي والاوراق اللي سلموها لي ورساله الجوال لاحظت انهم متشددين في عمليه تسليم الجواز اذا كان الشخص المستلم ليس من المسافرين وايضا اذا كان اهلك مو معك خصوصا الكبار يطلبون منك صوره من بطاقه احوالهم مع توقيعهم بعدم الممانعه في استلام جوازاتهم ايضا سألتهم عن اقصى مده ممكن يبقى عندهم الجواز .... قال لي الموظف اسبوعين عمل ثم بعدها يرسل الجواز في حاله عدم استلامه الى السفاره اللي طلعت منها الفيزا ارجو اني اكون افدتكم بتجربتي في استخراج الفيزا واي شخص حاب يستفسر حياه الله اخوكم سلطان |
1000 مبروك يا سلطان تستاهل تجربة جميلة نشكرك على طرحها واضافة رائعة بانهم يحتفظون بالجواز لمدة اسبوعين فقط فيه خطاب لاستلام الجوازان في بوابة التاشيرات العامة اللي يحب يستعمله الله يسعدك و رحلة سعيدة بس لا تنسانا من تقرير عن الرحلة |
اخري يعني ماجاك الا رسالة وحده فقط طول المده مابين موعد التقديم الين الاستلام ؟ |
اقتباس:
الا جتني رساله اول يوم رحت فيه للموعد انه تم تسليم جوازي للسفاره وبعدها ب 12 يوم جتني رساله ثانيه ان جوازي جاهز للاستلام من المكتب |
ماشاء الله |
تشكر على التجربة |
موعدي بعد يومين اسال الله التوفيق |
شكراً على طرح تجربتك أخ سلطان ، ومبروك عليك الفيزا أنا موعدي الاربعاء بمكتب الخبر يعني آخذ معي بس الجوازات والابلكيشن ؟ |
اقتباس:
وراح يسالك اذا تبي تضيف شي ( اختياري) مثل تعريف بالراتب او كشف حساب ..الخ |
للي طلب مستعجل كم ياخذ يوم بالعاده |
بالتوفيق لك�� انا عندي استفسار, موعدي كان ١٩/٧ وفي نفس اليوم وصلتني رسالة انه تم ارسال الجوازات للسفارة, ومن بعدها ما جاتني اي رسايل وقالولي ان المعاملة بتخلص خلال ١٠ ايام عمل (لسى مانتهت) هل في اي احتمال انه يتم تأخير استلام الجوازات عن ١٠ ايام عمل ؟ لأن سفري بعد ١٩ يوم:63: |
اقتباس:
انا اخذت مني 14 يوم تقريبا فشي طبيعي لا تشيل هم توقعي اول 5 ايام من شهر اغسطس تخلص معاملتك .. شيك على الايميل .. السفاره ماترسل ع الرسايل النصيه |
تسلم |
| الساعة الآن 11:53 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO